Estere 4:1 - MUKANDA WA MYIDI MUKULU

¹ Mordekayi umvua bivua bienzeka, kudipandaye bilamba, kuvuala bilamba bia madilu, kudilaba butu mu mutu. Uvua wendakana mu tshimenga, wela mbila mikole ya dikenga.

Mukanda wa Nzambi Dihungila Dikulukulu ne Dihungila Dihia-dihia 2003

¹ Hakamanya Môdekai malu onso akenzabo, Môdekai wakadihanda bilulu biandi, wakadiluatshisha bilulu bikayabala, wakadiela butue hamʼbidi, wakaya munkatshi mua musoko, wenda, udila bikole;

Estere 4:1 交叉引用

Danyele 9:3

Meme kujila biakudia, kuvuala bilamba bikayapale, kudilaba butu. Meme kutangila kudi Maweja-Nangila Mvidi Mukulu, bua kumutendelela ne kumusengelela.

Yobe 42:6

Ke pandi ngunwua bundu bua bionsu bimvua muambe. Ndi nyingalala nsomba mu lupuishi ne mu butu.

2 Samuele 13:19

Nanku kudielaye butu mu mutu, kupanda muntumpu wende muimpe. Kubuikilaye bianza kuisu, kuyaye, wenda udila bikole.

2 Samuele 1:11

Davide ne bantu bonsu bavua pabuipi nende, kudipandabu bilamba.

Yobe 2:8

Yobe kuya kusomba mu butu, kuangula tshiyoyi tshia luesu bua kudikuanya natshi.

Bienzedi 14:14

Kadi bapostolu babidi kumanya bualu abu. Kupandabu bilamba biabu, kuya lubilu kudi bantu, benda bela mbila ne:

Matayi 11:21

— Wewe, Korazine, udi muena diakabi! Wewe, Betsayida, udi muena diakabi! Bualu bishima bidibu benzele muenu, bu biobi bienzekela mu Tire, ne mu Sidone, bena bimenga ebi kuonsu eku bakavua bavuale bilamba bikayapale, badilabe butu, bua kuleja ne: tudi basue kudilengeja.

Sefanya 1:14

Dituku dinene didi Maweja-Nangila ufika munda dikadi pabuipi. Didi difika ne lubilu luonsu. Pafika dituku adi bantu nebele mbila, kabayi ne ditekemena nansha, nansha bantu badi ne dikima dipite nebadile muadi!

Mika 1:8

Pandi ngela meji ku bionsu abi, meme Mika, ndi ngasa muadi, ndi ndila, ntua mikemu. Ndi ngenda butaka, ku makasa kutupu. Ndi ngela mikunda, bu nyama ya mibuabua, ntua mikemu ngabakana bu nyunyi ya mikolu mile.

Yezekiyele 21:6

Maweja-Nangila kuamba kabidi ne:

Yeshaya 58:5

Dijila dia biakudia dia mushindu ewu, ke dindi musue meme anyi? Ke dituku dia kudipuekesha dindi mua kuanyisha meme anyi? Kuinyika mutu bu dilenga, kuvuala bilamba bia madilu, kulala mu lupuishi, ke dituku dinudi nuenu nuamba ne: ndia tshijila anyi? Ke dituku dinudi nuela meji ne: didi disankisha meme anyi?

Yeshaya 22:4

Ke pandi nkuambila ne: “Kutangidi bualu buanyi to. Undekele, ndile bikole. Lekelayi kuditatshisha bua kunsamba, bua bana betu bonsu bavuabu bashipe.

Yeshaya 15:4

Bena mu Eshebone, ne bena Elale, badi bela mbila, balomba diambuluisha. Mbila yabu idi miumvuike too ne mu Yakase. Ke padi bena mvita ba bena Mowabe, bakuatshika bowa, kabayi ne tshia kuenza.

Yobe 1:20

Ke Yobe kujuka, kupanda tshinkutu tshiende, kubeya nsuki, kudishinda mutue mpala panshi.

Estere 4:3

Mu ditunga dia mu bukalenga dionsu divua mukenji wa mukalenga ufika, bena Yuda bonsu bavua amu ne bowa bunene. Bavua bajila biakudia, badila miadi, bakengakana. Bantu ba bungi bavua bavuala bilamba bia madilu, balala mu butu.

Yoshua 7:6

Yoshuwa ne bakulu ba bena Izrayele, kudipanda bilamba. Kudielabu malaba mu mitu, badiela mpala panshi kumpala kua mushete wa tshijila wa Maweja-Nangila too ne ku dilolu.

Genese 27:34

Esawu umvua bivua tatuende wakula abi, kudilaye muadi mukole ne kanyinganyinga, wamba ne: — Tatu, ungele panyi lupemba.

Didimanyisha 11:3

Meme nentume bajadiki banyi babidi, bavuale bilamba bikayapale. Matuku tshinunu nkama ibidi ne makumi asambombu aa, nebamanyishe bantu bidi Mvidi Mukulu mubambile.

Estere 4:2

Yeye mumane kufika kumpala kua nzubu wa mukalenga, kuimanaye, bualu muntu muvuale bilamba bia madilu kawa mua kubuela mu nzubu wa mukalenga to.

Genese 37:34

Yakobe kudipanda bilamba, kuvuala bilamba bikayabale, kuenza madilu a muanende matuku mavule.

Yeshaya 37:1

Mukalenga Izkiya mumane kumvua bionsu bivuabu bambe, kudipandaye bilamba biende. Kuvualaye bilamba bia madilu. Kuyaye mu nzubu wa Maweja-Nangila.

Yeshaya 37:2

Kutumaye diakamue Eliyakime, mulombodi wa nzubu wa bukalenga, Shebna, mufundi, ne bakulu ba batuangaji, kudi muambi Yeshaya, muana wa Amose. Bantu abu kuvuala kabidi bilamba bia madilu.

Yezekiyele 21:11

Kadi wewe Yezekiyele, winame panshi, bu muntu udi kayi kabidi mua kutekemena tshintu tshia nsongu, utua mikemu, bobu batangile.