Estere 5:2 - MUKANDA WA MYIDI MUKULU

² Pavuaye umona mukalenga mukaji muimane mu lubanza, kumuanyishaye, kumuoluelaye dikombu dia mpawungi di-vuaye mukuate mu tshianza. Estere kusemena, kukuata ku lusongu lua dikombu.

Mukanda wa Nzambi Dihungila Dikulukulu ne Dihungila Dihia-dihia 2003

² Hakadi mukelenge utangila Esetê mukelenge mukashi muimane mu tshiendedi, yeye wakasangana luse ku mesu kuandi, mukelenge wakoluela Esetê dikombo dia or diakadi mu tshianza tshiandi. Nunku Esetê wakasemena ha buihi, wakalenga lusongo lua dikombo.

Estere 5:2 交叉引用

Estere 8:4

Mukalenga kuoluela Estere dikombu diende dia mpawungi. Estere kujuka panshi,

Estere 4:11

“Bantu bonsu, bena mudimu ba mukalenga, nansha badi basomba mu matunga a mu bukalenga, mbamanye bimpe ne: Muntu yonsu, mulume nansha mukaji, udi udiyila mu lubanza munda mua lupangu lua mukalenga, kabayi bamubikila kudi mukalenga, tshiende ndufu. Udi mua kushala ne muoyi amu padi mukalenga umuoluela dikombu diende dia mpawungi. Kadi meme, kukadi mpindiewu ngondu mujima, udi mukalenga kayi mumbikile pabuipi nende.”

Nsumuinu 21:1

Muoyi wa mukalenga udi bu musulu wa mayi udi Maweja-Nangila utuma kuonsu kudiye musue.

Bienzedi 10:4

Korneliyuse kutangila mutumibue wa Mvidi Mukulu ne bowa, kumuebeja ne: — Mukalenga, udi wamba bishi? Mutumibue kuandamuna ne: — Mvidi Mukulu udi ukuvuluka, ukuanyisha bua dimutendelela diebe, kabidi ne bua bintu biudi upesha bapele.

Bienzedi 7:10

Kumusungidilaye ku makenga ende onsu. Kumuambuluishaye bua mukalenga wa bena Ejipitu, amunange, anyishe meji ende. Ke mukalenga awu kumuteka mulombodi wa ditunga dia Ejipitu, ne wa nzubu wende mujima wa bukalenga.

Misambu 116:1

Ndi munange Maweja-Nangila bualu udi unteleja pandi mmubikila

Estere 2:9

Estere uvua wenza bivua bilengelela Egayi. Ke Egayi kumuanyisha bikole. Kupeshaye Estere biakudia ne bintu bionsu bivua mua kulengeja mubidi wende. Uvua mumupeshe kabidi ne bena mudimu muanda mutekete, basunguila ku bansongakaji bena mudimu bavua mu nzubu wa bukalenga. Uvua mubateke pamue ne Estere mu nzubu uvua muimpe mupite mikuabu yonsu ya mu lupangu lua bakaji.

Nehemya 1:11

Maweja-Nangila, ndi nkusengelela ne: utelejeku mundi nutendelela, kabidi mudibu bakutendelela kudi bantu bebe bakuabu, badi ne disanka dia kukutumbisha. Wewe, ungendeshe diakalenga mu bionsu bindi musue kuenza lelu. Ungambuluishe bua mukalenga wa bakalenga angandamune bimpe. Tshikondu atshi, meme Nehemya mvua ntangila bantu bavua balongolola maluvu a mukalenga wa bakalenga.

Genese 32:28

Yeye awu kukonka Yakobe ne: — Dina diebe nnganyi? Yakobe kumuandamuna ne: — Ndi Yakobe.