Ekesode 6:8 - MUKANDA WA MYIDI MUKULU

⁸ Nennufile mu ditunga dimvua mulaye Abrahame, Izake ne Yakobe. Ditunga adi nedishale bupianyi buenu. Meme Maweja-Nangila ndi njadika bualu ebu.”

Mukanda wa Nzambi Dihungila Dikulukulu ne Dihungila Dihia-dihia 2003

⁸ Meme nendue nʼenu mu buloba bunakalaya Abalahama ne Isaka ne Yakoba, nennuhebu bu buhianyi ndi Yehowa.

Ekesode 6:8 交叉引用

Genese 26:3

Pawasomba mu ditunga edi, meme nengikale nebe, nkuela lupemba. Ditunga dijima edi nedishale diebe ne dia ndelanganyi yebe. Ke mundi nkumbaja bionsu bimvua mulaye tatuebe Abrahame.

Genese 15:18

Dituku adi, Maweja-Nangila kutua ndondu ne Abrame muaba awu, kumulaya ne: — Matunga aa nengapeshe ndelanganyi yebe, biangatshile ku musulu wa Ejipitu ne ku musulu munene wa Perate.

Yezekiyele 20:42

Nuenu kabidi, nenujadike ne: ndi Maweja-Nangila, bualu nennufikishe mu ditunga dia Izrayele dimvua muditshipe, mulaye bua kupesha bankambua benu.

Genese 14:22

Abrame kuandamuna ne: — Ndi nditshipa kumpala kua Maweja-Nangila Mvidi Mukulu muena kulu, mufuki wa diulu ne buloba ne:

Yezekiyele 47:14

Nudi mua kuabanyangana buloba ne muoyi wa kalolu. Bualu mvua muditshipe bua kufila ditunga dia bena Izrayele kudi bankambua benu. Nanku nudi mua kudipeta bu bumpianyi buenu.

Dielulula 32:40

Meme Maweja-Nangila ndi nditshipa, ngela tshianza mulu, ngamba ne: ‘Ndi ne muoyi kashidi ne kashidi.

Ekesode 32:13

Uvuluke meyi ebe ne mitshipu biuvua mulaye bantu bebe Abrahame, Izake ne Yakobe bua kuvudija ndelanganyi yabu, bu mitotu ya mulu, kabidi bua kupianabu ditunga edi dionsu kashidi.

Genese 35:12

Wewe ne ndelanganyi yebe, ndi nnupesha ditunga dimvua mulaye Abrahame ne Izake. Nenku nendipeshe kabidi ndelanganyi yebe.

Genese 28:13

Kumonaye kabidi Maweja-Nangila muimane kumpala kuende, umuambila ne: — Yakobe, ndi Maweja-Nangila, Mvidi Mukulu wa kakuebe Abrahame, kabidi Mvidi Mukulu wa Izake. Ndi nkulaya ne: “Nenkupeshe, wewe ne ndelanganyi yebe, buloba buudi mulale ebu.”

Yezekiyele 36:7

Nanku meme Maweja-Nangila Mvidi Mukulu ndi nnulaya ne: bisamba bidi nenu mutumba ebi nebabikengeshe pabi.

Yezekiyele 20:28

Meme kubafikisha mu ditunga dimvua muditshipe bua kubapesha. Kadi, kuaka kuayibu, mbamone nsongu ya mikuna ivua ne mitshi ya bifufu. Kubandabu kuine aku bua kulambula milambu. Bavua bamfikisha munda ne bintu bivuabu balambula, manananshi avuabu bosha, ne maluvu avuabu balambula muaba awu.

Yezekiyele 20:23

Kadi mu tshipela mvua muditshipe ne: nennumuangalaje munkatshi mua bisamba bikuabu mu matunga a bende.

Yezekiyele 20:15

Kadi mu tshipela mvua muditshipe ne: tshiena mua kubafikisha mu ditunga dimpe dimvua mubatekele, didi ne mabele ne buitshi.

1 Samuele 15:29

Maweja-Nangila udi butumbi bua bena Izrayele. Nanku, kena mua kushima, kena mudi muntu udi lelu wamba bualu mushindu, maloba wamba mukuabu.

Dibadika 23:19

Mvidi Mukulu kena muntu, kena ushima! Kena muana wa Adame, kena ushintulula meji ende. Udi wenza amu mudiye wamba. Udi ukumbaja bionsu bidiye ulaya.

Ekesode 6:6

Nanku ambila bena Izrayele mu dina dianyi ne: “Ndi Maweja-Nangila! Nennumushe ku midimu mikole inudi nuenzela bena Ejipitu. Nennupatule ku bupika budibu banukuate. Nengenzeje bena Ejipitu ku bukole, mbanyoke bikole bua kunusungidila.

Ekesode 6:2

Mvidi Mukulu kuambila Moshe kabidi ne: — Meme ndi “Maweja-Nangila.”

Didimanyisha 10:6

uditshipa mu dina dia Mvidi Mukulu udi ne muoyi kashidi, uvua mufuke diulu ne bionsu bidimu, buloba ne bionsu bidimu, mayi manene ne bionsu bidimu, wamba ne: — Kakuena dituku dikuabu to, amu lelu!

Ekesode 13:5

Panuafika mu ditunga dia bena Kenaane, bena Iti, bena Amore, bena Ivi ne bena Yebusa, divua Maweja-Nangila mulaye bankambua benu, ditunga didi ne biakudia bipite bungi, nuikale nuenza tshibilu etshi, ku tshidimu ku tshidimu, mu ngondu wa Abibe.

Dibadika 14:30

Ndi nditshipa ne: kanuakufika mu ditunga dia Kenaane, dimvua munulaye to! Amu Kalebe, muana wa Yefune, ne Yoshuwa, muana wa Nune, nebabuelemu.

Yoshua 24:13

Ndi munupe ditunga dinudi kanuyi batatshile bua kudima, ne bimenga binudi kanuyi base. Nudi basanganemu mionji ya mvinyo, ne mitshi ya olive, binudi kanuyi bakune. Nukadi nudia amu bimuma abi.”

Nehemya 9:15

Pavuabu ne nzala, Wewe kubapesha biakudia bia mu diulu. Pavuabu ne nyota, wewe kubapesha mayi a mu lubuebue. Wewe kubatuma bua baye kukuata ditunga, diuvua mubalaye, mutshidipe.

Ekesode 6:4

Mvua mutue nabu ndondu, mubalaye mua kubapesha ditunga dia Kenaane divuabu basombe bu bantu benyi.

Dibadika 10:29

Moshe kuambila bukonde buende, Obabe, muana wa Reyuwele, muena Madiyane, ne: — Tuetu tudi tuya mu ditunga divua Maweja-Nangila mutulaye. Nanku mbimpe tuye nebe. Tshintu tshionsu tshikale Maweja-Nangila mutupeshe, neupete pebe.

Dibadika 11:12

Meme tshiena muimite, tshiena mulele bantu bonsu aba to! Muudi ungambila bua meme kubambula bu mudi ndeji wambula muana pambidi, bua kubafikisha mu ditunga diuvua mulaye bankambua babu, mbishi?

Dielulula 4:31

Nanku bumudi Maweja-Nangila Mvidi Mukulu wenu ununanga, kakunulekela, kakunubutula to. Neavuluke ndondu uvuaye mutue ne bankambua benu.