Ekesode 34:10 - MUKANDA WA MYIDI MUKULU

¹⁰ Maweja-Nangila kuambila Moshe ne: — Ndi ntua nebe ndondu, nengenze malu a kukema munkatshi muenu, adi kaayi manji kuenzeka mu tshisamba tshikuabu pa buloba bujima. Bua bena Izrayele bonsu banudi nabu bajadike mudimu muimpe undi mubenzele pamue nebe.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Yeye wakamba ne, Nempunge nʼenu tshihungidi; nengenze malu a kukema ku mesu kua bantu bebe bonso, malu adi kâyi manze kumueneka ha buloba buonso anyi kudi tshisamba tshikuabo; bantu bonso badi nʼebe nebamone bienzedi bia Yehowa; bualu bua meme nengenze nʼebe bualu bukole.

Ekesode 34:10 交叉引用

Dielulula 10:21

Numutumbishe, bualu yeye nkayende ke Mvidi Mukulu wenu. Udi munuenzele malu manene a kukema, adi akuatshisha bowa, anudi bamone.

Misambu 77:14

Eyi! Mvidi Mukulu, njila webe udi wa tshijila, kakuena mvidie mukuabu udi munene bu wewe Mvidi Mukulu.

Yeshaya 64:3

Katshia kabena banji kumvua bamba, ki mbanji kumanya, mesu katshia ki mmamone mvidie mukuabu udi wambuluisha, bantu badi batekemena kudiye, muudi wewe ubambuluisha.

Misambu 66:5

Vuayi numone mudi Mvidi Mukulu muenze. Bidiye muenzele bantu bidi bikemesha.

Yirmeya 32:21

Udi muleje bukole buebe ne meji ebe, paudi muenze malu a dikema adi akuatshisha bowa, paudi mupatule bantu bebe bena Izrayele mu Ejipitu.

2 Samuele 7:23

Kakuena tshisamba tshikuabu pa buloba tshidi tshifuanangane ne tshia bena Izrayele. Wewe Maweja-Nangila uvua mufike bua kupikula amu bena Izrayele ku bupika bua bena Ejipitu, ne mu bianza bia mvidie yabu, bua bikale tshisamba tshiebe wewe. Nanku udi mupeteshe bena Izrayele lumu, bualu udi mubenzele malu a dikema, nansha adi akuatshisha bowa mu ditunga diebe.

Misambu 78:12

Uvua muenze malu a kukema ku mesu a batatuabu, mu ditunga dia Ejipitu ne mu buloba bua Sowane.

Misambu 66:3

Nuambile Mvidi Mukulu ne: “Biudi muenze mbia dikema! Baluishi bebe badi badiela panshi ne bowa, bualu bukole buebe mbupite!

Dielulula 32:30

Pandi meme Maweja-Nangila, lubuebue ludi bukole buabu, mbafila mu bianza bia baluishi babu, muluishi umue neatshimune bena Izrayele tshinunu, baluishi babidi nebanyemeshe bena Izrayele binunu dikumi.

Yoshua 6:20

Batuangaji kuela mpungi. Bena Izrayele bumvue mpungi ayi, kuelabu bibingu bikole bia mvita. Bimana bia tshimenga kupukabi panshi mbuu. Diakamue bena Izrayele kubanda ku tshimenga. Muntu yonsu kuya buludi ne muaba uvuaye mululamangane nawu. Kukuatabu tshimenga.

Ekesode 34:27

Maweja-Nangila kuambila Moshe ne: — Ufunde bionsu bindi mukuambile ebi, bualu ke bidi bijadika ndondu undi mutue nebe ne bena Izrayele bonsu.

Misambu 145:6

Bantu bambilangane bua bukole buebe budi bukuata bowa! Kadi meme nemmanyishe malu manene audi muenze.

Misambu 106:22

mubenzele malu a kukema mu ditunga dia Kame, ne malu adi akuatshisha bowa ku mayi manene a Luepu.

Misambu 76:12

Uditshipe kudi Maweja-Nangila, Mvidi Mukulu webe wenze muuvua mumulaye. Nuenu bonsu badi bamunyunguluke, nufike ne milambu yenu kudi Mvidi Mukulu wa kutshina.

Misambu 65:5

Muena diakalenga mmuntu uudi musungule bua asombe mu nzubu muebe. Netusanke, tutshionkomoka, bua bilenga bipite, bitudi tupeta muaba webe wa tshijila.

Misambu 147:20

Kena muenzele tshisa tshikuabu nansha tshimue nanku, tshisa nansha tshimue katshiena tshimanya meyi ende. Tumbishayi Maweja-Nangila, Aleluya!

Dielulula 4:13

Kunumanyishaye ndondu wenu nende. Uvua munuambile bua nunemeke ndondu, nukumbaje mikenji dikumi ivuaye mufunde pa mabue abidi.

Misambu 68:35

Ambilayi bantu bonsu ne: Mvidi Mukulu udi ne bukole, udi Mukalenga munene mu Izrayele, butumbi buende mbutue mulu, mbutue panshi!

Ekesode 34:28

Moshe kushala muaba uvua Maweja-Nangila matuku makumi anayi a munya ne a butuku, kayi udia, kayi unua, ufunda anu mikenji dikumi ivua ijadika ndondu wa diulu vuangana diabu.

Dielulula 9:19

Mvua ntshina, nzakela tshiji tshikole tshivua Maweja-Nangila natshi. Ukavua musue kunubutula. Kadi kuitabaye kabidi dilomba dianyi musangu ewu.

Misambu 72:18

Tuele Maweja-Nangila, Mvidi Mukulu wa Izrayele, tuasakidila. Amu Yeye ke udi wenza malu a dikema.

Misambu 136:4

Yeye nkayende mmuenze malu manene a dikema, bualu dinanga diende ndia kashidi.

Mika 7:15

Utuenzele malu a kukema, bu tshikondu tshiuvua mutupatule mu Ejipitu.