Ebrewu 4:9 - MUKANDA WA MYIDI MUKULU

⁹ Nenku, dikisha difuanangane ne divua Mvidi Mukulu muikishe dituku dia muanda mutekete, ditshidi dindila bantu ba Mvidi Mukulu.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Nunku kudi kushala dikisha dia Lumingu dia bantu ba Nzambi.

Ebrewu 4:9 交叉引用

1 Petro 2:10

Kale kanuvua bantu ba Mvidi Mukulu. Mpindiewu nudi bantu bende. Kale kanuvua bamanye luse lua Mvidi Mukulu. Kadi mpindiewu nudi balupete.

Didimanyisha 21:4

Neabakuupule binsonji bionsu ku mesu. Lufu kaluakuikalaku kabidi, nansha madilu, nansha miadi, nansha dikenga. Bikulukulu nebishile bipiabipia muaba.’’

Yeshaya 11:10

Muana wa ku ndelanganyi ya Ishayi neikale mulombodi wa bukua bisamba. Bukua bisamba nebuye kumulomba meji. Muaba wikalaye musombe, neukenke ne butumbi bua Mvidi Mukulu.

Ebrewu 4:3

Tuetu badi bitaba, netupete muaba wa kuikishila udi Mvidi Mukulu wamba ne: “Meme kutshidipa ne tshiji ne: Bantu aba kashidi kabena babuela mu ditunga dimvua mubalongoluele bua kuikisha.” Uvua muambe miaku eyi nansha muvua mudimu wende mumane kujika bituadijile ku tshikondu tshivuaye mufuke bionsu.

Ebrewu 4:1

Mvidi Mukulu uvua mutulaye ne: nenubuele muaba undi munulongoluele bua nuenu kuikisha. Nanku tudimukayi, bua muntu wa kunudi kapangi kupeta muaba wa dikisha awu.

Ebrewu 11:25

Utata muanyishe bua banukengeshe pamue ne bantu ba Mvidi Mukulu pa mutu pa kusankaye mu malu mabi.

Ebrewu 3:11

Meme kuditshipa ne tshiji ne: bantu aba kashidi kabena babuela mu ditunga, dimvua mubalongoluele bua bikishe!

Tite 2:14

Yeye mene uvua mudifile buetu tuetu, bua kutupikula ku bubi buonsu, kutulengeja, kutuenza bantu bende badi bamuitaba amu Yeye, benza midimu mimpe ne disuminyina.

Matayi 1:21

Nealele muana wa balume. Neumuinyike dina ne: Yezu, bualu neasungile bantu bende ku mibi yabu.

Yeshaya 57:2

Nebabuele mu bupole buanyi. Nanku bantu badi balonda njila wa buakane, nebamone mua kuikisha talalaa.

Misambu 47:9

Mvidi Mukulu udi uludika bisamba bionsu, musombe mu nkuasa wende wa tshijila.

Ebrewu 4:8

Bualu, bu Yoshuwa mupeteshe bantu muaba wa kuikisha ewu, Mvidi Mukulu kavua mua kutela kunyima kua bidimu dituku dikuabu.

Ebrewu 4:10

Bualu muntu yonsu udi ubuela muaba udi Mvidi Mukulu mulongolole bua kuikisha, udi ujikija mudimu wende, wikisha, muvua Mvidi Mukulu mujikije mudimu wende, muikishe.

Didimanyisha 14:13

Pashishe meme kumvua diyi difumina mulu, dingamba ne: — Funda ne: “Badi bafuila mu mudimu wa Mfumu bituadija ku mpindiewu, mbena diakalenga!” Mueyelu wa Mvidi Mukulu udi wamba ne: “Bushuwa, nebikishe bua midimu mikole ivuabu benze, bualu malu mempe avuabu benze adi abalonda, abakuila.”

Ekesode 16:30

Nanku bantu bonsu kuikisha dituku dia muanda mutekete.