Estere 1:4 - MUKANDA WA MYIDI MUKULU

⁴ Mukalenga uvua ubaleja bubanji buvuaye nabu ne butumbi bua bukalenga buende. Bavua benza bibilu ebi matuku mavule, ngondu isambombu mijima.

Mukanda wa Nzambi Dihungila Dikulukulu ne Dihungila Dihia-dihia 2003

⁴ yeye wakabalesha bubanji bua butumbi, ne bu mudiye ne buneme mu bukelenge, matuku a bungi bu lukama ne makumi muanda mukulu mene.

Estere 1:4 交叉引用

Yobe 40:10

Pawikala muena mulongu nanyi, leja lumu luebe ne ndunene, vuala butumbi ne buneme.

Didimanyisha 4:11

“Wewe udi Maweja-Nangila wetu, kabidi ne Mvidi Mukulu wetu. mBimpe bantu bonsu bakutumbishe, bakunemeke, bitabe bumfumu buebe. Bualu udi mufuke bintu bionsu. Bionsu bidiku, bidi kabidi ne muoyi, bualu wewe udi musue nanku.”

Kolose 1:27

Mvidi Mukulu uvua musue kubamanyisha meji masokome mimpe, a mushinga mukole, adiye nawu bualu bua bantu bonsu. Adi nunku: Kristu udi munda muenu. Bualu buende nudi mua kutekemena ne: netudisange ne Mvidi Mukulu mu butumbi buende.

Efeze 1:18

Ndi ndomba Mvidi Mukulu bua atokeshe lungenyi luenu, bua numanye tshinudi mua kutekemena kudi Mvidi Mukulu, bu mudiye munubikidile. Nanku nenumanye biuma bilenga bidiye mulamine bantu bende.

Rome 9:23

Butumbi buende bunene uvua musue kuteleja kabidi tuetu bantu badiye ufuila luse, badiye mudianze kulongolola bua tubuele mu butumbi buende.

Matayi 6:13

Kutubueji mu ditetshibua, kadi utusungile kudi Muena bubi. [Bualu wewe ke udi ne bukalenga, bukole ne butumbi, kashidi tshiendelele. Amene.]”

Matayi 4:8

Diabolu kufikisha Yezu kabidi pa mukuna mule mutumbuke, kumuleja makalenga onsu a pa buloba ne buneme buawu,

Danyele 5:18

Mvidi Mukulu, Muena kulu, uvua muenze tatuebe Nebukadnesare mukalenga munene, wa lumu ne bubanji.

Danyele 4:30

Diakamue bualu ebu kuenzekabu. Kuipatabu Nebukadnesare munkatshi mua bantu. Kubangaye kudia bisosa, mudi ngombe idia. Mubidi wende kubola ne lumuma. Nsuki yende kulepa, bu masala a nyunyi ya tshiminyi. Nzadi yende kudiunda bu ya nyunyi.

Yezekiyele 28:5

Udi muvudije biuma biebe, bualu udi mumanye mua kuenda mushinga. Kadi biuma bionsu ebi udi anu uditambisha nabi.

Yeshaya 39:2

Izkiya kusanka ya bungi. Kulejaye bantu aba nzubu uvuabu balamina bintu bia mushinga mukole: mpawungi, tshiamu tshitoke tshia mushinga mukole, manananshi, ne mafuta a mupuya muimpe. Kubalejaye kabidi nzubu wa tshilaminu tshia bintu bia mvita, ne nzubu mikuabu yonsu ivua ne bintu bikuabu bivuaye nabi. Mukalenga kavua musokoke tshintu nansha tshimue, nansha tshia mu nzubu muende, nansha tshia mu bukalenga buende mene.

Misambu 145:5

Nengambile bantu bumfumu buebe, lumu luebe ne butumbi buebe, nembalondele malu a dikema audi muenze.

Misambu 93:1

Maweja-Nangila udi mukalenga, udi mudijingile butumbi bu mudibu badijingila tshilamba, udi muvuale bukole, bu mudibu bavuala mukaba. Buloba budi bushindame, kabuena mua kunyunga.

Misambu 45:3

Bulenga bua mpala webe mbupite bua bantu bakuabu. Mishiku yebe idi yakula amu miaku ya meji. Mvidi Mukulu mmukuele lupemba kashidi.

Misambu 21:5

Uvua mukulombe bua kushala panu, wewe kuitaba, kumupesha matuku mulongulongu.

1 Kulondolola 29:25

Bena Izrayele kudimuena mudi bukalenga bua Shelomu budiunda. Maweja-Nangila wakamupesha butumbi buvua bupite bua bonsu bavua bamudianjidile mu nkuasa wa bukalenga mu bena Izrayele.

Estere 1:5

Matuku awu mamane kupita, mukalenga kulambisha kabidi didia dikuabu dinene bua bantu bonsu baneme ne bapele, bavua basomba mu tshimenga tshia Shushane. Tshibilu etshi tshivua tshienzeka lumingu lujima mu lubanza lua bukalenga.