Biblia Todo Logo
在线圣经

- 广告 -




Ebrewu 13:20 - MUKANDA WA MYIDI MUKULU

20 Mvidi Mukulu uvua mubishe ku lufu Mfumu wetu Yezu, udi mulami munene wa mikoku, ku mashi a mulambu wende, adi ajadika ndondu wa tshiendelele.

参见章节 复制

Mukanda wa Nzambi Dihungila Dikulukulu ne Dihungila Dihia-dihia 2003

20 Nzambi wa ditalala wakabisha mulami munene wa mikoko munkatshi mua bafue kabidi ku mashi a dihungila dia tshiendelele, Mukelenge wetu Yesu mene,

参见章节 复制




Ebrewu 13:20
53 交叉引用  

Ndi mulami muimpe wa mikoku. Mulami muimpe wa mikoku udi ufuila mikoku yende.


Nenku tusemenayi kudi Mvidi Mukulu ne muoyi umue, bashindame mu ditaba dietu, bamane kulengeja muoyi wetu ku bilema bionsu bidi kondu ketu ka munda katupisha nabi, bamane kuowesha mubidi wetu ne mayi mimpe.


Musambu wa mu mukanda wa misambu ya Davide. Maweja-Nangila, ke wanyi mundami. Nanku tshiakukenga tshintu.


Mvidi Mukulu, udi ufila bupole, ikale nenu bonsu. Amene.


Nentue nenu ndondu bua kunupesha bupole bua kashidi. Nemvudije bantu benu. Nenteke nzubu wanyi munkatshi muenu kashidi.


Mfumu udi ufila bupole, anupe ditalala diba dionsu ne mishindu yonsu. Mfumu ikale nenu bonsu.


Ndi mulami muimpe wa mikoku. Mudi Tatu mummanye, kabidi mundi mumanye Tatu, ke mundi mumanye mikoku yanyi, mikoku yanyi kabidi idi mimmanye. Ndi mfila kabidi muoyi wanyi bua mikoku yanyi.


Maweja-Nangila udi wamba ne: “Bualu bua ndondu undi mutue nenu, udi mashi a nyama ya milambu mashindike, nempikule bana benu badi mu lukanu, badi basomba mu bupika bu mu tshina katshiyi ne mayi.


Kadi Mvidi Mukulu mmumubishe ku lufu, mumumbushe ku makenga a lufu, bualu kavua mua kushala ku bumfumu bua lufu.


Moshe kuangata kabidi mashi avua mashale mu dilongu, kuamiamina bena Izrayele pambidi, wamba ne: — Mashi aa, adi ajadika ndondu uvua Maweja-Nangila mutue nenu pavuaye nnumanyisha meyi ende.


Bualu nuvua bu mikoku mipambuke njila. Kadi mpindiewu mbanupingaje kudi mulami udi mua kunuludika mu njila, kulama mioyi yenu.


Ntelejayi meme. Luayi kundi. Umvuayi diyi dianyi, nenuikale ne muoyi. Maweja-Nangila udi wamba ne: “Ndi ntua nenu ndondu wa kashidi. Ndi musue kunuenzela bilenga bimvua mulaye Davide.


Nanku nuenu kushipesha mfumu wa muoyi. Kadi Mvidi Mukulu mmumubishe ku lufu. Tuetu tudi bajadiki ba bualu ebu.


Amu diba adi, bantu bende kuvuluka Moshe, ne malu avua menzeke kale. “Mvidi Mukulu uvua musambuishe kale bantu bende ne balombodi babu mu mayi manene, mpindiewu udi penyi? Mvidi Mukulu uvua mutume Mueyelu wende munkatshi muabu, udi muaba kaayi?


Kudi Kristu ke kunudi nuitabila Mvidi Mukulu, uvua mumubishe ku lufu, mumupe butumbi buende. Ke panudi nuitaba Mvidi Mukulu, nutekemena kabidi kudiye.


Nudi bindile Muanende Yezu, uvuaye mubishe ku lufu, udi ne bua kutuluka mu diulu. Yeye mene ke udi utusungidila ku tshilumbuluilu tshia Mvidi Mukulu tshikadi pabuipi.


Bualu pavuabu banutue mu mayi, bavua banujike pamue ne Kristu. Kadi nuvua babiike kabidi pamue nende. Bualu panuvua bitabe, nuvua badifile kudi Mvidi Mukulu, muena bukole, uvua mubishe Kristu ku bafue.


Ndi ndaya ne: tshiena musue kubabenga kabidi to. Nanku nentue nabu ndondu wa kashidi. Nenbambuluishe bua bannemeke, bua kabalamuki kabidi kundi.


Ke diyi divuaye mujadikile Yakobe, Ke ndondu wa kashidi uvuaye mutue ne bena Izrayele.


Nanku pamueneka Mfumu wa balami ba mikoku, nenupete nsala wa butumbi, udi kashidi kayi ututuka.


Nenku muntu udi upetula Muana wa Mvidi Mukulu, umona mashi a ndondu wa Mvidi Mukulu a wabu bamukobolola nawu bu tshintu tshia tshianana, upenda Mueyelu wa Mvidi Mukulu udi mutunange, nebamuenzele tshinyi? Nudi mua kujadika ne: badi ne bua kumunyoka bikole bipite!


Uvua wamba ne: “Etshi mmashi adi ajadika ndondu udi Mvidi Mukulu unutumina diyi bua munulaye.


Mvidi Mukulu udi utupa bupole, anuambuluishe bua nuikale bantu bende menemene. Anulame ne mueyelu wenu, muoyi, ne mubidi, bua kanuikadi ne bubi, too ne dituku diafika Mfumu wetu Yezu Kristu.


Nukumbaje bimvua munulongeshe, binuvua bapete kundi, binuvua bumvue ngamba, binuvua bamone ngenza. Nanku Mvidi Mukulu, mutupi wa bupole, neikale nenu.


Padi Mueyelu wa Mvidi Mukulu, uvua mubishe Yezu ku lufu, usomba munda muenu, nanku uvua mubishe Kristu ku bafue, mumupingajile muoyi, neafulule mibidi yenu idi ifua ku bukole bua Mueyelu wende udi usomba munda muenu.


Mvidi Mukulu wa bankambua betu mmubishe Yezu, unuvua nuenu bashipeshe, bapopele pa mutshi mutshiamakane.


Bualu mmashi anyi, adi ashindika ndondu udi Mvidi Mukulu utua ne bantu, adibu bapuekesha bua kujimijila bantu bonsu mibi yabu.


Nenteke muntu anu umue bua kuikalaye mulami wa mikoku yanyi. Yeye neayilame bimpe bu muvua Davide wanyi wenza.


Udi bu mulami wa mikoku, udi usaka mikoku yende. Udi utuma amu tshianza, uyikunguja kaba kamue. Udi wambula bana ba mikoku mu tshiadi tshiende, usaka bitulu bitulu mikoku idi yamusha tuana.”


Ke malu adi Mvidi Mukulu muenzele bena nzubu wanyi. Uvua mutue nanyi ndondu wa kashidi, mujadike ndondu awu ne mikenji idi bantu kabayi mua kubenga. Bionsu bidi binsankisha, udi ubikumbaja.


pavuaye mubishe Kristu ku lufu, mumuzangike mu nkuasa wa bumfumu mu diulu ku dia bukole diende.


Meme Polu, udi unufundila mukanda ewu, ndi mupete mudimu wa bupostolu ki nkudi bantu, nansha ku diambuluisha dia muntu, kadi kudi Yezu Kristu, ne kudi Mvidi Mukulu Tatu, udi umubisha ku lufu.


Mpindiewu, bana hetu, kolayi! Nulonde amu njila mululame. Nukoleshangane ku muoyi. Nuenze tshintu tshimue. Sombayi ne bupole. Nanku Mvidi Mukulu udi utunanga, neatupe bupole buende. Neikale nenu.


Mvidi Mukulu mmubishe Mfumu Yezu ku lufu. Ke mutudi bamanye ne: neatubishe ku lufu pamue nende. Neaditeke nenu pamue kumpala kua nkuasa wa butumbi.


Diba adi tudi tushiminyina Mvidi Mukulu malu, bualu tudi tujadika ne: mutubishe Kristu ku lufu, padiye kayi mumubishe. Bualu kena mua kumubisha, pikala bafue bulelela kabayi mua kubika ku lufu.


Bualu Mvidi Mukulu kena mutubikile bua kusomba mu tshimvundu, kadi amu mu bupole. Bu mudibi bienzeka mu Bisumbu bionsu bia bena ditaba,


Bu muvua Mvidi Mukulu mubishe Mfumu ku lufu, ku bukole buende neambishe ne tuetu kabidi ku muoyi mupiamupia.


Bualu mmufunde dituku didi muntu udiye musungule ne bua kulumbuluisha bantu bonsu, kukosa nsambu yabu pa yoyi. Ke bualu budiye mujadikile bantu bonsu pa kubisha muntu ewu ku bafue!


Kadi Mvidi Mukulu kumubisha ku bafue.


Yezu undi ntela awu, ke udi Mvidi Mukulu mubishe ku bafue. Tuetu bonsu tudi bajadiki ba bualu ebu.


Balongi bamane kudia, Yezu kubapesha kabidi dikopu, wamba ne: — Dikopu edi ntshiovu tshipiatshipia tshia Mvidi Mukulu, tshidibu bashindika ne mashi anyi, adibu bapumuna bualu buenu.]


Yezu kubambila ne: — Etshi mmashi anyi, avua mapumuka bua ba bungi, bua kushindika ndondu uvua Mvidi Mukulu mutue ne bantu.


Muntu mufuanangane ne muntu wanyi Davide neikale mukalenga wenu, mulami wenu umuepele. Nenuitabe meyi anyi. Nenukumbaje mikenji yanyi yonsu imvua munupe.


Meme Maweja-Nangila ndi munange bantu badi benzelangana bimpe. Kadi ndi ndiwula bantu badi bangata tshintu tshia bende ku bukole. Nensankishe bantu banyi. Nentue nenu ndondu wa kashidi.”


Mvidi Mukulu, udi utupa bupole, neaboze amu mpindiewu diabolu muinshi mua makasa enu. Dinanga dia Mfumu wetu Yezu Kristu dishindame munda muenu!


kadi ku bukole bua Mueyelu wa Tshijila uvua umueneka Muana wa butumbi wa Mvidi Mukulu, pavuabu bamubisha ku lufu.


Nanku nuenu bonsu badi apa, kabidi ne bena Izrayele bakuabu bonsu, numanye ne: muntu, unudi numona ewu, udi wenda bimpe amu ku bukole bua dina dia Yezu Kristu wa mu Nazarete, unuvua bapopele ku mutshi mutshiamakane. Kadi Mvidi Mukulu mmumubishe ku bafue.


Musambu wa mu mukanda wa mulombodi wa bena misambu, wa mu mukanda wa misambu ya Asafe, wa kuimba ne lunzenze.


Mu bukalenga bua Yuda, Maweja-Nangila kuambuluisha bantu, bua bitabe bonsu ne muoyi umue mua kukumbaja bionsu bivua mukalenga Izkiya ne bakulu babambile mu dina dia Maweja-Nangila.


Kudiedi nansha lukonku lua ne: “Wapueka mu kandondu nnganyi?” (mbuena kuamba ne: bua kupatula Kristu ku bafue, kumupingaja panu). k


跟着我们:

广告


广告