Dielulula 6:17 - MUKANDA WA MYIDI MUKULU

¹⁷ Nuitabe ku meyi, nukumbaje mikenji yende, bivuaye munuambile.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Nutumikile mikenji ya Yehowa, Nzambi wenu, ne mei akanuambileye ne malu andi akanumanyisheye.

Dielulula 6:17 交叉引用

Misambu 119:4

Wewe Maweja-Nangila, udi mumanyishe bantu mikenji yebe, bua bayilame.

Dielulula 11:22

Eyowa, nukumbaje mikenji yonsu indi nnuambila. Nunange Maweja-Nangila Mvidi Mukulu wenu. Nuitabe bionsu bidiye unuambila, numulamate.

2 Petro 3:14

Bana hetu basuibue, panutshidi bindile dituku edi, enzayi muenu muonsu bua nuikale kanuyi katoba, kanuyi ne bubi, ku mesu kua Mvidi Mukulu. Nusombe kabidi nende mu ditalala.

1 Korente 15:58

Nenku, bana hetu basuibue, shindamayi bikole, kanunyungi. Tungunukayi amu kutungunuka nuye kumpala. Nutungunuje mudimu wa Mfumu. Numanye ne: mudimu unudi nukuata badisange ne Mfumu kawena wa patupu.

Tite 3:8

Miaku indi ndongesha eyi idi milelela. Ndi musue wambulule malu awu misangu mivule, bua bantu badi bitaba Mvidi Mukulu bakumbaje midimu mimpe ne dinanukila. Ke bidi bimpe, bilengelela bantu.

Ekesode 15:26

Maweja-Nangila kubambila ne: “Nuenu bateleje diyi dianyi meme, Maweja-Nangila, Mvidi Mukulu wenu, bakumbaje bilenga bindi nnuambila, batumikile mikenji yanyi, tshiakunutumina dikenga nansha dimue, bu mumvua mutumine bena Ejipitu. Bualu meme ndi Maweja-Nangila, udi unondapa.”

Ebrewu 6:11

Kadi tudi tujinga ne: muntu yonsu wa kunudi atungunuke ne disuminyina dia momumue too ne ku ndekelu, bua binudi batekemena bikumbane menemene.

Dielulula 11:13

Nuenu bakumbaje bimpe mikenji ya Maweja-Nangila Mvidi Mukulu, indi nnuambila lelu eyi, nuenu bamunange, bamuenzele mudimu ne muoyi wenu mujima ne bukole buenu buonsu,

Dielulula 5:1

Moshe kubikila bena Izrayele bonsu, kubambila ne: — Bena Izrayele, telejayi meyi ne mikenji, bindi nnuambila lelu. Nubilonge, nubikumbaje.

Dielulula 5:29

Kadi bobu balame kashidi muoyi wa kunnemeka, ne wa kukumbaja mikenji yanyi, nebikale bena diakalenga, pamue ne ndelanganyi yabu.

Dielulula 5:32

Moshe kuambila kabidi bena Izrayele ne: Nanku nukumbaje bionsu bidi Maweja-Nangila Mvidi Mukulu wenu munuambile, anu mudibi amu.

Dielulula 27:1

Moshe, pamue ne bakulu ba ditunga, kuya kudi bena Izrayele, kubambila ne: — Nukumbaje mikenji yonsu indi nnumanyisha lelu.

Misambu 119:2

Bantu badi balonda mikenji yende, bamutumikila ne muoyi wabu mujima, badi ne disanka!