Estere 2:5 - MUKANDA WA MYIDI MUKULU

⁵ Mu tshimenga tshia Shushane muvua muena Yuda, dina diende Mordekayi, muana wa Yayire, wa ku ndelanganyi ya Shimeyi ne Kishe, wa mu tshisamba tshia Binyamine.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Muena Yuda mukuabo wakadi mu nsubu wa mukelenge wa mu Shushana, dina diandi diakadi Môdekai, muana wa Yai, muana wa Shimei, muana wa Kishi, Muena Benyamina.

Estere 2:5 交叉引用

Estere 10:3

Nenku Mordekayi muena Yuda, kushala muntu wa butumbi mu bukalenga, ulonda Ahashaveroshe ku bumfumu. Bana babu bonsu bena Yuda bavua bamunange ne bamunemeke bikole. Uvua ubenzela mudimu bua diakalenga diabu, ubakuila bua kubapesha ditalala.

Estere 5:1

Matuku asatu a tshijila tshiende mamane kujika, Estere kuvuala bilamba biende bimpe bia mukalenga mukaji. Kuyaye mu lubanza lua munda mua nzubu wa mukalenga. Kuimanaye kumpala kua nzubu wa mukalenga. Mukalenga uvua mu nzubu wende, musombe mu nkuasa, mutangile ku mushiku wa tshibuelelu.

Estere 2:3

Nenku, lomba balombodi ba matunga onsu adi mu bukalenga buebe, bua bakutuadile nsongakaji ya mpala mulenga. Bafike nayi mu lupangu lua bakaji ba bukalenga, ludi mu tshimenga tshia Shushane. Egayi, mutungu mulami wa lupangu elu, neayilame bimpe, neayipeshe mafuta a bulenga a kulabayo pambidi.

Estere 1:2

Mu tshidimu tshisatu tshia bukalenga buende, pa mukuna wa Shushane, mu nzubu wende wa bukalenga, mukalenga Ahashaveroshe uvua mulongolole didia dinene bua bonsu bavua ne mianzu mu bukalenga buende, ne bua balombodi ba ditunga. Uvua musangishe balombodi ba tshiluilu tshia bena Persa ne tshia bena Madayi, balombodi ba mu bukalenga, ne bamfumu ba matunga.

2 Samuele 16:5

Mukalenga Davide ufika pabuipi ne Bakurime, kusambakena ne muntu mukuabu, ufuma mu musoku. Dina dia muntu awu divua Shimeyi, muana wa Ngera. Uvua wa mu tshisamba tshimue ne Shawule. Shimeyi kutuadija kutshipa mukalenga Davide,

1 Samuele 9:1

Tshikondu atshi, mu ditunga dia Binyamine, muvua muntu mukuabu wa mu ditunga adi, muikale mubanji, dina diende Kishe. Uvua muana wa Abiyele, ne muikulu wa Serore. Serore pende uvua muana wa Bekorate, ne muikulu wa Afiya.

Estere 2:4

Nsongakaji uwanyisha awu neashale mukalenga mukaji, pa mutu pa Vasti. Mukalenga Ahashaveroshe kuanyisha lungenyi alu, kulukumbaja.

2 Bakalenga 24:12

Ke mukalenga Yowakine kumuka mu tshimenga ne mamuende, balombodi ba bena mvita bende, bena mudimu bende bavua bamanyike bikole, kabidi ne bantu bonsu bavuaye mutekemene bikole. Yowakine kuya kudi mukalenga wa bena Babilone. Kadi, mukalenga wa bena Babilone kubela mu nzubu wa lukanu. Tshikondu atshi, Nebukadnesare uvua mumane kulala mu bukalenga bidimu muanda mukulu.

2 Bakalenga 24:15

Nebukadnesare kuya ne mukalenga Yowakine, ne mamuende, bakaji ba Yowakine, kabidi ne bantu bavua mukalenga Yowakine mutekemene bikole, ne bamfumu ba bena Yuda.