Dielulula 6:15 - MUKANDA WA MYIDI MUKULU

¹⁵ Bualu Maweja-Nangila, Mvidi Mukulu wenu, udi munkatshi muenu. Mmusue kuikala amu Mvidi Mukulu nkayende. Kanumufikishi munda to, bualu udi mua kunubutula, kunumusha panu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ bualu bua Yehowa, Nzambi wenu, udi munkatshi muenu, udi Nzambi wa mukau, bua tshiji tshia Yehowa, Nzambi wenu, katshikadi kunudi, ne bua yeye kanujimishi ha mutu ha buloba.

Dielulula 6:15 交叉引用

Dielulula 4:24

Bualu Maweja-Nangila Mvidi Mukulu wenu udi wosha, ubutula bu kapia. Yeye nkayende mmusue kuikala Mvidi Mukulu wenu.

Ekesode 20:5

Kukukuidi mpingu ya nanku. Kuyitendeledi, bualu meme ndi Maweja-Nangila Mvidi Mukulu webe. Ndi musue kuikala Mvidi Mukulu webe, meme nkayanyi. Nennyoke bantu bonsu badi bankina too ne ku ndelanganyi yabu ya musangu muisatu nansha muinayi.

Dielulula 11:17

Nuenu kanuyi bakumbaje mikenji yende, Maweja-Nangila neanufuile munda. Kakunulokeshila kabidi mvula. Kanuakupeta biakudia pa madimi enu to. Nenubutuke mu ditunga edi dimpe, didiye unupesha.

Dielulula 7:4

Bualu bantu ba bisamba bikuabu aba, badi mua kutombola ndelanganyi yenu, bua nubenge Maweja-Nangila, nutendelele mvidie mikuabu. Diba adi, Maweja-Nangila neanufuile munda, anubutule musangu umue.

Amosa 9:8

Maweja-Nangila Mvidi Mukulu udi utentekela ditunga dia Izrayele, didibu baludika kudi bakalenga bena tshibawu. Udi wamba ne: “Nengumushe bukalenga ebu pa buloba. Kadi tshiena musue kubutula ndelanganyi yonsu ya Yakobe nansha.

Amosa 3:2

“Ku bisamba bionsu bidi pa buloba, ndi munusungule amu nuenu. Ke mundi nnulumbuluisha, nnunyoka, bua malu mabi onsu anuvua benze.”

Misambu 90:11

Udi mumanye bukole bua tshiji tshiebe nnganyi? Nganyi watshina kapia ka dibinduluka diabe?

Misambu 90:7

Bulelela, tshiji tshiebe tshidi tshitushipa, njiya yebe idi itukuatshisha bowa.

2 Kulondolola 36:16

Kadi bena Izrayele kuseka bambi ba Mvidi Mukulu, kubalembakaja, kulengulula meyi a Mvidi Mukulu. Nanku, Maweja-Nangila kubafikila munda, kubanyoka bikole kabayi mua kupanda to.

1 Bakalenga 13:34

Buenzayi bua Yerobowame abu kutampakana kudi bena nzubu wende bonsu. Ke pavua bena nzubu wa Yerobowame bafue, babutuke bonsu pa buloba.

Dielulula 5:9

Kanukukuidi mpingu ya nanku, kanuyitendeledi. Meme nkayanyi ndi Maweja-Nangila Mvidi Mukulu wenu. Nanku muntu yonsu udi umbenga, ndi mmunyoka too ne ku ndelanganyi yende ya musangu muisatu nansha muinayi.

Ekesode 32:12

bena Ejipitu mbafuane kuamba ne: Uvua mupatule bena Izrayele mu Ejipitu ne lonji, bua kubashipa, kubabutula pa mikuna. Nanku, ndi nkusengelela bua utuyishe tshiji tshiebe, kubabutudi to.

Genese 7:4

Bualu papita matuku muanda mutekete, nendokeshe mvula pa buloba matuku makumi anayi a munya ne a butuku. Nembutule bintu bionsu bidi ne muoyi, bindi mufuke pa buloba.”

1 Korente 10:22

Tudi basue kujula Mfumu mukawu anyi? Nudi nuela meji ne: tudi bamupite bukole anyi?

Yirmeya 7:6

Kanukengeshi muntu muenyi, muana nshiya nansha mukaji mukamba. Kanushipi mu ditunga emu bantu badi kabayi ne bualu. Kanutendeledi mvidie ya bantu ba bisamba bikuabu bua kudikebela diakabi.

Yirmeya 28:16

Nenku Maweja-Nangila udi ukuambila ne: kuena kabidi ne muaba pa buloba apa to. Neufue tshidimu etshi katshiyi tshianji kujika, bualu udi usaka bantu bua batombokele Maweja-Nangila.

Dibadika 35:34

Nudimuke. Kanuena mua kupisha ditunga dinudi nusomba mikiya to, bualu meme muine nensombe munkatshi muenu. Eyowa, meme Maweja-Nangila, ndi nsomba munkatshi muenu.”

Yoshua 23:12

Nuenu babenge Maweja-Nangila, bumvuangane ne bantu ba bisamba bikuabu batshidi bashale munkatshi muenu, nuenu basele bana babu ba bakaji, babuelakane nabu, bobu babuelakane nenu,

Yoshua 23:16

Nuenu banyange ndondu uvua Maweja-Nangila mutume diyi bua kunemeka, nuenu biname kumpala kua mvidie ya bantu benyi bua kuyitendelela, Maweja-Nangila neanufuile munda, anujimije lukasa mu ditunga edi dimpe, didiye mumane kunupa.