Ekesode 10:19 - MUKANDA WA MYIDI MUKULU

¹⁹ Maweja-Nangila kutuma lupepele lukole lufumina kudi diba dibuelela. Lupepele alu kuipata mpasu yonsu, kuyituma mu Mayi manene makunze. Mu ditunga dia Ejipitu ka-muvua mushale kabidi mpasu nansha umue to.

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Yehowa wakatuma luhehele lukole lua ku wesete, bakabandisha mikumbi, luakayihata mu Dishiba Dikunze, nansha mukumbi umue wakashala mu buloba bua Ejipitu.

Ekesode 10:19 交叉引用

Yowele 2:20

Baluishi benu badi batumina ku mutu kua ditunga, nembipate mutantshi mule, ku maloba a bipela ne minanga. Nengimanshe bena mvita babu badi benda kumpala mu Mayi manene a luepu; badi kunyima nembimanshe mu Mayi manene a pankatshi. Bitalu biabu nebinunke bibi, bantu kabayi mua kueyela bimpe. Nanku bantu bonsu bawa bakuenzela malu mabi mapite, nebajimine.

Ebrewu 11:29

Amu bua ditaba diabu, bena Izrayele kusabuka Mayi manene makunze bu mudibu benda mu buloba buume. Kadi pavua bena Ejipitu batete mua kusabuka, kudinabu mu mayi.

Ekesode 15:4

Udi mubutule mu mayi manene, matempu ne biluilu bia mukalenga wa bena Ejipitu. Kubutulaye bilobu bia mukalenga wa bena Ejipitu, bajimine mu Mayi manene makunze.

Ekesode 13:18

Nanku, Mvidi Mukulu kunyungulula bena Izrayele. Kulondabu njila wa mu tshipela bua kuya luseke ludi Mayi manene makunze. Bena Izrayele kupatuka mu Ejipitu, balondangane mu bisamba biabu.

Ekesode 10:18

Moshe kumuka kudi mukalenga wa bena Ejipitu bua kutendelela Maweja-Nangila.

Ekesode 10:20

Kadi mukalenga wa bena Ejipitu kena mulekele bena Izrayele to, bualu Maweja-Nangila uvua mumupeshe muoyi wa tshitunu.

Misambu 109:23

Ndi nya kakese kakese, bu mudi mundidimbi uya ujimina, badi bangipata bu mudibu bumusha kishi pambidi.