Ekesode 25:37 - MUKANDA WA MYIDI MUKULU

³⁷ Wenze miendu muanda mutekete. Uyiteke ku tshitekelu bua itokeshe muaba awu.

Mukanda wa Nzambi Dihungila Dikulukulu ne Dihungila Dihia-dihia 2003

³⁷ Enza minda muanda mutekete, bualu bua kutemenayi muaba udi ku mpala kua tshitekelu.

Ekesode 25:37 交叉引用

Dibadika 8:2

bua ambile Arone ne: — Paudi utemesha miendu muanda mutekete, uyiteke bimpe bua itokeshe kumpala kua tshitekelu tshia miendu.

Didimanyisha 1:20

Udi umona mitotu muanda mutekete idi mu tshianza tshianyi tshia balume, ne bitekelu muanda mutekete bia miendu bia mpawungi. Ndi nkumvuija mudibi: mitotu muanda mutekete ke batumibue muanda mutekete ba Bisumbu muanda mutekete bia bena ditaba, bitekelu muanda mutekete ke Bisumbu muanda mutekete bia bena ditaba.

Didimanyisha 1:12

Meme kukudimuka, bua mmone uvua ungakuisha. Ke meme kumona bitekelu muanda mutekete bia miendu, bienza ne mpawungi.

Zekâya 4:2

Kunkonkaye ne: — Tshiudi umona ntshinyi? Meme kuandamuna ne: — Ndi mmona tshitekelu tshia miendu tshia mpawungi menemene. Tshidi ne muaba wa kulamina manyi ku mutu kuatshi. Tshidi ne miendu muanda mutekete, kabidi ne mikaba muanda mutekete idi ifikisha manyi mu miendu yonsu.

2 Kulondolola 13:11

Dinda ne dilolu badi balambula Maweja-Nangila, milambu ya kuosha ne ya manananshi. Mampa adibu balambula Maweja-Nangila, badi baateka pa mesa a tshijila. Dilolu dionsu badi batemesha miendu idi pa tshitekelu tshia miendu tshia tshiamu tshia mpawungi. Tudi tukumbaja mudimu wa Maweja-Nangila anu mudiwu. Kadi nuenu nudi babenge Mvidi Mukulu mulelela.

Ekesode 27:21

Mu ntenta wa kusambakena amu, Arone ne bana bende ba balume, batekemu tshitekelu tshia muendu. Tshitekelu tshia muendu atshi, tshikale kumpala kua tshilamba tshidi tshilembeleja bua kujika muaba udi mushete wa ndondu. Miendu ayi, ikale itema butuku ne munya muaba undi meme Maweja-Nangila. Bena Izrayele ne ndelanganyi yabu yonsu, balame mukenji ewu kashidi.

Didimanyisha 22:5

Butuku kabuakuikala kabidi to. Kabakukengela munya, nansha muendu. Bualu Maweja-Nangila Mvidi Mukulu neabakenkeshile butoke buende. Nebadie bumfumu kashidi.

Didimanyisha 4:5

Mikenya, bibingu, ne makubakuba, bivua bipatuka ku nkuasa awu wa butumbi. Bimunyi muanda mutekete bia kapia bivua bitema kumpala kua nkuasa: ke mieyelu muanda mutekete ya Mvidi Mukulu.

Didimanyisha 1:4

Meme Yowanane, ndi mfundila Bisumbu muanda mutekete bia bena ditaba bidi mu buloba bua Aziya mukanda ewu: Dinanga ne bupole bia kudi Mvidi Mukulu, udiku, uvuaku, ne wafikaku, bia kudi mieyelu muanda mutekete idi kumpala kua nkuasa wende wa butumbi,

Bienzedi 26:18

bua ubatabaje; ubumushe mu miidima, babuele mu butoke; ubapatule ku bumfumu bua diabolu, babuele mu bumfumu bua Mvidi Mukulu. Nanku bobu bangitabe, nebabajimijile mibi yabu. Nebabuele mu tshisumbu tshia bantu ba Mvidi Mukulu.”

Yowanane 12:5

— Kabavua mua kupana manananshi aa ku mushinga wa nkanu mitoke ya mushinga mukole nkama isatu, bua kuyipesha bapele bua tshinyi?

Yowanane 8:12

Yezu kulongesha kabidi bantu, ubambila ne: — Meme ndi butoke bua badi pa buloba. Muntu udi undonda katshia kena wenda mu miidima, kadi neikale ne butoke bua muoyi.

Yowanane 1:9

Butoke ebu ke butoke bulelela budi bufika pa buloba bua kutokesha bantu bonsu.

Luke 1:79

Butoke abu nebutokeshe badi mu miidima ne mu dijimba dia lufu, nebuludike makasa etu mu njila wa bupole.

Matayi 5:14

— Nuenu nudi butoke budi bukenkela bantu pa buloba. Kabena mua kusokoka tshimenga tshiasa pa mukuna.

Yeshaya 8:20

wandamuna ne: “Tuetu tudi bualu amu ne mikenji, kabidi ne malongesha a Maweja-Nangila.” Muntu udi kayi ulonda mukenji awu, kena utshisha bufuku to.

Nsumuinu 6:23

Bualu bidi baledi bakuambila bidi bu muendu. Mibelu yabu idi bu butoke. Malongesha abu adi atuludika mu njila wa muoyi.

Misambu 119:105

Diyi diebe didi bu muendu ku makasa anyi, bu butoke budi buntokeshila njila.

Ekesode 40:24

Kutekaye tshitekelu tshia miendu mu ntenta amu, luseke lua kuinshi, bitangilangane ne mesa.

Ekesode 37:23

Kuenzaye kabidi miendu muanda mutekete. Kuenzaye bintu bia kukuata nabi mudimu ku miendu: nkala ne bintu bia kuela butu. Bionsu bivua anu bia tshiamu tshia mpawungi.

Ekesode 30:8

Kadi dilolu, ikale ungoshila manananshi padiye uye kutemesha muendu. Kabakulekela dingoshila manananshi kashidi.

Ekesode 25:38

Nanku, nkala ne tulongu tukese bikale anu bia tshiamu tshia mpawungi nkayatshi.

Ekesode 40:25

Pashishe Moshe kutemesha miendu ayi muaba uvua Maweja-Nangila, bu muvua Maweja-Nangila mumuambile.

Dibadika 4:9

Nebabuikile tshilamba tshifikuluke ku tshitekelu tshia miendu, ku miendu yatshi, ku lukuatu, ku mbabula ne ku tulangi tua mafuta.

2 Kulondolola 4:20

bitekedi bia miendu, ne miendu yabi, bienza ne tshiamu tshia mpawungi nkayatshi; miendu ivua ne bua kutema kumpala kua muaba wa tshijila menemene, bilondeshile muvuabu bamane kuamba;