Dielulula 6:13 - MUKANDA WA MYIDI MUKULU

¹³ Numunemeke, numutendelele amu yeye nkayende. Nutshipe amu mu dina diende.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Nutshine Yehowa, Nzambi wenu, numuenzele yeye nkayandi mudimu, nuditshihe kudi dina diandi.

Dielulula 6:13 交叉引用

Luke 4:8

Yezu kumuandamuna ne: — Mukanda wa Mvidi Mukulu udi wamba ne: “Kukuila Maweja-Nangila Mvidi Mukulu webe, umuenzele anu yeye nkayende mudimu.”

Matayi 4:10

Kadi Yezu kumuandamuna ne: — Diabolu, umbuka! Bualu Mukanda wa tshijila udi wamba ne: “Kukuila Maweja-Nangila Mvidi Mukulu webe. Umuenzele amu Yeye nkayende mudimu.”

Dielulula 10:20

Nunemeke Maweja-Nangila Mvidi Mukulu wenu, numulamate amu yeye. Nuntendelele, nuditshipe anu mu dina diende.

Dielulula 13:4

kanumuitabi to. Bualu Maweja-Nangila Mvidi Mukulu wenu, udi unuteta bua kujadika ne: nudi bamunange ne bukole buenu buonsu, kabidi ne muoyi wenu mujima anyi?

Lewitiki 19:12

Kanutshipi mutshipu wa dishima, nutela dina dianyi, to. Bualu nudi mua kupetula dina dianyi meme, Maweja-Nangila Mvidi Mukulu wenu.

Yirmeya 12:16

Bena mutumba bavua balongesha bantu bua baditshipe mu dina dia mvidie Baale. Kadi pikalabu balonge mua kuenza malu mimpe, adi bantu banyi ne bua kuenza, pikalabu bamanye mua kuditshipa bamba ne: “Ndi nditshipa mu dina dia Maweja-Nangila udi ne muoyi…”, nembape muaba wabu munkatshi mua bantu banyi.

Yeshaya 65:16

Bantu badi basue kujingila bakuabu diakalenga mu ditunga, nebabele lupemba, batela amu dina dia Mvidi Mukulu umue, udi ukumbaja malaya ende. Bantu badi basue kulaya malaya, nebaalaye batela amu dina dia Mvidi Mukulu umue udi ukumbaja malaya ende. Maweja-Nangila udi wamba ne: Eyowa, makenga a kale bantu kabakuavuluka kabidi to. Neajimine ku mesu anyi.

Yeshaya 45:23

Bu mundi Mvidi Mukulu bulelela, ndi nditshipa ne: nenkumbaje malaya anyi. Ndi ndaya ne muoyi umue ne: bantu bonsu nebatue binu kumpala kuanyi. Nebaditshipe bua kundamata kashidi.

Misambu 63:11

Babatape ku muela wa mvita, bitalu biabu babidie kudi mibuabua!

Dielulula 10:12

Bena Izrayele, tshidi Maweja-Nangila Mvidi Mukulu wenu utekemena kunudi ntshinyi? Mbua numunemeke, numutumikile, mununange, numuenzele mudimu ne muoyi wenu mujima, kabidi ne bukole buenu buonsu.

Yirmeya 4:2

Wewe muikale muntu wa muoyi umue, wa buakane ne wa luse, wewe muditshipe muambe ne: “Ndi nditshipa mu dina dia Maweja-Nangila udi ne muoyi”, nanku bisamba bia bantu bakuabu nebindombe bua meme kubiela lupemba. Nebisanke bualu buanyi meme Maweja-Nangila.

Yoshua 2:12

Kadi mpindiewu, nuditshipe bualu buanyi kudi Maweja-Nangila ne: nenufuile bena diku dianyi luse, bu mundi munuenzele bimpe. Numpeshe tshintu tshidi mua kunjadikila patoke binudi nuamba.

Misambu 15:4

Udi upepeja badi Mvidi Mukulu udiwula, unemeka badi bitaba Maweja-Nangila. Yeye mutule diyi udi udikumbaja, nansha yeye mufuane kujimija bidiye nabi.

Dielulula 6:2

Nanku nuenu ne ndelanganyi yenu, nenunemeke Maweja-Nangila Mvidi Mukulu wenu, panutshidi ne muoyi. Nenutumikile meyi ne mikenji biende bimvua munumanyishe. Nenushale ne muoyi matuku a bungi panu.

Dielulula 5:29

Kadi bobu balame kashidi muoyi wa kunnemeka, ne wa kukumbaja mikenji yanyi, nebikale bena diakalenga, pamue ne ndelanganyi yabu.

Yirmeya 5:7

Wewe Yerushalayime, ndi ne bua kukufuila luse bua tshinyi? Bana bebe mbambenge. Badi batela mvidie ya tshianana padibu baditshipa. Meme kubapesha bintu bionsu bua badie bukute. Kadi bobu kuenda anu tshiendenda. Badi basomba diba dionsu anu mu nzubu wa mukaji muena tshiendenda.

Yirmeya 5:2

Padi bena mu Yerushalayime baditshipa bamba ne: “Tudi tuditshipa mu dina dia Maweja-Nangila udi ne muoyi…”, mitshipu eyi nya dishima.

Matayi 5:33

— Nudi bamanye muvuabu bakandike kabidi bankambua betu ne: “Kanunyangi mutshipu wenu. Nukumbaje malaya anuvua balaye Maweja-Nangila.”

Ekesode 20:7

“Kutedi dina dianyi meme, Maweja-Nangila Mvidi Mukulu webe, tshitelatela, bualu meme nengangate muntu yonsu udi kayi unemeka dina dianyi bu muena tshibawu.

Ekesode 23:25

Nuntendelele anu meme Maweja-Nangila Mvidi Mukulu wenu. Nanku nennuele lupemba, nenupete bia kudia ne mayi a kunua. Nennumbushile masama adi mua kunutatshisha.

Dielulula 5:11

“Kanutedi dina dianyi meme Maweja-Nangila Mvidi Mukulu wenu tshitelatela, bualu meme nennyoke muntu yonsu udi kayi unemeka dina dianyi.

Yoshua 23:7

Kanubuelakanyi ne bantu ba bisamba bikuabu, batshidi bashale munkatshi muenu. Kanukebi diambuluisha kudi mvidie yabu. Kanutedi dina dia mvidie ayi, panudi nutshipa. Kanuinami kumpala kuayi bua kuyitendelela.

1 Samuele 7:3

Nanku Samuwele kubambila ne: — Panuikala basue kupingana kudi Maweja-Nangila ne muoyi wenu mujima, nulekele kutendelela mvidie ya Astarte ne mvidie mikuabu yonsu ya bantu benyi. Nuitabe anu Maweja-Nangila muenu muonsu, numuenzele mudimu amu yeye nkayende. Nanku neanupandishe ku bumfumu bua bena Peleshete.

1 Samuele 20:3

Davide kuambila Yonatane ne: — Ndi nditshipa, nkujadikila ne: tatuebe udi unkebela lufu! Kadi, tatuebe mmumanye ne: meme Davide ndi mulunda webe. Ke padiye wamba ne: Ki mbimpe bua Yonatane amanye bualu ebu to. Bualu neanyingalale bikole. Nanku, bu mudi Maweja-Nangila ne muoyi, ne bu muudi wewe Yonatane ne muoyi, ndi nkujadikila ne: nkushala anu katupa kakese bua tatuebe kunshipa.

2 Bakalenga 17:36

Nuntendelele anu meme Maweja-Nangila nkayanyi. Meme ke uvua munupatule mu Ejipitu ku bukole buanyi, budibu kabayi mua kutuila nkanana. Nanku, nuntuile anu meme mpala panshi, kabidi nundambule milambu.

Yeshaya 48:1

Nuenu tshisamba tshia Yakobe, telejayi. Nudi nudisua, bua panudi ne dina dia Izrayele, bua panudi ndelanganyi ya Yuda. Nudi nutshipa, nutela dina dia Maweja-Nangila, nutela Mvidi Mukulu wa Izrayele. Kadi kanuena nuditshipilamu, kanuena ne muoyi wa kukumbaja tshinudi nulaya ne mutshipu.

Genese 24:3

uditshipe mu dina dia Maweja-Nangila, Mvidi Mukulu wa diulu ne buloba, bualu kuena mua kukebela muananyi Izake mukaji wa mu ditunga dia Kenaane mundi muase emu to.

Dielulula 13:5

Nutendelele amu Maweja-Nangila Mvidi Mukulu wenu. Numunemeke, nutumikile mikenji yende, numulamate, numuenzele mudimu.

Yoshua 24:14

Yoshuwa kuamba kabidi ne: — Mpindiewu nuenu bena Izrayele, numanye bumfumu bua Maweja-Nangila. Numuenzele mudimu ne muoyi mujima, numutumikile. Numushe mvidie ivua bankambua benu batendelela, patshivuabu dishiya dia musulu wa Perate, nansha patshi wabu mu Ejipitu. Nanku, enzelayi Maweja-Nangila mudimu.