Ebrewu 10:2 - MUKANDA WA MYIDI MUKULU

² Bu bantu badi batendelela Mvidi Mukulu mushindu ewu bapeta dijimija dia mibi yabu musangu umue bua kashidi, kabavua mua kudiumvua kabidi ne: tudi bena tshibawu. Nenku kabavua mua kulambula kabidi mulambu to.

Mukanda wa Nzambi Dihungila Dikulukulu ne Dihungila Dihia-dihia 2003

² Bu milambu ai mibavuishe bakane tshishiki, kabakadi kulekela kuifila, anyi? Bualu bua batendeledi balengeshibue musangu umue kabakadi ne dimuma dia mibi kabidi.

Ebrewu 10:2 交叉引用

Yeshaya 43:25

Kadi, nansha nanku, ndi nkufuila amu luse bua buntomboji buebe. Tshiena musue kuvuluka kabidi bilema biebe. Ke mundi meme nanku.

Mika 7:19

Neutufuile kabidi luse, kuyi uvuluka malu etu mabi. Bubi buetu neubuimanshe muinshi mua mayi manene.

Misambu 103:12

Udi umbusha malu etu mabi, wasemeja kule netu, bu mudi luseke ludi diba dipatukila, lusemena kule ne luseke ludi diba dibuelela.

Yeshaya 44:22

Nkadi mukupule buntomboji buebe, ne bilema biebe, bu mudi divuba dipite lubilu, dijimine. Ndi mukupandishi webe. Pingana kundi.”

Ebrewu 10:17

Pashishe udi wamba kabidi ne: “Tshiena mvuluka kabidi mibi ne bilema bidibu benza.”

Zekâya 9:11

Maweja-Nangila udi wamba ne: “Bualu bua ndondu undi mutue nenu, udi mashi a nyama ya milambu mashindike, nempikule bana benu badi mu lukanu, badi basomba mu bupika bu mu tshina katshiyi ne mayi.

1 Petro 2:19

Paudi ukeba kukumbaja bidi Mvidi Mukulu musue, umvua ne lutuulu makenga adibu bakukengesha nawu kapayi bualu, Mvidi Mukulu neakuele lupemba.