Estere 3:8 - MUKANDA WA MYIDI MUKULU

⁸ Amane kuambila mukalenga Ahashaveroshe ne: — Mukalenga, mu bukalenga buebe, mudi tshisamba tshia bantu ba mushindu mukuabu, bamuangalaka mu bitupa bionsu bia bukalenga buebe. Bibidilu biabu mbishilangane ne bia bantu ba bisamba bikuabu bionsu. Kabena banemeka meyi ne mikandu bia mu bukalenga to. Kadi tshiudi mulekele bantu aba basomba talalaa mu ditunga ntshinyi?

Mukanda wa Nzambi Dihungila Dikulukulu ne Dihungila Dihia-dihia 2003

⁸ Hamana wakambila mukelenge Ahashawelosha ne, Kudi bantu bakuabo bakamuangalaka munkatshi mua bantu ba mu nseke yonso ya bukelenge buebe; mikenji yabo idi mitahuluke ku ya bantu bonso; kabena batumikila mikenji ya mukelenge; nunku kambimpe bua mukelenge abitabushe.

Estere 3:8 交叉引用

Dielulula 4:27

Maweja-Nangila neanutangalaje munkatshi mua bisamba bikuabu. Kadi mu matunga ikalaye munutume awu, nenuikale anu bakese.

Lewitiki 26:33

Nennuluishe, nnutangalaje mu matunga makuabu. Ditunga dienu nedishale tshipela, bimenga bienu bionsu nebibutuke.

Yakobe 1:1

Meme Yakobe, muena mudimu wa Mvidi Mukulu ne wa Mfumu Yezu Kristu, ndi ngela bantu bonsu ba Mvidi Mukulu badi batangalake pa buloba bujima mioyi.

Bienzedi 28:22

Nanku tudi basue kudiumvuila meji audi wela. Bualu tudi bamanye ne: tshisumbu tshiudi mubuele atshi, miaba yonsu bantu badi batshibenga.

Bienzedi 24:5

Tudi bamanye se: muntu ewu ntshipupu. Udi utombueja bena Yuda bonsu pa buloba bujima. Udi mfumu wa tshisumbu tshia bena Nazarete.

Yowanane 7:35

Bena Yuda kukonkangana ne: — Nkuepi kuayaye kutudi katuyi mua kumumona? Uyaya kudi bena Yuda badi batangalaka mu bena Ngreke bua kulongesha bena Ngreke anyi?

Zekâya 7:14

Meme kubatangalaja mu bisamba bia mishindu yonsu, biwabu kabayi bamanye. Ditunga divuabu bumuke, divua dishale munda mutupu. Muntu nansha umue kawa utambakenamu kabidi to. Ditunga diabu divua dimpe bua kusomba, bobu kudiandamuna tshipela.”

Yezekiyele 11:16

Nanku, ambile bana benu banudi nabu mu bupika malu andi meme Maweja-Nangila Mvidi Mukulu mbambila ne: “Mvua munutume ku matunga a kule, munkatshi mua bantu benyi. Kadi kuine aku, ndi amu munkatshi muenu, ndi bu muaba wa tshijila.”

Yezekiyele 6:8

Kadi bantu bakese ba kunudi nembasungidile, nembapandishe ku mvita. Nembatume mu matunga a bantu benyi.

Yirmeya 50:17

Bena Izrayele bavua bu mikoku mipambuke, ivua nyama ya ntambue ipatshila. Mukalenga wa bena Ashure uvua wa kumpala, uvua muyidie. Pashishe, Nebukadnesare, mukalenga wa bena Babilone, uvua muyitshibule mifuba.

Nehemya 1:8

Uvuluke meyi ebe avua Moshe mutuambile ne: “Nuenu kanuyi bangitabe ne muoyi umue, nennutangalaje munkatshi mua bisamba bikuabu.

Dielulula 32:26

“Mvua musue kubutula bena Izrayele bonsu, kabayi mua kubatela kabidi pa buloba.

Dielulula 30:3

Maweja-Nangila Mvidi Mukulu wenu neandamune malu enu. Neamuenzele bimpe, neanumushe mu matunga onsu avuaye munutangalaje. Neanupingaje mu ditunga dienu.

1 Petro 1:1

Meme Petro, mupostolu wa Yezu Kristu, ndi mfundila bantu badi Mvidi Mukulu musungule mukanda ewu. Nudi batangalake mu matunga makuabu bu benyi, basombe mu buloba bua Pontuse, bua Ngalatiya, bua Kapadokiya, bua Aziya, ne bua Bitiniya.

Estere 3:9

Paudi musue, funda mukanda, ele diyi bua babutule bantu aba. Nanku meme nempeshe bena mudimu badi balongolola malu a bukalenga kilo binunu nkama isatu ya tshiamu tshitoke tshia mushinga mukole, bua babiteke mu tshibutshilu tshia bukalenga.

Estere 4:1

Mordekayi umvua bivua bienzeka, kudipandaye bilamba, kuvuala bilamba bia madilu, kudilaba butu mu mutu. Uvua wendakana mu tshimenga, wela mbila mikole ya dikenga.

Yirmeya 33:24

— Kuena mumvue mudi bantu bamba anyi? Badi bamba ne: ndi mubenge bena Izrayele ne bena Yuda, meku abidi andi musungule! Badi bamba nenku badi bapepeja bantu banyi. Kabena nansha babatangila bu tshisamba to.

Danyele 3:8

Tshitupa tshipi, bena Babilone bakuabu kufika, bua kusonguela bena Yuda.

Danyele 6:13

Kuyabu kudi mukalenga wa bakalenga, bamuambila ne: — Mukalenga wa bakalenga, wewe kuela mukenji wa ne: matuku makumi asatu, muntu yonsu watendelela mvidi mukuabu, anyi muntu mukuabu, kayi untendelela meme nkayanyi, nebamuele mu buina bua nyama ya ntambue. Ki mmomu anyi? — Bulelela, ke dipangadika dituvua bangate, bilondeshile meyi a bena Madayi ne a bena Persa, adi muntu kayi mua kushintulula.

Dibadika 23:9

Ndi nsomba pa mbuebue, ntangila bantu aba. Ndi pa mikuna, mpuekesha mesu, mbakenketa. Bena Izrayele mbantu ba pa buabu, mbashilangane ne ba bisamba bikuabu.

Ezela 4:6

Ku ntuadijilu wa bukalenga bua Ahashaveroshe bena lukuna ba bena Yuda kutumina Ahashaveroshe mukanda, basonguela bena Yuda ne bena Yerushalayime.

Danyele 6:14

Pashishe bantu abu kuambila mukalenga munene ne: — Mukalenga, Daniyele, umue wa mu bapika ba mu ditunga dia Yuda, kena ukunemeka nansha wewe, nansha mukenji uudi muele. Udi utendelela Mvidi Mukulu wende misangu isatu ku dituku.