Ekesode 25:29 - MUKANDA WA MYIDI MUKULU

²⁹ Wenza bintu ebi ne tshiamu tshia mpawungi: malongu masalame, makopu, ngesu ne mabungu a kulambuila maluvu.

Mukanda wa Nzambi Dihungila Dikulukulu ne Dihungila Dihia-dihia 2003

²⁹ Wewe newenze malonga ne nkuta ne mpanza ne bihanza bia or mutambe buimpe.

Ekesode 25:29 交叉引用

Dibadika 4:7

Nebadije tshilamba tshikuabu tshifikuluke tshienza ne miosa ya nyama pa mesa a mampa a tshijila. Nebatekepu malongu masalama, makopu, malongu mondoke ne tukopu tua kulambuila maluvu. Nebatekepu kabidi mampa a tshijila anudi ne bua kundambuilapu kashidi.

Ekesode 37:16

Kuenzaye bintu bia kuteka pa mesa: malongu masalame, makopu, malongu mondoke, ne milangi ya kulambula milambu ya maluvu. Bintu bionsu abi bivua anu bia tshiamu tshia mpawungi menemene.

Didimanyisha 3:20

Teleja! Ndi ngimana ku tshiibi, nkokola. Padi muntu umvua diyi dianyi, unkanguila tshiibi, nembuele mu nzubu muende. Nendie nende, yeye neadie nanyi.

Musambu wa Solomo 5:1

Muanetu wa bakaji, mubangila wanyi, ndi mbuela mu budimi buanyi, mpolamu mire wanyi, ne mitshi ya mupuya muimpe, ndilamu buitshi buanyi, nnuinamu maluvu ne mabele anyi. “Balunda banyi, nudie, nunue, dinanga dinukuate.”

2 Kulondolola 4:22

bintu bia kusukula nabi miendu, makopu a kumiamina nawu ne makopu makuabu, mbabula, bionsu bienza ne tshiamu tshia mpawungi menemene, biibi bia nzubu wa Mvidi Mukulu, ne bidi bitangila muaba wa tshijila menemene, ne bidi bitangila ku tshibambalu tshinene, bienza ne tshiamu tshia mpawungi.

1 Bakalenga 7:50

malongu, binta bia kusukula nabi miendu, makopu a kumiamina nawu, makopu makuabu ne mbabula, bia tshiamu tshia mpawungi menemene; biamu bia biibi bia ku tshibambalu tshivuabu babikila ne: muaba wa tshijila menemene, ne bia ku biibi bia tshibambalu tshinene, bia tshiamu tshia mpawungi.

Ekesode 25:28

Usonge kabidi mitshi ya ndunga ibidi, uyilamike tshiamu tshia mpawungi ku nseke. Wela mitshi ayi mu nkanu bua kuambula nayi mesa.

Dibadika 7:84

Milambu yonsu ivuabu balambula kudi bamfumu aba dituku divuabu bajidile tshilambuilu idi nunku: malongu masalame dikumi ne abidi a tshiamu tshitoke tshia mushinga mukole, malongu mondoke dikumi ne abidi a tshiamu tshitoke tshia mushinga mukole a kumyamina mayi, makopu dikumi ne abidi a tshiamu tshia mpawungi.