Ekesode 34:20 - MUKANDA WA MYIDI MUKULU

²⁰ Nupikule muanabute mulume wa mpunde ku mukoku. Panuabenga kupikula muanabute awu, numutshibule nshingu. Kadi, nupikule bamuanabute benu balume. “Kanufiki mu nzubu wanyi bianza bitupu to.

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Nenuhikule banʼa bute benu ba mpunda ku muanʼa mukoko; binuikala kanuyi nubahikula, nutshibule nshingu yabo. Nenuhikule banʼa bute benu ba balume bonso. Kanulu ku mesu kuanyi ne bianza bituhu.

Ekesode 34:20 交叉引用

Dielulula 16:16

Ku tshidimu tshionsu, bantu balume bonsu badi munkatshi muenu, nebadileje kudi Maweja-Nangila misangu isatu, muaba wikalaye musungule, bua tshibilu tshia mampa adi kaayi mela buanga, bua tshibilu tshia Dinowa biakudia, ne bua tshibilu tshia tuzubu tua Bisasa. Kadi muntu kafiki mu nzubu wa Mvidi Mukulu wenu kayi ne tshintu tshia kumulambula to.

Ekesode 23:15

Tshibilu tshia kumpala tshikale tshia mampa adi kaayi mela buanga. Nutshienze mu ngondu wa Abibe matuku malondangane muanda mutekete. Nudie mampa awu, anu mushindu umvua munuambile. Bualu ngondu awu ke unuvua bapatuke mu Ejipitu. Kanufiki kundi kanuyi ne milambu to.

Ekesode 13:13

Kadi muanabute wa balume wa nyama wa mpunde, numupikule ku muana wa mukoku. Panuikala kanuyi mua kumupikula, numushipe nukoyobole nshingu. Nupikule kabidi muanabute yonsu wa balume wa muntu.

Dibadika 18:15

Bamuanabute bonsu badibu bandambula, ba bantu ne ba nyama mbebe wewe. Kadi nebapikule muanabute wa balume wa muntu, nebapikule kabidi muanabute wa nyama udi ne mikiya.

Ekesode 13:15

Bu muvua mukalenga wa bena Ejipitu ubenga mua kutulekela, Maweja-Nangila uvua mushipe bamuanabute bonsu ba mu ditunga dia Ejipitu, ba bantu ne ba bimuna. Ke patudi tushipela Maweja-Nangila bamuanabute ba bimuna. Kadi tudi tupikula bamuanabute ba balume ba bantu.”

2 Samuele 24:24

Kadi mukalenga Davide kumuambila ne: — Kumpeshi tshianana to. Ndi musue kubisumba. Ndi nkufuta. Tshiena musue kulambula Maweja-Nangila Mvidi Mukulu wanyi milambu idibu bampesha tshianana to! Davide kumufuta nkanu mitoke ya mushinga mukole makumi atanu bua kusumba muaba wa tshishipuidi tshia ntete ya kuenza bukula, ne ngombe.

Ekesode 13:10

Tshibilu etshi, nutshienze ku tshidimu tshionsu, dituku diatshi.

Ekesode 22:29

“Nundambule muanabute wa ngombe yenu, mikoku yenu, mbuji yenu. Muana wa balume wa bimuna abi, neashale kudi mamuende anu matuku muanda mutekete. Dituku dia muanda mukulu numundambule.

Ekesode 13:12

nujidile muanabute yonsu wa muntu nansha wa tshimuna, bua ashale wa Maweja-Nangila.