Dielulula 6:24 - MUKANDA WA MYIDI MUKULU

²⁴ Ke Maweja-Nangila kutuambila bua tukumbaje meyi ne mikenji biende bionsu. Patudi tumunemeka, netuikale bena diakalenga diba dionsu, netushale ne muoyi, bu mutudi nawu mpindiewu.

Mukanda wa Nzambi Dihungila Dikulukulu ne Dihungila Dihia-dihia 2003

²⁴ Yehowa wakatuela mikenji ei, bua tuetu tutshine Yehowa, Nzambi wetu, bua yeye atuenzele bimpe matuku onso, bua tuetu tuikale ne muoyo utudi nʼau lelu eu.

Dielulula 6:24 交叉引用

Yirmeya 32:39

Nembape muoyi umue, bua bandamate, bua bapete diakalenga, bobu ne ndelanganyi yabu.

Misambu 41:2

Muntu udi uvuluka mupele ne muena dikenga mmuena diakalenga! Maweja-Nangila neamuambuluishe diba didi dikenga dimukuata.

Yeshaya 3:10

Vulukayi ne: diakalenga ndia bantu badi bitaba Mvidi Mukulu, bualu bidibu benze nebibapeteshe tshipeta tshimpe.

Rome 10:5

Telejayi bivua Moshe mufunde bua bantu badi bakeba kubinga ku mesu kua Mvidi Mukulu ku ditumikila dia mikenji: “Muntu udi ukumbaja bidibu bafunde mu mikenji, neapete lupandu kudiyi.”

Dielulula 8:1

Nuenu batumikile mikenji indi nnuambila lelu eyi, neyinuambuluishe bua kusomba bimpe. Nemwulangane. Nenukuate ditunga, divua Maweja-Nangila mulaye bankambua benu.

Dielulula 4:1

Moshe kuambila kabidi bena Izrayele ne: Nuenu bitabe meyi ne mikenji bindi munulongeshe, nenuikale ne muoyi. Kabidi nenukuate ditunga dia Kenaane, didibu banupesha kudi Maweja-Nangila Mvidi Mukulu wa bankambua benu.

Matayi 6:33

Nuenu bangabanga nuditatshishe bua Bukalenga bua Mvidi Mukulu; nukumbaje tshidi Mvidi Mukulu musue. Nanku Yeye neanusakidile bikuabu bionsu abi.

Nsumuinu 22:4

Muntu muena bupuekele udi utumikila Maweja-Nangila, neapete bubanji ne lumu; nealale matuku mavule panu.

Nsumuinu 9:12

Pawikala muena meji, wewe mene neusanke. Kadi pawikala muena ditambisha, wewe nkayebe neudipeteshe dikenga.

Misambu 66:9

Yeye ke udi utulama ne muoyi. Kavua musue bua tubutuke.

Dielulula 8:3

Yeye mumane kunukengesha ne nzala, kumupeshaye mana, biakudia binuvua kanuyi banji kumanya, nansha nuenu nansha bankambua benu. Bionsu ebi, anu bua kunulongesha ne: muntu kena ne muoyi anu bua biakudia nkayabi to, kadi bua meyi onsu adi apatuka mukana mua Mvidi Mukulu.

Dielulula 4:4

Kadi nuenu bavua balamate Maweja-Nangila Mvidi Mukulu wenu, nutshidi bonsu ne muoyi too ne lelu.

Luke 10:28

Ke Yezu kumuambila ne: — Udi muandamune bimpe. Enza nanku, newikale ne muoyi.

Ekesode 20:20

Moshe kubandamuna ne: — Kanutshinyi to. Mvidi Mukulu mmufike bua kunuteta, bua numutshine, nulekele buenzayi.

Dielulula 6:23

Kutupatulaye mu Ejipitu bua kutufikisha mu ditunga edi, divuaye musue kutupa, bu nuwuaye mulaye bankambua betu.

Dielulula 6:2

Nanku nuenu ne ndelanganyi yenu, nenunemeke Maweja-Nangila Mvidi Mukulu wenu, panutshidi ne muoyi. Nenutumikile meyi ne mikenji biende bimvua munumanyishe. Nenushale ne muoyi matuku a bungi panu.

Misambu 41:3

Maweja-Nangila neamulame ne muoyi, amuendeshe diakalenga pa buloba, kayi umulekela mu bianza bia baluishi bende.