Ebrewu 5:9 - MUKANDA WA MYIDI MUKULU

⁹ Bamane kumufikisha ku bujima buende, ukadi mpokolu wa lupandu lua tshiendelele bua bantu bonsu badi bamutumikila.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Hakavuishibueye ne buakane buonso, yeye wakalua muenzeshi wa luhandu lua tshiendelele kudi bonso badi bamutumikila;

Ebrewu 5:9 交叉引用

Ebrewu 9:15

Ke padi Kristu mutuangaji bua ndondu mupiamupia, bua badi Mvidi Mukulu mubikile bapete bilenga bia kashidi bivuaye mulaye bantu bende. Badi mua kubipeta, bualu muntu mumane kufila. Ku lufu luende elu, mutupikule bantu ku bilema bivuabu benze, patshivuabu mu tshikondu tshia ndondu wa kumpala.

Ebrewu 2:10

Bualu Mvidi Mukulu — udi mufuke bionsu, kabidi udibu bafukila bionsu — uvua ne bua kupitshisha Yezu mu makenga bua kumufikisha ku bujima buende, bua amone mua kubueja bana bende bavule mu butumbi buende. Bualu Yezu ke udi ubafikisha ku lupandu.

Ebrewu 12:2

Tutangile Yezu, mfuki wa ditaba dietu, udi mua kudifikisha kabidi ku bujima buadi. Bua kupeta disanka divuabu bamulamine, kuitabaye bua bamushipe ku mutshi mutshiamakane, kayi umvua bundu bua lufu lua mushindu ewu. Mpindiewu udi musombe ku dia balume dia nkuasa wa butumbi wa Mvidi Mukulu.

Ebrewu 9:12

Pavua Kristu mubuele muaba wa tshijila menemene musangu umue bua kashidi, kavua mulambule mashi a mbuji ya mpumbu, nansha a bana ba ngombe. Uvua mulambule mashi ende nkayende, mutupetele lupandu lua tshiendelele.

Bienzedi 5:32

Tuetu ne Mueyelu wa Tshijila, udi Mvidi Mukulu mupe badi bamuitaba, tudi bajadiki ba malu aa.

1 Petro 1:22

Panuvua bitabe bulelela, nuvua badilengeje, bua numone mua kunanga ne muoyi umue bena ditaba nenu. Nanku nunangangane bikole, kabidi ne muoyi wenu mujima.

Danyele 9:24

Mbapeshe tshisamba tshiebe ne tshimenga tshia tshijila tshiudi musombe bidimu makumi muanda mutekete, bua bajikije ditomboka diabu, balekele malu mabi, bafuilangane luse, bakose nsambu pa yoyi kashidi. Nanku malu adi Mvidi Mukulu uleja, adi bambi bambe, neakumbane. Nebajidile tshiakabidi nzubu wa Mvidi Mukulu wa tshijila.

Ebrewu 11:8

Amu bua ditaba, Abrahame kutumikila Mvidi Mukulu uvua mumubikile. Kuyaye ku ditunga divua Mvidi Mukulu musue kumupesha bu bumpianyi. Kumukaye mu ditunga diabu, kayi mumanye kuvuaye ne bua kuya.

2 Tesalonike 1:8

Neatulukile bu kapia kela ndimi, bua kunyoka badi kabayi banemeka Mvidi Mukulu, kabayi bitaba Lumu lua Disanka lua Mfumu wetu Yezu.

Rome 2:8

Kadi bavua bamutombokela, babenga bulelela, badifila ku malu mabi, neabaleje tshiji tshiende ne kanyinganyinga kende.

Rome 1:5

Kudiye ke kudi Mvidi Mukulu mumpeshe dipa dia kuikala mupostolu, bua meme kusaka bantu ba bisamba bionsu, bua bitabe Lumu lua Disanka, batumikile Mvidi Mukulu, bua dina dia Yezu dipete lumu.

2 Korente 10:5

Tudi tubumbula nabi ditambisha dionsu didi dijikila njila wa kumanya Mvidi Mukulu. Tudi tuela meji onsu mu nkanu, bua itabe Kristu.

Rome 15:18

Bualu meme musue kutela bualu kampanda, ndi ngamba amu bivua Kristu muenze kundi, bua kufikisha bantu ba bisamba bikuabu ku ditumikila Mvidi Mukulu. Uvua muenze nanku ku bimvua muambe, ne ku bimvua muenze,

Yeshaya 50:10

Padi muntu wa kunudi muitabe bumfumu bua Maweja-Nangila, ateleje muena mudimu wende. Padi muntu wa kunudi wenda mu miidima, kayi umona butoke, adifile kudi Maweja-Nangila, atekemene kudi Mvidi Mukulu wende.

2 Timote 2:10

Ke pandi ngumvua bionsu ne lutuulu, bua diakalenga dia bantu badi Mvidi Mukulu musungule. Ke mudibu bapeta bobu kabidi lupandu kudi Yezu Kristu, ne butumbi bua kashidi.

Rome 10:16

Kadi kabavua banyishe bonsu Lumu lua Disanka to. Ke padi Yeshaya wamba ne: “Maweja-Nangila, uvua muitabe bituvua bambe nnganyi?”

Rome 6:17

Kadi tutumbishayi Mvidi Mukulu: nuenu bavua kale bapika ba malu mabi, mpindiewu nudi bitabe ne muoyi wenu mujima malu malelela avuabu banulongeshe.

Ebrewu 2:3

Nanku, patualengulula lupandu bunene nenku, mutuapanduka dinyoka mmunyi? Maweja-Nangila nkayende uvua mudianze kutumanyisha lupandu elu. Pashishe bavua bumvue mudi lupandu elu kutujadikilabu bunene bualu.

Yowanane 19:30

Yezu mumane kunua maluvu awu, kuambaye ne: — Bionsu mbimane kukumbana! Pashishe kuinyikaye mutu, kukula muoyi.

Matayi 17:5

Patshivua Petro wakula, divuba dikenka kubabuikila. Diyi kumvuika mu divuba ne: — Ewu ke Muananyi menemene, undi munange. Yeye udi unsankisha bikole. Numuteleje.

Zekâya 6:15

Bantu badi kule nebafike bua kuambuluisha badi basa nzubu wa Maweja-Nangila. Nanku nenumanye ne: Maweja-Nangila wa bukole buonsu ke uvua muntume kunudi. Malu onsu aa neenzeke panuikala bitabe muenu muonsu Maweja-Nangila Mvidi Mukulu wenu.

Yeshaya 45:22

Nuenu badi basombe ku ndekelu kua buloba, fikayi kundi meme. Nennusungidile. Bualu Mvidi Mukulu ke meme! Kakuena mukuabu to.

Misambu 51:6

Ndi mukuenzele bibi amu wewe nkayebe, bualu ndi muenze biudi ubenga. Paudi umpisha, udi wenza amu pa bualu. Tshiena mua kuela mpata mushindu uudi undumbuluisha.

Yuda 1:21

Nuvuluke kashidi ne: Mvidi Mukulu udi utunanga Nutekemene luse lua Mfumu wenu Yezu Kristu, ludi lunupetesha muoyi wa kashidi.

1 Yone 5:20

Tudi bamanye ne: Muana wa Mvidi Mukulu mmufike. mMutupeshe lungenyi, bua mmanye Mvidi Mukulu mulelela. Tudi mu bobumue ne Mvidi Mukulu mulelela kudi Muanende Yezu Kristu. Yezu Kristu ke Mvidi Mukulu mulelela. Yeye ke muoyi wa kashidi.

Ebrewu 11:40

Nanku, bu muvua Mvidi Mukulu mudianjile kutulongoluela malu mapite buimpe, kavua musue bua bafike ku bujima buabu tuetu katuyi nabu.

2 Tesalonike 2:16

Mvidi Mukulu Tatu wetu mmutunange, mmutupe kabidi ditekemena dishindame ku luse luende, bua tuindile ne muoyi mukole matuku adi kumpala. Tudi tumulomba, tulomba ne Mfumu wetu Yezu Kristu,

Bienzedi 3:15

Nanku nuenu kushipesha mfumu wa muoyi. Kadi Mvidi Mukulu mmumubishe ku lufu. Tuetu tudi bajadiki ba bualu ebu.

Luke 13:32

Yezu kubandamuna ne: — Nuye, nuambile nyama wa kabundi awu ne: “Ndi ngipata mikishi mibi, njikija masama lelu ne maloba. Dituku disatu nenjikije mudimu wanyi.”

Yeshaya 49:6

Yeye kungambila ne: “Kabiena bikumbana bua wikale muena mudimu wanyi anu bua kujula tshisamba tshia Yakobe, ne bua kupingaja kundi bena Izrayele badi bashale ne muoyi. Kadi ndi mukuteke kabidi butoke bua bukua bisamba, bua umone mua kupandisha bantu too ne ku ntengu ya buloba.”

Misambu 51:8

Kadi wewe udi musue amu bua muntu ambe malu malelela kayi usokoka bualu. Undongeshe, bua kondu kanyi ka munda kikale katuuta pa bualu.

Misambu 45:17

Mukalenga wanyi, bana bebe ba balume nebapiane bumfumu bua bankambua bebe. Neubateke bamfumu pa buloba bujima.

Bienzedi 4:12

Kakuena lupandu kudi munga muntu to. Bualu panu ponsu Mvidi Mukulu kena mupe bantu dina dikuabu didi mua kutusungila.

Yeshaya 55:3

Ntelejayi meme. Luayi kundi. Umvuayi diyi dianyi, nenuikale ne muoyi. Maweja-Nangila udi wamba ne: “Ndi ntua nenu ndondu wa kashidi. Ndi musue kunuenzela bilenga bimvua mulaye Davide.

Filipe 2:12

Bana hetu bananga, pamvua munkatshi muenu, nuvua bantumikile misangu yonsu. Kadi nupite kuntumikila lelu, pandi tshiyipu! Nukuate mudimu, nutshine Mvidi Mukulu, numuzakele, bua nupande.

Ebrewu 1:14

Batumibue ba Mvidi Mukulu mene mbanganyi? Buonsu buabu mmieyelu idi yenzela Mvidi Mukulu mudimu. Bobu ke badiye utuma bua kuambuluisha badi ne bua kupeta lupandu.

Ebrewu 9:28

Ke muvuabu balambula Kristu musangu umue bua kujimija mibi ya bantu ba bungi. Neamueneke musangu muibidi, ki mbua kujimija mibi, kadi mbua kusungila badi bamuindila.