Estere 3:2 - MUKANDA WA MYIDI MUKULU

² Bena mudimu bonsu ba mu nzubu wa bukalenga bavua batua binu, binyika ne mitu kumpala kua Amane, bu muvua diyi dia mukalenga. Kadi amu Mordekayi nkayende ke uvua ubenga kuenza nanku.

Mukanda wa Nzambi Dihungila Dikulukulu ne Dihungila Dihia-dihia 2003

² Bena mudimu ba mukelenge bonso bakadi ku tshibi tshia mukelenge bakatua binu hanshi, bakakukuila Hamana; bualu bua mukelenge wakela mukenji nunku bua bualu buandi. Kadi Môdekai kakatua binu hanshi, kakamukuila.

Estere 3:2 交叉引用

Filipe 2:10

Nanku bonsu badi mu diulu, badi pa buloba, nansha badi munda mua buloba, batue binu, banemeke dina dia Yezu,

Misambu 15:4

Udi upepeja badi Mvidi Mukulu udiwula, unemeka badi bitaba Maweja-Nangila. Yeye mutule diyi udi udikumbaja, nansha yeye mufuane kujimija bidiye nabi.

Estere 5:9

Amane kupatuka ne disanka dituku adi mu nzubu mua mukalenga mukaji. Kadi ufika ku tshiibi tshia lupangu lua mukalenga, kusanganaye Mordekayi musombe, kayi ujuka, kayi umuleja kanemu nansha kakese. Amane kumufikila munda bikole.

Estere 3:5

Amane mumane kujadika muvua Mordekayi mubengelemu bua kumutuila binu ne kuinyika mutu kumpala kuende, kufikaye munda bikole.

Estere 3:1

Matuku makese mamane kupita, mukalenga Ahashaveroshe kubandisha Amane, muana wa Amedata, wa ku ndelanganyi ya Agaje, muanzu wa mulombodi wa kumpala mu ditunga.

Estere 2:21

Dituku dikuabu, pavua Mordekayi wenzela mudimu mu nzubu wa mukalenga, Bigtane ne Tereshe, bantungu babidi ba mukalenga bavua balami ba tshibuelelu tshia nzubu ya mukalenga, bavua bela tshifufu tshia kushipa mukalenga Ahashaveroshe, bualu mukalenga uvua mubafikishe munda bikole.

Estere 2:19

Musangu muibidi, kusangishabu kabidi bansongakaji. Mordekayi ukavua mumane kupeta muanzu munkatshi mua bena mudimu ba mu bukalenga.

1 Samuele 15:3

Nanku mpindiewu, wewe Shawule, uye kubaluisha, ubabutule ne bintu bionsu bidibu nabi. Kubafuidi luse to. Ushipe bantu ne nyama bionsu: balume, bakaji, bana batoke, ngombe, mikoku, nyama ya tumelu ne ya mpunde.”

Dielulula 25:19

Maweja-Nangila Mvidi Mukulu wenu neanufikishe mu ditunga didiye munupe. Neanupandishe ku baluishi bonsu badi nenu mutumba. Diba adi, nenubutule bena Amaleke, kabayi mua kubavuluka kabidi pa buloba to. Kanuena mua kupua bualu ebu muoyi to!

Ekesode 17:16

Moshe kuamba ne: — Bu mudi bena Amaleke babunda nkuasa wa butumbi wa Maweja-Nangila, Maweja-Nangila neabaluishe matuku onsu.

Ekesode 17:14

Maweja-Nangila kuambila Moshe ne: — Funda bualu ebu mu mukanda, bua bantu babuvuluke. Umanyishe Yoshuwa ne: meme nembutule bena Amaleke bonsu. Muntu nansha umue kakubavuluka kabidi to.

Genese 41:43

Kumubandishaye mu ditempu divuabu babande amu kudi tshindonda tshiende. Bantu bavua banyema badianjidila kumpala kuende, bela mbila, bamba ne: “Mushilayi njila, apite”. Ke muvua Yozefe mupete bumfumu bua ditunga dijima dia bena Ejipitu nanku.

Estere 2:5

Mu tshimenga tshia Shushane muvua muena Yuda, dina diende Mordekayi, muana wa Yayire, wa ku ndelanganyi ya Shimeyi ne Kishe, wa mu tshisamba tshia Binyamine.

Estere 3:3

Bena mudimu bakuabu ba mukalenga kukonka Mordekayi tshidiye ubengela diyi dia mukalenga adi.

Danyele 2:49

Mukalenga kuteka Shadrake, Meshake ne Abede-Nego ku mutu kua midimu minene ya mu buloba bua bena Babilone, muvua Daniyele mumulombe. Kadi Daniyele kushala mufidi wa ngenyi mu lubanza lua bukalenga.