Ebrewu 12:28 - MUKANDA WA MYIDI MUKULU

²⁸ Nenku tuele Mvidi Mukulu tuasakidila, bualu tudi tupeta bukalenga budi kabuyi buzakala. Tumuele tuasakidila pa kuenzela Mvidi Mukulu mudimu udi umusankisha. Tumutumikile, tumutshine.

Mukanda wa Nzambi Dihungila Dikulukulu ne Dihungila Dihia-dihia 2003

²⁸ Nunku, bualu bua tuetu tudi tuangata bukelenge budi kabui bumanye mua kuzakashibua, tuikale bietu ne disakidila, ditudi bamanye mua kukuatshila Nzambi udi unsankisha mudimu ne kunemekela ne ditshina;

Ebrewu 12:28 交叉引用

Ebrewu 13:15

Nanku batumbishe Mvidi Mukulu diba dionsu. Ke wetu mulambu utudi tumulambula kudi Yezu. Mmomumue ne: tusamune dina diende mukana muetu katuyi tulekela.

Danyele 2:44

“Mu matuku adi bakalenga aba mu bumfumu, Mvidi Mukulu wa mu diulu neajule bukalenga bukuabu budibu kabayi mua kubutula nansha musangu umue. Tshisamba tshikuabu katshiena mua kuangata bukalenga abu nansha. Bukalenga abu nebubutule makalenga onsu adi mabudianjidile. Nebuashidishe, kadi bobu nebujalame kashidi.

Misambu 2:11

Itabayi Maweja-Nangila, numutshine. Numukukuile, numutumbishe.

Ebrewu 4:16

Nenku tusemenayi ne ditekemena dionsu ku nkuasa wa butumbi wa Mvidi Mukulu, muaba udiye utuleja ditunanga diende. Netupeteku dijimija dia mibi. Neatulejeku mudiye utunanga, bua tupete diambuluisha diba dionsu ditudi tudikengela.

1 Petro 2:5

Nudifile bu mabue a muoyi, bua Mueyelu wa Tshijila umone mua kuibaka nenu nzubu wa Mvidi Mukulu. Nanku nenuikale tshisumbu tshia batuangaji ba tshijila, badi ne bua kulambula Mvidi Mukulu milambu, idi imusankisha bualu bua Yezu Kristu.

Danyele 7:27

Nebapeshe tshisamba tshia tshijila tshia Mvidi Mukulu, Muena kulu, bukalenga, bukokeshi, ne lumu, bia makalenga onsu a pa buloba. Bukalenga bua tshisamba etshi nebushale kashidi. Makokeshi onsu a pa buloba neatshitumikile, atshienzela mudimu.’

Misambu 19:14

Ungepule ku ditambisha, bua kadivu kumpita bukole. Nanku nengikale tshiyi kalema, tshiyi muena tshibawu.

Didimanyisha 1:6

mMutuenze bakalenga ne batuangaji, bua tukuatshile Tatuende Mvidi Mukulu mudimu. Yezu Kristu udi ne butumbi, kabidi ne bukole, mu nkama ne nkama ya bidimu! Amene.

Yeshaya 56:7

nembabikidishe bua babande pa mukuna wanyi wa tshijila. Nembasankishe ne disanka dinene, mu nzubu wanyi wa kutendelela. Nenganyishe ne muoyi muimpe milambu mishilangane ikalabu bandambula pa tshilambuilu. Bualu nzubu wanyi, nebamuinyike ne: Muaba udi bantu ba mu matunga onsu batendelela.”

1 Petro 1:17

Panudi ntendelela, nudi nubikila Mvidi Mukulu ne: “Tatu”. Yeye kena ne kansungasunga. Udi ukosa nsambu ya bantu amu pa yoyi, bilondeshile malu adi muntu ne mutu muenze. Nanku matuku onsu anutshidi benyi panu, nuleje Mvidi Mukulu kanemu kenu mu bionsu binudi nuenza.

Rome 11:20

Eyowa, bavua bumushe matamba awu, bualu avua apanga ditaba. Bayua bakulamike wewe pa muaba wawu, bualu bua ditaba diebe. Kadi kuditambishi nansha! Wikale ne buowa!

Didimanyisha 15:4

Maweja-Nangila, wabenga kukutshina nnganyi? Wabenga kukunemeka udiku anyi? Bualu Wewe nkayebe udi wa tshijila. Bisamba bionsu nebikukukuile, bualu bantu bonsu badi bamona patoke malu mimpe audi wenza.”

1 Petro 2:20

Kadi paudi umvua ne lutuulu mituutu idibu bakutuuta, bualu uvua muenze bibi, udi mua kupeta lumu anyi? Nanku paudi ukenga, ulama lutuulu, bualu uvua muenze bimpe, Mvidi Mukulu neakuele lupemba.

Lewitiki 10:3

Nanku Moshe kuambila Arone ne: — Ke muvua Maweja-Nangila mumane kukudimuka, pawaye wamba ne: “Bonsu badi bangenzela mudimu, badi ne bua kunnemeka, bualu ndi wa tshijila. Bantumbishe, bantu bonsu batangile.” Arone kushala mupuwa.

Didimanyisha 5:10

Wewe kubateka bakalenga ne batuangaji, bua benzele Mvidi Mukulu wetu mudimu. Nebadie bumfumu pa buloba bujima.”

Ebrewu 10:19

Nenku, bana hetu, ku bukole bua mashi a mulambu wa Yezu, tudi mua kubuela ne muoyi mushindame muaba wa tshijila menemene mutudi basue.

Ebrewu 3:6

Kadi Mvidi Mukulu udi wanyisha Kristu bu Muanende, udi ku mutu kua nzubu wende. Nzubu wende awu ke tuetu, amu patudi tuindila ne muoyi umue ne lutulu, bitudi tutekemena.

Matayi 25:34

Nenku mukalenga neambile bantu badi ku diende dia balume ne: “Vuayi, nuenu badi Tatu wanyi muele lupemba. Angatayi Bukalenga buvuabu banulongoluele, katshia bafuka bukua panu.

Danyele 7:14

Kumupeshabu bukokeshi, butumbi ne bukalenga bua bantu ba matunga onsu, ba bisamba bionsu ne ba miakulu yonsu. Bukokeshi buende nebushale kashidi, kabuena bujika. Bukalenga buende kabuena bufue.

Ebrewu 5:7

Patshivua Yezu pa buloba, uvua ulomba Mvidi Mukulu, umutendakena, wela mbila mikole, ne binsonji ku mesu, kudi uvua mua kumusungila ku lufu. Mvidi Mukulu kumuteleja bualu Yezu uvuaumutumikila.

Filipe 4:18

Ndi nnujadikila ne: nkadi mupete bionsu binuvua bantumine. Bidi bikumbane bipite. Bu mudi Epafrodite muntuadile mpindiewu bimuma basue kumpesha, bionsu bindi nkengela, ndi nabi. Bintu bienu bidi bu mulambu wa dipembu dimpe, udi Mvidi Mukulu wanyisha, umusankisha.

Yeshaya 9:7

Maweja-Nangila uvua mulumbuluishe ndelanganyi ya Yakobe. Kupishaye bukalenga bua Izrayele.

Nsumuinu 28:24

Udi wiba bintu bia baledi bende, wamba ne: “Ki mbualu to,” mmuanabu ne muntu yonsu udi upawulangana bintu.

Misambu 89:7

Maweja-Nangila, kuena ne wa kukuidikija nende mu diulu amu, nansha ku bamvidie bonsu, kakuena mvidie udi bu wewe.

Efeze 5:10

Nuenze muenu muonsu bua kujingulula bidi bisankisha Mfumu.

Efeze 1:6

Nanku tutumbishayi Mvidi Mukulu bua ditunanga diende dia dikema, divuaye mutulejile bimpe bitambe mu Muanende munanga.

Luke 1:33

Neashale mukalenga wa bena Izrayele kashidi. Bukalenga buende kabuakuikala ne ndekelu.

Ebrewu 13:21

Mvidi Mukulu wa bupole anupe bukole bua kuenza malu onsu adi mimpe bua nukumbaje tshidiye musue. Enze munda muetu malu adi amusankisha, kudi Yezu Kristu, udi ne butumbi mu nkama ne nkama ya bidimu. Amene.