Ekesode 14:31 - MUKANDA WA MYIDI MUKULU

³¹ Kujadikabu ne: Maweja-Nangila mmubasungidile mu bianza bia bena Ejipitu ku bukole buende. Bantu bonsu kutshina Maweja-Nangila, kumutekemena. Kutekemena kabidi kudi muntu wende Moshe.

Mukanda wa Nzambi Dihungila Dikulukulu ne Dihungila Dihia-dihia 2003

³¹ Bena Isalele bakatangila bualu bukole buakenzela Yehowa Bena Ejipitu, ne bantu bonso bakatshina Yehowa, bakeyemena Yehowa ne muntu wandi Mose.

Ekesode 14:31 交叉引用

Yowanane 2:11

Ke bualu bua dikema bua kumpala buvua Yezu muenze mu Kana mu buloba bua Ngalileya. Nanku kulejaye butumbi buende. Balongi bende kumuitaba.

Yowanane 11:45

Bena Yuda ba bungi ba munkatshi mua bavua balue kudi Mariya, bamone bivua Yezu muenze, kumuitababu.

Luke 8:13

Bakuabu, bidi bibenzekela bu mudi ntete idi imata mu buloba bua mabue. Badi bumvua muaku wa Mvidi Mukulu, bawakidila ne disanka. Kadi muaku ewu kawena ushindama munda muabu. Badi bitaba anu bua matuku makese. Padi dikenga dibakuata, badi bajimija ditaba.

Misambu 119:120

Mubidi wanyi udi uzakala bua kukunemeka, ndi ne bowa bua mapangadika ebe.

2 Kulondolola 20:20

Patshiatshia kuyabu bonsu mu tshipela tshia Tekowa. Pa kuyabu, Yosafate kubambila ne: — Bena Yerushalayime, bena Yuda, ntelejayi! Tekemenayi kudi Maweja-Nangila Mvidi Mukulu wenu. Nenupete bukole. Tekemenayi kudi bambi bende. Nenutshimune mvita!

Ekesode 19:9

Maweja-Nangila kuambila Moshe ne: — Ndi mpueka musokome mu divuba bua kuyukila nebe, bua, padi bantu bumvue mutudi tuyukila nebe, bakuitabe. Moshe kufikisha bivua bantu bandamune kudi Maweja-Nangila.

Ekesode 4:31

Bantu bamona nanku, kuitababu. Kujadikabu ne: Maweja-Nangila wamonyi makenga etu, watusambi. Kutuabu binu panshi bua kumutendelela.

Bienzedi 8:13

Simone kabidi kuitaba. Kumutuabu mu mayi. Kushalaye pabuipi ne Filipe. Uvua ukema bua bishima binene ne malu a dikema bivua bienzeka, yeye mumone.

1 Samuele 12:18

Samuwele kulomba Maweja-Nangila. Dituku adi, Maweja-Nangila kudidisha makubakuba, kulokesha mwla. Bena Izrayele bonsu kutshipa Maweja-Nangila ne Samuwele bikole.

Ebrewu 3:5

Kadi Mvidi Mukulu utata muanyishe Moshe mu nzubu wende mujima. Uvua muntu mutume bua kumanyisha bonsu malu avua Mvidi Mukulu musue kuamba.

Yoshua 4:24

Maweja-Nangila uvua muenze nanku, bua bantu bonsu ba pa buloba bamanye bukole buende. Kabidi bua nutumikile Maweja-Nangila Mvidi Mukulu wenu kashidi.

1 Samuele 12:16

Mpindiewu dilongololayi, nutangile tshishima tshinene tshidi Maweja-Nangila musue kuenza, nuenu bamone.

Nehemya 9:9

Wewe kutangila bankambua betu, kumona muvuabu babakengesha mu Ejipitu. Wewe kumvua muvuabu bela mbila ku muelelu wa Mayi manene makunze, bakusengelela bua ubambuluishe.

Yoshua 4:14

Dituku adi, Maweja-Nangila kujadika bumfumu bua Yoshuwa ku mesu kua bena Izrayele bonsu. Matuku onsu avua Yoshuwa mulale panu, bena Izrayele bavua bamunemeka bu muvuabu banemeka Moshe.

Yoshua 24:7

Bankambua benu kumbikila bua meme kubambuluisha. Meme kuteka divuba dia muinshi pankatshi pa tshisamba tshia bena Izrayele, ne tshia bena Ejipitu. Pashishe meme kubutula bena Ejipitu bonsu, mayi manene kubabuikilawu. Nuenu nudi bamanye mumvua mukengeshe bena Ejipitu! Malu onsu awu mamane kujika, tshisamba tshienu tshia bena Izrayele kushala mu tshipela matuku mapite bungi.