Ekesode 3:22 - MUKANDA WA MYIDI MUKULU

²² Pa nuenu kumuka, nenupawule bena Ejipitu. Mukaji yonsu wa bena Izrayele, nealombe kudi mukaji wa bena Ejipitu udi ku nzubu kuende, nansha kudi muena mutumba nende, bintu bia tshiamu tshitoke tshia mushinga mukole, nansha bia mpawungi. Neamulombe kabidi bilamba bia kuvuala. Bana benu ba balume ne ba bakaji nebambule bintu abi.

Mukanda wa Nzambi Dihungila Dikulukulu ne Dihungila Dihia-dihia 2003

²² Kadi mukashi ne mukashi nealombe mukashi udi ushikama ha buihi nʼandi, ne mukashi udi ushikama mu nsubu wandi, bintu bia argent ne bia or ne bilulu, nuenu nenubiluatshishe bana benu ba balume ne bana benu ba bakashi, nunku nenuhaule Bena Ejipitu.

Ekesode 3:22 交叉引用

Yezekiyele 39:10

Bantu kabakuya kukeba nkunyi mu mpata, nansha kabakukosa mitshi muitu to. Nebatemeshe kapia ne nkunyi ya mu bia mvita ebi. Nebibe pabu, nebanyangakaje bintu bia bantu bavua bibe biabu. Meme Maweja-Nangila Mvidi Mukulu ndi njadika nanku.

Misambu 105:37

Kupatulaye bantu bende ne biamu bitoke bia mushinga mukole, ne biamu bia mpawungi, kakuvua muntu wa ku bisamba biabu nansha umue uvua ne dikasa dibi.

Ekesode 11:2

Wambile bena Izrayele bonsu ne: Bangabanga ne kumuka mu ditunga dia Ejipitu, nuenu bonsu balume ne bakaji, nulombe kudi bena mutumba nenu, bintu bienza ne mpawungi nansha ne tshiamu tshitoke tshia mushinga mukole.

Yeshaya 33:1

Wewe munyangi wa bintu bionsu, udi muena diakabi, bualu kabavua bakunyange wewe nenku to. Udi welela bakuabu tshitungu, padibu kabayi bakuelela wewe tshitungu! Pawamana kulekela kubutula bakuabu, nebakubutule ne wewe kabidi. Pawamana kutungila bakuabu tshitungu, nebakutungile ne wewe kabidi.

Nsumuinu 13:22

Muntu muimpe udi ushiya bumpianyi kudi ndelanganyi yende. Kadi mpetu ya babi, bakane badi bayipeta.

Genese 15:14

Kadi, meme nennyoke tshisamba tshikale tshiyikuata ku bupika atshi. Ndelanganyi yebe neyipatuke mu bupika ne biuma bia bungi.

Genese 24:53

Pashishe kukangulaye bibuta biende, kupatulaye bilengejelu bia tshiamu tshitoke tshia mushinga mukole, bia mpawungi, kabidi ne bilamba. Kubipeshaye Rebeka. Kufilaye bintu bia mushinga mukole kudi Labane, ne kudi mamuende wa Rebeka.