Ekesode 29:20 - MUKANDA WA MYIDI MUKULU

²⁰ Wewe Moshe, ukose mukoku wa tshimpanga awu mutu, wangate mashi, ulabe Arone ne bana bende ba balume ku lusongu lua ditshi dia lua balume dia mutu yonsu, ku tshiala tshia tshianza tshia balume ne ku muana nkasa munene wa dikasa dia balume dia muntu yonsu. Kadi, mashi adi mashale, witshikije ku nseke yonsu inayi ya tshilambuilu.

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Wewe neashihe tshimpanga, angata mashi atshi, wateke ku lusongo lua ditshu didi ku tshianza tshia balume tshia Alona, ne ku lusongo lua ditshu ku tshianza tshia balume tshia bana bandi balume, ne ku tshiala tshia ku tshianza tshiabo tshia bukole, ne ku muanʼa dikasa munene dia ku tshianza tshia balume, umiamine mashi ha tshioshelu tshionso.

Ekesode 29:20 交叉引用

Yeshaya 50:5

Eyowa, Maweja-Nangila udi undongesha mundi mua kuteleja. Tshiena mumutombokele to. Tshiena musunuke nansha.

1 Petro 1:2

Mvidi Mukulu Tatu mmunusungule, muvuaye mumane kujadika. Ku bukole bua Mueyelu wende nudi bantu bende, bua nutumikile Yezu Kristu, kabidi bua banulengeje ku mashi ende, nuikale zezeze. Dinanga ne bupole bishindame bikole munda muenu.

Ebrewu 12:24

Nudi basemena pabuipi ne Yezu, mutuangaji wa ndondu mupiamupia, kabidi pabuipi ne mashi ende atota mamate panshi, adi akula ne diyi dipite dia Ebele.

Ebrewu 10:22

Nenku tusemenayi kudi Mvidi Mukulu ne muoyi umue, bashindame mu ditaba dietu, bamane kulengeja muoyi wetu ku bilema bionsu bidi kondu ketu ka munda katupisha nabi, bamane kuowesha mubidi wetu ne mayi mimpe.

Marke 7:33

Yezu kumuka nende munkatshi mua bantu, kuya nende pa nkayende. Kuelaye minu mu matshi a muntu, kutuilaye mate, kumulenga nawu ku ludimi.

Yeshaya 52:15

Kadi mpindiewu, bantu ba bungi ba mu matunga a bende, nebakeme bualu buende. Bakalenga nebakatshile, kabayi bamanye tshia kuamba. Bualu nebamone malu adi kaayi umvuangana ne avuabu babalondele. Nebumvue malu avuabu kabayi banji kumvua.”

Lewitiki 16:19

Neatue munu mu mashi awu, aamiamine ku tshilambuilu atshi misangu muanda mutekete, bua kujikija mikiya ivuaku, bua bubi bua bena Izrayele ne bua kutshijidila tshiakabidi.

Lewitiki 14:16

Pashishe atue munu wende wa tshianza tshia balume, udi ulonda tshiala, mu mafuta adi mu tshianza tshiende tshia bakaji, amiamine mafuta awu ne munu misangu muanda mutekete kumpala kua Maweja-Nangila.

Lewitiki 14:14

Mutuangaji neangate mashi a nyama wa milambu, aalabe muntu udi udikobolola awu ku lusongu lua ditshi, ku tshiala ne ku muana nkasa munene bia luseke lua dia balume.

Lewitiki 14:7

Pashishe amiamine mashi awu pambidi pa muena nsudi misangu muanda mutekete bua kumukobolola, wamba ne: ‘Muntu ewu kena ne mikiya.’ Nenku mutuangaji alekele nyunyi uvua mushale ne muoyi, aye mu tshisuku.

Lewitiki 8:24

Pashishe kubikilaye kabidi bana bonsu ba balume ba Arone, kubalaba mashi ku nsongu yabu ya matshi, ku biala ne ku minu minene ya bana ba nkasa bia ku luseke luabu lua dia balume. Ke kumiaminaye kabidi mashi avua mashale ku nseke yonsu ya tshilambuilu.

Ekesode 29:19

“Wangate mukoku wa tshimpanga muibidi, Arone ne bana bende ba balume batenteka bianza pa mutu pawu kabidi.

Ekesode 29:21

Pashishe, wangate mashi makese adi pa tshilambuilu, ne mafuta a tshijila, umiamine Arone ne ku bilamba biende. Umiamine kabidi ne bana bende ba balume ne ku bilamba biabu bionsu, nebikale bia tshijila.

Lewitiki 8:23

Moshe kukosa tshimpanga atshi muminu, kulaba Arone mashi atshi ku lusongu lua ditshi, ku tshiala ne ku muana nkasa munene bia ku luseke luende lua dia balume.

Lewitiki 14:17

Nanku mafuta adi mashale mu tshianza awu, mutuangaji neaalabe muntu udi udikobolola miaba iwaye mulabe mashi a mukoku wa mulambu wa dinua tshibalu: ku lusongu lua ditshi, ku tshiala, ne ku muana nkasa munene bia luseke luende lua dia balume.

Lewitiki 14:25

Mutuangaji akose muana wa mukoku muminu, angate mashi, aalabe ku lusongu lua ditshi lua muntu awu, ku tshiala ne ku muana nkasa munene bia ku luseke lua dia balume dia muntu, udi udikobolola awu.

Lewitiki 14:28

Nanku mafuta adi mashale mu tshianza awu, mutuangaji aalabe kabidi makese muntu, udi udikobolola awu, miaba ivuaye mulabe mashi a nyama wa mulambu, ku lusongu lua ditshi, ku tshiala ne ku muana nkasa munene bia luseke luende lua dia balume.