Ekesode 5:22 - MUKANDA WA MYIDI MUKULU

²² Moshe kupingana kudi Maweja-Nangila, umuebeja ne: — Maweja-Nangila wanyi, udi mukengeshe bantu aba bua tshinyi? Wakututuma kudibu bua tshinyi?

Mukanda wa Nzambi Dihungila Dikulukulu ne Dihungila Dihia-dihia 2003

²² Mose wakahingana kudi Yehowa, wakamba ne, Yehowa, wewe wakenzela bantu aba bibi nunku bualu kai? Wakantuma bualu kai?

Ekesode 5:22 交叉引用

Yirmeya 20:7

Maweja-Nangila wewe kuntekesha! Meme kuanyisha bua wewe kuntekesha! Wewe kunkuata, wewe kumpita bukole! Bantu badi banseka matuku onsu. Bonsu badi bampetula.

Abakuke 2:3

Bindi nkuleja, kabiena bienzeka mpindiewu. Kadi nebikumbane pa tshikondu tshiabi. Nansha kabiyi bienzeka lukasa, indila ne lutulu, mutekemene. Bindi nkumanyisha nebienzeke, kamuyi mpata, kabiyi nansha binenga.

Misambu 73:25

Mu diulu udi mua kungambuluisha nnganyi? Ki ngwewe nkayebe anyi? Panu panshi tshindi mua kujinga kabidi ntshinyi? Wewe ke undi nende.

1 Bakalenga 19:10

Eliya kuandamuna ne: — Maweja-Nangila Mvidi Mukulu wa bukole buonsu, ndi mukunange bikole. Nanku tshitshiena musue kumona bionsu bidi bena Izrayele benza to. Bualu bena Izrayele mbanyangakaje ndondu webe, mbupule bilambuilu biebe, mbashipe bambi bebe. Ndi mushale anu meme nkayanyi. Kadi badi bakeba kunshipa ne meme!

1 Bakalenga 19:4

Pashishe, kuendaye mu tshipela dituku dijima. Kuyaye kusomba muinshi mua mutshi wa ngenete, ujinga mua kufua, wamba ne: — Maweja-Nangila, mpindiewu biantondi! Unshipe, bualu meme tshiena mupite bankambua banyi to.

1 Samuele 30:6

Davide uvua ne kanyinganyinga kakole. Bualu bantu bavuaye nabu bavua basue kumuasa mabue bua kumushipa. Muntu yonsu uvua unyingalala, wela meji kudi bana bende ba balume ne ba bakaji. Kadi ku diambuluisha dia Maweja-Nangila Mvidi Mukulu wende, Davide kupeta bukole.

Dibadika 11:11

Moshe kuebeja Maweja-Nangila ne: — Udi unkengesha nenku, kuyi umfuila luse bua tshinyi? Udi umpesha bantu bungi nenku, bua meme kubalombola bualu kaayi?

Ekesode 17:4

Moshe kuebeja Maweja-Nangila ne: — Bantu aba badi bakeba kungasa mabue bua kunshipa, mbenzele tshinyi?

Yirmeya 12:1

Maweja-Nangila wewe udi amu mubinge, tshiena mua kukuasa tshilumbu. Kadi ndi musue anu kukuela lukonku pa malu audi wenza. Mudi bantu badi kabayi balonda mikenji yebe bapeta dikasa dimpe mmunyi? Badi bakutombokela badi basomba talalaa bua tshinyi?

Yirmeya 4:10

Nebakeme bamba ne: “Eyi, Maweja-Nangila Mvidi Mukulu uvua ushima bena tshisamba etshi. Uvua udinga bena Yerushalayime, ubalaya ne: nenumone diakalenga. Mpindiewu muele wa mvita ukadi pa kutukosa miminu!”

Yoshua 7:7

Pashishe Yoshuwa kukema bikole, wamba ne: — Akia! Mvidi Mukulu Maweja-Nangila, uvua mutusabuishe musulu wa Yardene bua tshinyi? Uvua mutusabuishe bua kutufila kudi bena Amore bua batushipe anyi? Uvua mua kutulekela dishiya dia Yardene.