Ekesode 25:20 - MUKANDA WA MYIDI MUKULU

²⁰ Bimfuanyi abi, bikale bitangilangane, binangile pa tshibuikidiji tshia mushete, biolola mapuapua mulu bua kubuikila mushete awu.

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Bakeluba nebolole mahuahua abo kulu, nebabuikile tshibuikilu tshia mushete ne mahuahua abo, bobo batangilangana mpala, mpala yabo neyikale mitangile ha tshibuikilu tshia mushete.

Ekesode 25:20 交叉引用

1 Kulondolola 28:18

Kulejaye bujitu bua mpawungi menemene, bua tshilambuilu tshia mulambu wa manananshi. Pashishe kumupeshaye dibeji divuaye muzole bua kuleja nuwuaye mua kufula ditempu dia tshijila, ne bakerubine benza ne tshiamu tshia mpawungi, badi babuikila mushete wa ndondu wa Maweja-Nangila ne mapuapua abu.

1 Bakalenga 8:7

Bualu mapuapua a bakerubine avua muolola pa mutu pa muaba uvuabu bamane kulongolola bua kuteka mushete. Nanku, mapuapua avua mabuikila mushete, ne milonda ivuabu bawambuila nayi.

Ebrewu 9:5

Pa mutu pa mushete pavua Basherubine ba lumu, bavua baleja mpala wa Mvidi Mukulu. Mapuapua abu avua mabuikile muaba udibu bajimijila bantu mibi yabu. Kadi edi ki ndiba dia tuetu kuakula malu aa onsu ku bumue ku bumue nansha.

1 Petro 3:22

mubande mu diulu, musombe ku diboku dia bukole dia Mvidi Mukulu Tatu. Ke muaba udi batumibue, mamfumu makuabu, ne makole a mu diulu bitabe bumfumu buende.

1 Petro 1:12

Mvidi Mukulu uvua mutanduile bambi abu ne: mukenji unudi ne bua kumanyisha bantu, kanuena nuulongesha bualu buenu to, kadi bua bantu bakuabu. Ke mudi bakobodi ba Lumu lua Disanka banumanyishelu mpindiewu ku bukole bua Mueyelu wa Tshijila udi Mvidi Mukulu mulume. Batumibue ba Mvidi Mukulu mene badi bajinga kumanya mukenji awu.

Ebrewu 1:14

Batumibue ba Mvidi Mukulu mene mbanganyi? Buonsu buabu mmieyelu idi yenzela Mvidi Mukulu mudimu. Bobu ke badiye utuma bua kuambuluisha badi ne bua kupeta lupandu.

Kolose 2:10

Nuvua bapete bionsu menemene mu didisanga dienu nende. Kristu udi mfumu wa Diakalenga onsu, ne wa makole onsu a mulu.

Efeze 3:10

Kadi mpindiewu, Tshisumbu tshia bena ditaba tshidi tshimanyisha mamfumu ne makole a mulu, meji a mishindu ne mishindu adi Mvidi Mukulu nawu.

1 Korente 11:10

Bualu bua batumibue, mukaji udi ne bua kusuika tshitambala ku mutu, bua kuleja mudiye ku bumfumu bua bayende.

1 Korente 4:9

Bualu ndi mumone ne: Mvidi Mukulu mmututeke tuetu bapostolu muaba wa ku ndekelu. Tudi bu bena tshibawu, bua batushipe, bonsu batangile. Mbatuele mu tshialu bu bena manaya, bua bonsu bautangile, batumibue ba Mvidi Mukulu ne bantu kabidi.

Yowanane 1:51

Yezu kuamba kabidi ne: — Ndi nnuambila bulelela ne: nenumone diulu diunzuluke, batumibue ba Mvidi Mukulu babanda bapueka kulu kua Muana wa muntu.

Matayi 24:31

Mpungi munene neadile. Muana wa muntu neafume batumibue bende ku ntengu inayi ya buloba. Nebasangishe badiye musungule, bafume ku ntengu ne ntengu ya buloba ayi.

Yezekiyele 28:14

Pabuipi nebe mvua muteke mukerubine munene bua akulame. Utua musombe pa mukuna wanyi wa tshijila, wenda munkatshi mua mabue atua akenka.

Yezekiyele 1:20

Nyama ivua iya muaba onsu mmayi misue; nkata ivua ilonda musangu umue, bualu nyama ivua iludika nkata ya ndundu.

2 Kulondolola 3:10

Pashishe bavua bafula bakerubine babidi ne tshiamu tshiengulula. Bavua babalamika tshiamu tshia mapwungi, babateka muaba wa tshijila menemene.

Ekesode 25:18

Kadi, pa tshibuikidiji tshia mushete apu, ku nseke ibidi ya mu bule buawu, wenzapu mpingu ibidi ya tshiamu tshia mpawungi, ileja Bakerubine.

Genese 28:12

Pawaye mulale, kulotaye tshilota. Kumonaye tshibandilu tshitue mulu tshitue panshi. Batumibue ba Mvidi Mukulu bavua babanda bapueka ku tshibandilu atshi.

Ekesode 25:19

Bimfuanyi bia Bakerubine bibidi abi, bikale bilamakane ne tshibuikidiji tshia mushete, etshi ku ndekelu, tshikuabu ku ndekelu.

1 Bakalenga 6:27

Kutekabu bakerubine munkatshi mua tshibambalu tshiena ne mushete wa ndondu. Bakerubine abu bavua bolola mapuapua. Dipuapua dia Kerubine wa kumpala divua dilenga ku tshimana tshimue tshia tshibambalu atshi. Dipuapua dia Kerubine muibidi divua dilenga ku tshimana tshikuabu. Kadi mapuapua makuabu abidi avua malengangane munkatshi mua tshibambalu.

1 Bakalenga 6:23

Pashishe, kusongabu mutshi wa olive wa ditu, kuenzabu mpingu ibidi ya bakerubine bua kuteka mu tshibambalu tshivua ne mushete wa ndondu. Kerubine yonsu uvua metre atanu mu bule. Kerubine wa kumpala, uvua ne mapuapua, mikale metre abidi ne tshitupa mu bule. Nanku, mapuapua ende onsu avua ne metre atanu mu bule. Kerubine muibidi, uvua kabidi ne metre atanu. Uvua anu bunene bumue, mufuanangane ne Kerubine wa kumpala.