Ekesode 24:18 - MUKANDA WA MYIDI MUKULU

¹⁸ Moshe kubuela munda mua divuba, kubanda kabidi pa mukuna, kushalaku matuku makumi anayi a munya ne a butuku.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Mose wakabuela munkatshi mua difutu, wakabanda mu mukuna Mose wakashala mu mukuna munya ne butuku mafuku makumi anai.

Ekesode 24:18 交叉引用

Dielulula 9:9

Meme Moshe mvua mubande ku mukuna bua kuangata mabue, avua ne mikenji ya ndondu wenu ne Maweja-Nangila. Meme kulalaku matuku makumi anayi a munya ne a butuku, tshiyi mua kudia nansha kunua.

Dielulula 10:10

Meme kushala ku mukuna matuku makumi anayi a munya ne butuku, bu musangu mukuabu. Musangu ewu kabidi, Maweja-Nangila kuitaba dilomba dianyi. Kena munubutule to.

Ekesode 34:28

Moshe kushala muaba uvua Maweja-Nangila matuku makumi anayi a munya ne a butuku, kayi udia, kayi unua, ufunda anu mikenji dikumi ivua ijadika ndondu wa diulu vuangana diabu.

Dielulula 9:25

Pavua Maweja-Nangila musue kunubutula, meme kudiela panshi kumpala kuende, kushala nanku matuku makumi anayi a munya ne a butuku.

Dielulula 9:18

Pashishe meme kudiela panshi kumpala kua Maweja-Nangila. Meme kushala muaba awu matuku makuabu makumi anayi a munya ne butuku, tshiyi mua kudia nansha kunua. Mvua muenze bionsu abi, anu bua bubi bu-nuvua benze. Nuenu kuenza bidi Maweja-Nangila ubenga, kumufikisha munda.

Luke 4:2

Diabolu kumutetamu matuku makumi anayi. Munkatshi mua matuku awu, Yezu kavua udia kantu nansha kamue. Nanku matuku aa mamane kupita, kumvuaye nzala.

Marke 1:13

Kushalayemu matuku makumi anayi. Diabolu kumuteta. Yezu uvua munkatshi mua nyama ya tshisuku, batumibue ba Maweja-Nangila bavua bamuambuluishe.

Matayi 4:2

Yezu mumane kupitshisha matuku makumi anayi a munya ne butuku kayi udia, kushishaye kumvua nzala.

1 Bakalenga 19:8

Ke muambi Eliya kujuka bua kudia ne kunua. Biakudia abi kumupa bukole. Kuendaye matuku makumi anayi, munya ne butuku, too ne ku Sinayi, mukuna wa Mvidi Mukulu.

Ekesode 19:20

Maweja-Nangila kutuluka ku lusongu lua mukuna wa Sinayi, kubikila Moshe. Awu pende kuitaba, kubanda pa mukuna.

Ekesode 9:33

Moshe kumuka kudi mukalenga wa bena Ejipitu, kupatuka mu musoku. Kuelaye bianza mulu kudi Maweja-Nangila. Mvula kukamuka, makubakuba ne mabue a mvula kujika.

Ekesode 9:29

Moshe kumuandamuna ne: — Pangumuka mu musoku emu, nengele bianza mulu kudi Maweja-Nangila bua mvula wa makubakuba ne mabue akamuke. Nanku neujadike ne: buloba buonsu mbua Maweja-Nangila.

Nsumuinu 28:1

Muntu udi wenza bibi udi udinyemena nansha kakuyi muntu udi umuipata. Kadi muntu udi ulamata Mvidi Mukulu udi ne dikima bu kana ka ntambue.

Ekesode 25:1

Maweja-Nangila kuambila Moshe ne:

Ekesode 32:1

Bena Izrayele bamona ne: Moshe wapitshi kujingakana ku mukuna, kuambilabu Arone ne: — Utuenzele mvidie, afilele kumpala kuetu. Bualu muntu ewu Moshe, uvua mutupatule mu Ejipitu, katuena bamanye tshidi tshimuenzekela to.

1 Bakalenga 19:11

Maweja-Nangila kuambila Eliya ne: — Patuka mu lubuebue, wimane pa mukuna kumpala kuanyi. Ndi musue kupita. Diakamue, tshipepela tshinene kutuuta bikole. Kupandatshi mikuna ne mbuebue kumpala kua Maweja-Nangila. Kadi, Maweja-Nangila kavua mu tshipepela atshi to. Tshipepela tshimane kujika, buloba kuzakala. Kadi, Maweja-Nangila kavua mu buloba buvua buzakala abu to.

Dielulula 5:31

Kadi wewe Moshe ushale pabuipi nanyi, bua nkuambile meyi ne mikenji bionsu bia kumanyisha bena Izrayele, bua babikumbaje mu ditunga dindi mbapesha.”