Ekesode 29:24 - MUKANDA WA MYIDI MUKULU

²⁴ Ubiteke bana bende mu bianza, babiele mulu, babinyukule bua kundambula meme Maweja-Nangila.

Mukanda wa Nzambi Dihungila Dikulukulu ne Dihungila Dihia-dihia 2003

²⁴ Uteke bintu ebi bionso mu bianza bia Alona ne mu bianza bia bana bandi balume, bobo nebabinyukule bu mulambu udibo banyukula ku mpala kua Yehowa.

Ekesode 29:24 交叉引用

Lewitiki 7:30

Neambule yeye mene bionsu bidibu ne bua kulambula Maweja-Nangila: ke munyinyi wa mafuta, ne tshiadi tshia nyama awu. Bele tshiadi tshia nyama atshi mulu, batshinyukule bua kutshilambula.

Lewitiki 8:27

Moshe kupesha Arone ne bana bende ba balume bintu bionsu abi ku bianza bua babiele mulu, babinyukule kumpala kua Maweja-Nangila.

Lewitiki 10:14

Kadi wewe ne bana bebe bonsu ba balume, nuangate tshiadi ne tshibelu bia nyama ya milambu ya bobumue, binuvua bela mulu, banyukula kumpala kua Maweja-Nangila, nubidile muaba musunguluke, bualu ntshitupa tshia mulambu tshidi tshiebe ne tshia bana bebe ba balume. Nudi mua kubidia pamue ne bana bebe ba bakaji.

Lewitiki 9:21

Pashishe Arone kuambula biadi bia nyama ne tshibelu tshia ku dia balume dia nyama, kubiela mulu, ubinyukula kumpala kua Mvidi Mukulu, bu muvua Maweja-Nangila muambile Moshe.

Ekesode 29:23

Kadi ku mampa adi mu tshisaka kumpala kua tshilambuilu, kaayi mela buanga, upeshe Arone ne bana bende ba balume dibulunge dimue, mukata umue mukanga ne mafuta ne kakata kamue kakese kapepele.

Ekesode 29:25

Pashishe, wangate kabidi bintu abi, ubiteke pa tshilambuilu pa mutu pa mulambu wa kuosha, bua bikale mulambu wa dipembu udi unnunkila meme Maweja-Nangila.

Dibadika 8:15

Kutuadija dituku adi, bena Levi badi mua kuenza mudimu wabu mu ntenta wa kusambakena. “Nanku Moshe umushe mikiya pambidi pa bena Levi bua kubajidila, bikale banyi meme Maweja-Nangila.

Lewitiki 23:11

Mutuangaji neabiele mulu, abinyukule kumpala kuanyi, dituku didi dilonda dia Dikisha, bua nupete diakalenga kundi.