Ebrewu 11:38 - MUKANDA WA MYIDI MUKULU

³⁸ Buloba kabuvua buakanyine bantu abu! Bavua bendakana mu bipeta ne mu mikuna, basomba mu mbuebue ne mu mena mu buloba.

Mukanda wa Nzambi Dihungila Dikulukulu ne Dihungila Dihia-dihia 2003

³⁸ (bakadi ba ha buloba kabai babakanyine) bendakana mu bihela ne mu mikuna ne mu nyongola ne mu mena a mu buloba.

Ebrewu 11:38 交叉引用

1 Bakalenga 18:4

Pavua mukalenga mukaji Yezabele mushipeshe bambi ba Maweja-Nangila, Obadya uvua mupandishe bambi lukama, mubasokoke mu mbuebue: emu makumi atanu, emu makumi atanu. Mu mbuebue amu, Obadya uvua ubabadila biakudia ne mayi a kunua.

1 Bakalenga 19:9

Eliya mumane kufika ku mukuna wa Sinayi, kubuelaye mu lubuebue, kulalamu. Ke Maweja-Nangila kumukonka ne: — Eliya, muaba ewu udi wenza tshinyi?

1 Samuele 22:1

Ke Davide kumuka mu tshimenga tshia Ngate, kunyemenaye mu lubuebue lua Adulame. Bana babu ne Davide, ne bena diende bonsu, kumvuabu ne: Davide udi mu lubuebue alu. Kuyabu kudisangisha nende.

Yeshaya 57:1

Bantu bakane badi babutuka, kakuyi muntu udi usumpakana bualu buabu. Bantu bimpe badi bafua mu mvita, kakuyi muntu udi ubatangila. Kadi ndi mbapatula mu bianza bia bantu badi babakengesha.

1 Bakalenga 18:13

Mukalenga wanyi Eliya, kabena bakuambila tshimvua muenze pavua mukalenga mukaji Yezabele ushipesha bambi ba Maweja-Nangila anyi? Kabena bakuambila mumvua musokoke bambi lukama mu mbuebue: emu makumi atanu, emu makumi atanu, mbapesha biakudia ne mayi a kunua anyi?

1 Bakalenga 17:3

— Umuka muaba ewu, uye luseke ludi diba dipatukila. Uye kusomba pabuipi ne musulu wa Kerite, luseke ludi diba dipatukila lua Yardene.

1 Samuele 26:1

Bena mu Zife, kuya ku Ngibeya kuvua Shawule, kumuambila ne: — Kuena mumanye ne: Davide mmusokome ku mikuna ya Akila pabuipi ne tshipela anyi?

1 Samuele 23:23

Nujadike miaba yonsu idiye mua kunyemena. Pashishe, nupingane kundi, nuenu bamane kujadika bionsu ebi bimpe. Nanku netuye nenu. Pikalaye mu ditunga adi, nemmukuate, nansha bu meme ne bua kumukeba miaba yonsu mu buloba bua bena Yuda.

1 Samuele 23:19

Bena mu Zife kuya ku Ngibeya kuvua Shawule, bamuambila ne: — Kuena mumanye ne: Davide mmusokome mu buloba buetu mu mbuebue idi ku mikuna ya Akila, pabuipi ne Orsha, kuinshi kua tshipela anyi?

1 Samuele 23:15

Davide umona ne: Shawule udi wenda unkeba ne mvita bua kunshipa, kusombaye ku Orsha mu tshipela tshia Zife.

Balombodi 6:2

Bena Madiyane kukengesha bena Izrayele bikole. Bua kunyema bena Madiyane, bena Izrayele kuya kusokoma mu milundu, mu njila ya mu mbuebue, ne mu miaba mikuabu ya mu mikuna mipulumuke.

Yirmeya 41:9

Tshiina tshia mayi tshivua Ishemayele muele bitalu bia bantu aba bavuaye mushipe, tshivua tshiina tshinene tshivua mukalenga Asa mutume diyi bua kumbula, pavuaye uluangana mvita ne Basha, mukalenga wa Izrayele. Ishemayele uvua mutshiuwuje ne bitalu.