Ekesode 13:17 - MUKANDA WA MYIDI MUKULU

¹⁷ Mukalenga wa bena Ejipitu mumane kulekela bena Izrayele, Mvidi Mukulu kena mubaleje njila wa tshikosu wa mu ditunga dia Peleshete to. Bualu Mvidi Mukulu uvua mumanye ne: pikale mvita mijuke, nebatshine, bapingane kabidi mu Ejipitu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Bakalekela Palô bantu, Nzambi kakabalombola mu nshila wa ku buloba bua Bena Peleshete, nshila au wakatamba buihi, Nzambi wakamba ne, Bamue bantu nebakudimune mitshima yabo hatangilabo nvita, nebahingane mu Ejipitu.

Ekesode 13:17 交叉引用

Nehemya 9:17

Bavua babenga kuyitumikila. Kabavua bavuluke malu a dikema, auvua mubenzele. Kukutombokelabu. Bavua basue kupingana mu Ejipitu mu bupika. Kadi wewe, udi Mvidi Mukulu udi ubuikila bubi bua bantu, udi ne luse ne dinanga, lutulu ne muoyi mulenga. Nanku, kuena mubalengulule to.

1 Bakalenga 8:47

Nanku, mu ditunga dikale bena Izrayele baye mu bupika amu, padibu badiela meji, badikonka, batuadija kukutendelela, bamba ne: ‘Tuvua bakutombokela Maweja-Nangila, benza bibi. Tudi bena tshibawu!’

Bienzedi 7:39

Kadi bankambua betu bavua babenga kumutumikila. Bavua bamudiombola, bajinga kupingana mu Ejipitu.

Dielulula 20:8

Pashishe balombodi ba bena mvita nebambe kabidi ne: “Pikala muntu kayi ne muoyi mukole, utshina, mbimpe apingane kuende. Bualu udi mua kupumbisha bakuabu mua kuluangana.”

Bienzedi 15:38

Kadi Polu kavua musue kuya nende to. Bualu Yowanane Marke uvua mubashiye mu Pamfiliya, mubenge kuenza nabu mudimu.

Dielulula 17:16

Mukalenga awu, kikadi ne tubalu tua bungi. Kena mua kutuma bantu mu Ejipitu bua kutusumba to. Bualu Maweja-Nangila uvua munukandike bua kupingana mu ditunga edi.

Balombodi 7:3

Uye kuambila bena mvita bebe ne: “Bena mvita bonsu badi ne bowa, bazakala, bumuke ku mukuna wa Ngilaade, bapingane kuabu.” Bena mvita binunu makumi abidi ne bibidi kupingana. Bena mvita kushala binunu dikumi.

Ebrewu 11:27

Amu bua ditaba, Moshe kumuka ku Ejipitu kayi utshina tshiji tshia mukalenga. Utata ne muoyi mukole, bu muntu udi umona Mvidi Mukulu udi kayi umueneka.

Ekesode 14:10

Bena Izrayele bamone muvua bena Ejipitu babalonda ne mvita, kabidi muvua mukalenga wabu ufika, kutshinabu bikole. Kuelabu Maweja-Nangila mbila mikole bua abambuluishe.

Dielulula 28:68

Pashishe Maweja-Nangila neanuambule mu maatu, anupingaje kabidi mu Ejipitu, ditunga dimvua munuambile ne: kanuena mua kumufika kabidi. Muine amu, nuenu bonsu balume ne bakaji nenukebe kua kudisumbisha bu bapika kudi baluishi benu. Kadi muntu nansha umue kakunusumba to!