Estere 7:3 - MUKANDA WA MYIDI MUKULU

³ Mukalenga mukaji Estere kuandamuna ne: — Mukalenga, paudi munganyishe, kabidi paudi munsue, ndi nkulomba bua tshisamba tshianyi ne meme katutu to. Ke tshindi nkulomba bua ungenzele atshi.

Mukanda wa Nzambi Dihungila Dikulukulu ne Dihungila Dihia-dihia 2003

³ Hashishe Esetê mukelenge mukashi wakamukudimuna ne, Bingikala musangane luse ku mesu kuebe, mukelenge, biasua mukelenge, basungile muoyo wanyi ku dilomba dianyi ne basungile bantu banyi ku disengelela dianyi;

Estere 7:3 交叉引用

Yirmeya 38:26

Kadi ubandamune ne: “Mvua nsengelela mukalenga bua kampingaji kabidi mu nzubu wa Yonatane. Bualu ndi mua kufuilamu.”

Yobe 2:4

Mufundianganyi kuandamuna Mvidi Mukulu ne: — Umutete mushindu mukuabu. Tshionsu tshidi muntu natshi, udi utshifila bua kudisungidila.

Estere 7:7

Mukalenga kufika munda bikole ne tshiji, kumuka ku mesa, kupatuka mu lupangu luende lua bukalenga. Amane umanya ne: mukalenga udi ujinga kunshipesha, kushalaye usengelela mukalenga mukaji Estere, bua amusungidile, kabamushipi.

Estere 4:8

Mordekayi kumupesha kabidi mukanda uvuabu bafundile bena Shushane, muikale ne mukenji wa kubutula bena Yuda. Uvua umusengelela bua ambile Estere bionsu abi, amuleje ne mukanda. Atake uvua kabidi ne bua kutendakena Estere bua aye kudi mukalenga, bua kuakuila bena tshisamba tshiabu ne kubalombela luse.

2 Bakalenga 1:13

Musangu muisatu, mukalenga Akaziya kutuma kabidi mulombodi mukuabu ne bena mvita makumi atanu. Kubandabu pa mukuna. Anu bamone Eliya, mulombodi wa bena mvita kutuaye binu panshi, utendakena Eliya, wamba ne: — Muambi wa Mvidi Mukulu, kunshipi, kabidi kushipi bantu aba makumi atanu bandi nabu!

1 Bakalenga 20:31

Balombodi ba mu bukalenga bua Benadade, kumuambila ne: — Teleja, tudi bumvue ne: bakalenga ba bena Izrayele badi ne luse lua bungi. Nanku, tudi basue kuvuala bilamba bikayabale, kudisuika mionji mu nshingu, bua tuye kumonangana ne Akabe, mukalenga wabena Izrayele. Misangu mikuabu kena mua kukushipa to.

Estere 5:8

Mukalenga, paudi munganyishe, muanyishe dilomba dianyi, ufike kabidi muanyi maloba, bua didia dinene dindi munuenzele wewe ne Amane. Nanku, diba adi nenkuambile tshindi njinga.

Estere 8:5

kuambila mukalenga ne: — Mukalenga, paudi mumone ne bindi nkulomba bidi bimpe, kabidi paudi munganyishe, munnange, ufunde mukanda wa kukandika nawu mikanda ivua Amane, muana wa Amedata, wa ku ndelanganyi ya Agaje mufunde bua kubutula bena Yuda, badi basomba mu matunga onsu a mu bukalenga buebe.