Efeze 6:1 - MUKANDA WA MYIDI MUKULU

¹ Bana, nudi ne bua kutumikila baledi benu. Ke munudi nuleja munudi nutumikila Mfumu.

Mukanda wa Nzambi Dihungila Dikulukulu ne Dihungila Dihia-dihia 2003

¹ Bana, tumikilai baledi benu mu Mukelenge; bua bualu ebu budi buakane.

Efeze 6:1 交叉引用

Nsumuinu 23:22

Teleja tatuebe, bualu mmukulele. Kupepeji mamuebe pakadiye mukulakaje.

Nsumuinu 6:20

Muananyi, vuluka malu adi tatuebe mukuambile. Londa mibelu ya kudi mamuebe.

Nsumuinu 1:8

Muananyi, uteleje tshidi tatuebe ukulongesha. Kupetudi mibelu ya kudi mamuebe.

Dielulula 21:18

Pikala muana upepeja baledi bende, kayi ubumvuila, nansha bobu bamunyoke,

Lewitiki 19:3

“Muntu yonsu wa kunudi anemeke tatuende ne mamuende, kabidi anemeke dituku dia Dikisha. Bualu Meme ndi Maweja-Nangila Mvidi Mukulu wenu.

1 Timote 5:4

Kadi padi mukaji mukamba ne bana, nansha ne bikulu, bana aba badianjile kukumbaja tshidi bena ditaba ne bua kuenzela bena diku diabu. Nanku bakuatshile mamuabu, nansha kakuabu, mudimu, muvua bamamu babakuatshile kumpala. Ke tshidi Mvidi Mukulu musue.

Rome 12:2

Kanulondi bidi bena panu benza. Kadi nuanyishe bua Mvidi Mukulu ashintulule meji enu onsu, bua nuikale bantu bapiabapia. Nenku nenujingulule bidi Mvidi Mukulu musue, bidi bimpe, bimulengelela, bidi biakane tshishiki.

Nsumuinu 30:17

Padi muntu useka tatuende, nansha ubenga kuitaba ku diyi dia mamuende, bikololu nebimutonkole mesu, biminyi nebimudie.

Rome 7:12

Nenku mikenji idi ya tshijila. Meyi ne mikandu bidi bia tshijila. Bidi bimpe, bitufundila bidi Mvidi Mukulu musue.

Luke 2:51

Ke Yezu kupingana nabu mu Nazarete. Uvua ubatumikila. Mamuende uvua ulama malu aa onsu mu muoyi wende.

Yobe 33:27

Udi wimba misambu, wambila bantu bonsu ne: “Mvua muenze bibi. Tshivua mukumbaje mikenji. Kadi Mvidi Mukulu ki mmunnyoke to, mmumfuile luse.

1 Petro 2:13

Mudi Mfumu musue, nuitabe muntu yonsu udi ne bumfumu. Nutumikile mukalenga wa bakalenga udi ku mutu kua bonsu.

Osheya 14:9

Bena Efrayime, mpingu idi inuenzela tshinyi? Meme ke udi upesha bena Efrayime bionsu bidibu balomba. Meme ke udi ubalama. Meme ndi mutshi wa siprese udi usasa matuku onsu kauyi uuma to. Meme ke udi ubapesha maminu.

Nsumuinu 30:11

Kudi bantu badi batshipa batatuabu, bajana bamamuabu misangu yonsu.

Genese 28:7

Kumonaye kabidi ne: Yakobe mmuitabe diyi dia tatuende ne mamuende, muye ku Mezopotamiya.

Misambu 19:8

Mikenji ya Maweja-Nangila kayena bubi. Idi ifila bukole, ipetesha muoyi. Mibelu ya Maweja-Nangila idi mimpe, ikebela bena lungenyi lutekete meji.

Estere 2:20

Estere pende kavua muanji kudimanyisha ne: ndi muena Yuda to. Uvua muitabe muvua Mordekayi mumukandike. Uvua utungunuka ne kuitaba diyi diende amu bu tshikondu tshivuaye kumbelu kuende.

1 Korente 15:58

Nenku, bana hetu basuibue, shindamayi bikole, kanunyungi. Tungunukayi amu kutungunuka nuye kumpala. Nutungunuje mudimu wa Mfumu. Numanye ne: mudimu unudi nukuata badisange ne Mfumu kawena wa patupu.

Rome 16:2

Numuakidile mu dina dia Mfumu, mudi bena tshisamba tshia Mvidi Mukulu ne bua kuakidilangana. Numuambuluishe mu malu onsu adiye mua kuikala nenu dijinga. Yeye mene uvua muambuluishe bantu bavule, nangananga meme.

Misambu 119:75

Maweja-Nangila, ndi mumanye ne: mapangadika ebe adi makane, avua mamfuishe bundu pa bualu.

Genese 37:13

Yakobe kuambila Yozefe ne: — Ndi musue kukutuma ku Shekeme, kudi bana benu badisha bimuna. Yozefe kuitaba ne: — Eyowa. Untume.

Yirmeya 35:14

Yonadabe, muana wa Rekabe, uvua mukandike bana bende bua kabanu maluvu a mvinyo to. Bena Rekabe kuitaba miaku yende too ne lelu. Ki mbanue maluvu a mvinyo to. Bualu bavua bitabe mukenji wa kudi nkambua wabu. Meme Maweja-Nangila kunubela misangu ne misangu, kadi kanuena nunteleja to.

Nehemya 9:13

Wewe kupueka mu diulu, kubambila malu ku mukuna wa Sinayi. Wewe kubamanyisha mikenji milenga, kubalongesha malu malelela, kubelela meyi ne mikandu bidi bilengelela bantu.

1 Samuele 17:20

Butshia dinda, Davide kushiya mikoku yende kudi mulami mukuabu. Kuangataye bintu bivuaye ne bua kuya nabi. Kuyaye muvua tatuende Ishayi mumutumina diyi. Kufikaye mu mitanda diba divu bena mvita bela mualu wa mvita, bela mbila bua kuya ku mvita.

Misambu 119:128

Mikenji yebe yonsu ndi nyimona miakane, ndi mubenge malu onsu a dishima.

Rute 3:5

Rute kuitaba ne: — Eyowa, nengenze bionsu biudi mungambile ebi.

Yirmeya 35:8

Nanku, tuvua bitabe bionsu bivua Yonadabe nkambua wetu mutuambile. Tuetu, bakaji betu, bana betu ba balume ne ba bakaji, katuena tunua mvinyo to.

Yirmeya 35:18

Pashishe Yirmeya kuambila bena Rekabe ne: — Telejayi bidi Maweja-Nangila wa bukole buonsu, Mvidi Mukulu wa Izrayele unuambila ne: “Nuvua bitabe mukenji wa kudi Yonadabe nkambua wenu. Nuvua benze ne muoyi umue bionsu bivuaye munutumine diyi.

Genese 48:12

Yozefe kumbusha bana pambidi pa tatuende, kuinyikaye mutu panshi.

Genese 50:12

Bana ba Yakobe kuenza bionsu amu muvua tatuabu mubashila diyi.