Estere 3:1 - MUKANDA WA MYIDI MUKULU

¹ Matuku makese mamane kupita, mukalenga Ahashaveroshe kubandisha Amane, muana wa Amedata, wa ku ndelanganyi ya Agaje, muanzu wa mulombodi wa kumpala mu ditunga.

Mukanda wa Nzambi Dihungila Dikulukulu ne Dihungila Dihia-dihia 2003

¹ Ku nyima kua malu a mukelenge Ahashawelosha wakabandisha Hamana, muana wa Hamedata, Muena Agaga, wakamuteka ku mutu kua bantu banene bonso bakadi nʼandi.

Estere 3:1 交叉引用

Dibadika 24:7

Mayi adi muwule mu mpokolu, apueka mavule mu madimi. Mukalenga wa bena Izrayele udi mupite Agage. Bukalenga buende budi ne bukole.

Danyele 6:2

Daryaveshe kupangadika bua kuteka bantu lukama ne makumi abidi mu bukalenga buende, badi mua kuleja mpala wende mu tshitupa tshionsu tshia buloba buende.

Estere 5:11

Amane kuditambisha kumpala kuabu, bua bubanji buende, bua bana ba bungi bavuaye nabu, ne bua lumu luvua mukalenga mumupeshe. Bualu mukalenga uvua mumuteke mulombodi wa kumpala, mupite banene ba mu bukalenga bonsu, ne baludiki ba ditunga ku muanzu.

Estere 3:10

Ke mukalenga kukopola kakanu ka ku munu, kukapesha Amane muluishi wa bena Yuda, muana wa Amedata, wa ku ndelanganyi ya Agaje.

1 Samuele 15:33

Kadi Samuwele kuambila Agage ne: “Muela webe wa mvita uvua mushipe bana, bamamu bashale bianza bitupu. Nanku, mamuebe neashale kayi ne muana.” Samuwele kushipa Agage, kumusaya kumpala kua tshilambuilu tshia Maweja-Nangila mu Ngilgale.

Genese 41:40

Wewe ne wikale mulombodi munene wa mu bukalenga buanyi. Bantu banyi bonsu nebitabe mikenji yebe. Meme nenkupite amu ku bumfumu buanyi.

Nsumuinu 29:2

Padi bantu badi bitaba Mvidi Mukulu bavule, bantu badi ne disanka. Kadi muntu wa tshikisu yeye muangate bumfumu, bantu bonsu badi batua mikemu.

Misambu 12:8

Maweja-Nangila, wewe ke udi ukumbaja biudi ulaya. Bantu badi bakubenga badi bendakana miaba yonsu, bubi budi buvulangana mu bantu. Kadi utuepule bua katubuelakanyi ne bantu babi aba.

Estere 8:3

Estere kuyukila tshiakabidi ne mukalenga, kudiela panshi ku makasa ende, udila muadi, umusengelela bua abenge malu mabi avua Amane wa ku ndelanganyi ya Agaje musue kuenzela bena Yuda.

Estere 7:6

Estere kuandamuna ne: — Muluishi wetu, kabidi mushipianganyi muena tshikisu, ke Amane. Amane kuzakala bikole kumpala kua mukalenga ne kua mukalenga mukaji.

Estere 1:14

Bafidi ba ngenyi ba mukalenga bavua pabuipi nende bavua muanda mutekete: ke Karshena, Shetare, Admata, Tarshishe, Merese, Marsena ne Memukane. Bobu aba bavua bantu bavua ne muanzu munene mu bukalenga bua bena Persa ne bena Madayi. Mukalenga uvua mubatekemene, mubape mianzu minene mu bukalenga buende.

Ezela 7:14

Meme ne bafidi ba ngenyi banyi muanda mutekete, tudi tukutuma mu Yerushalayime, ne mu buloba bua bena Yuda, bua wewe kujadika ne: bantu badi bakumbaja tshidibu bafunde mu mukanda wa mikenji ya Mvidi Mukulu uudi uya nawu anyi?

1 Samuele 15:8

Shawule kushipa bantu bonsu, kushiya amu mukalenga wabu Agage. Kumuelaye mu lukanu.

Genese 41:55

Diba diabuedi tshiyole tshia nzala mu ditunga dia Ejipitu, bena Ejipitu kulomba biakudia kudi mukalenga wabu. Yeye kubatuma kudi Yozefe, ubandamuna bonsu ne: “Lombayi kudi Yozefe. Nuenze bidiye unuambila.”

Muambi 10:6

Muntu mutshimbakane misangu mikuabu udi upeta muanzu munene. Kadi bena biuma badi bashala kabayi mianzu.