Dielulula 8:12 - MUKANDA WA MYIDI MUKULU

¹² Nanku panuikala ne biakudia bia bungi, nusomba mu nzubu mimpe,

Mukanda wa Nzambi Dihungila Dikulukulu ne Dihungila Dihia-dihia 2003

¹² hanuadia bintu bia bungi, hanukuta, hanuasa nsubu mimpe ne hanuashikamamu,

Dielulula 8:12 交叉引用

Nsumuinu 30:9

Bualu meme ne bintu bipite bungi, ndi mua kukuvila ne: ‘Tshidi Mvidi Mukulu wenza ntshinyi?’ Kadi meme mupele menemene, ndi mufuane kuiba, bua kupepeja nanku Mvidi Mukulu wanyi.”

Dielulula 32:15

Yeshurune mumane kudia mukute, mumane kudiunda, kusenena, kulengulula Mvidi Mukulu uvua mumufuke, kupetula mulami wende ne mupandishi.

Dielulula 28:47

Panuapeta bintu bia bungi, kadi kanuyi nuenzela Maweja-Nangila Mvidi Mukulu wenu, mudimu ne disanka, ne muoyi wenu mujima,

Luke 17:28

Nebienzeke bu mu tshikondu tshia Lote: bantu bavua badia, banua, basumba, basumbisha bintu, bakuna, bibaka nzubu.

Agayi 1:4

Panudi nuenu basombe mu nzubu yenu milengeja bimpe, wanyi meme munyanguke, nudi nuenza bimpe anyi?

Amosa 5:11

Nudi nukengesha udi kayi bukole, numunyenga ntete ivuaye munowe. Nanku kanuakulala mu nzubu mipiamipia, inuvua base ne mabue. Kanuakunua maluvu a mvinyo anuvua bapete, ku mionji misunguluke inuvua bakune.

Muambi 2:4

Meme kuenza midimu, kudiashila nzubu ya bungi, kukuna mionji ya mvinyo.

Dielulula 31:20

Nanku meme nemfikishe bena Izrayele mu ditunga didi ne biakudia bia bungi, dimvua mulaye bankambua babu, bua badie batshionkomoka. Nebikalemu ne disanka. Kadi nebampeje, nebatendelele mvidie ya bantu benyi. Nebanyangakaje ndondu umvua mutue nabu.

Yezekiyele 11:3

Bantu aba badi bamba ne: “Matuku makuabu kabakuasa kabidi nzubu munemu to! Tshimenga tshidi bu mudi luesu. Tuetu tudi munyinyi muteka munda mua luesu.”

Dielulula 8:13

nupeta bintu bia bungi: ngombe, mikoku, mbuji, biamu bitoke bia mushinga mukole, ne bia mpawungi, ne bintu bikuabu bia mishindu yonsu,

Dielulula 6:10

Panuafika mu ditunga, didi Maweja-Nangila Mvidi Mukulu wenu unupesha, nuwuaye mulaye bankambua benu, Abrahame, Izake ne Yakobe, nenusangane bimenga bimpe, binene, binuvua kanuyi bibake to.