Dielulula 6:12 - MUKANDA WA MYIDI MUKULU

¹² Diba adi, mwuluke Maweja-Nangila, Mvidi Mukulu wenu, uvua munupatule mu Ejipitu mumwuamu bupika. Kanuena mua kumupua muoyi to.

Mukanda wa Nzambi Dihungila Dikulukulu ne Dihungila Dihia-dihia 2003

¹² hashishe nudimukai, bua kanuhu muoyo bua Yehowa wakanuhatula mu buloba bua Ejipitu ne mu nsubu wa buluka.

Dielulula 6:12 交叉引用

Ekesode 6:6

Nanku ambila bena Izrayele mu dina dianyi ne: “Ndi Maweja-Nangila! Nennumushe ku midimu mikole inudi nuenzela bena Ejipitu. Nennupatule ku bupika budibu banukuate. Nengenzeje bena Ejipitu ku bukole, mbanyoke bikole bua kunusungidila.

Dibadika 15:39

Nanku, nuvuale bilamba bitela ne malenda. Panuikala numona malenda awu, nenuvuluke mikenji yanyi bua kuyikumbaja. Kabidi kanuakutendelela mvidie, bua kulonda majinga enu mabi ne lukuka luenu.

Dielulula 4:9

Nanku nuenu bena Izrayele, dimukayi. Nudi bamanye bionsu bidi Maweja-Nangila muenze. Kanuena mua kubipua muoyi musangu nansha umue to. Nubivuluke, nubilondele bana benu ne bikulu benu.

2 Bakalenga 17:38

Kanuena mua kupua muoyi bua ndondu umvua mutue nenu. Ndi ngambulula ne: kanutendeledi mvidie mikuabu to.

Misambu 59:11

Mvidi Mukulu wanyi udi unnanga. Ke mudiye ungambuluisha, undeja mudi baluishi banyi babutuka bonsu.

Misambu 78:7

Bua bana batekemene kudi Mvidi Mukulu, kabayi bapua muoyi bidiye mubenzele, ne bua balame meyi ende.

Misambu 103:2

Eyowa, ndi musue kuela Maweja-Nangila tuasakidila, tshiena ndekela kuvuluka bualu buende buimpe nansha bumue.

Yeshaya 51:13

Udi upua Maweja-Nangila muoyi anyi? Ke yeye uvua mukufuke. Uvua mubalule diulu, mushindike buloba. Matuku onsu wewe udi uzakala, utshina muena tshinyangu, wela meji ne: neambutule amu mpindiewu. Kadi tshidiye mua kukuenzela ntshinyi?

Ekesode 13:3

Moshe kuambila bena Izrayele ne: — Nuvuluke dituku edi. Kanudi mampa adibu bela buanga to. Bualu ke dituku divua Maweja-Nangila muleje bukole buende, munupatule ku bupika mu Ejipitu.

Ekesode 13:14

Dituku dikuabu pikala bana benu banukonka tshinudi nuenzela nanku, nubambile ne: “Tudi tuvuluka bukole bua Maweja-Nangila, uvua mutupatule ku bupika mu Ejipitu.

Dielulula 4:23

Nudimuke, kanupu ndondu muoyi, uvua Maweja-Nangila Mvidi Mukulu wenu mutue nenu. Kanusongi mpingu. Kanuenji tshimfuanyi tshia tshintu nansha tshimue tshidiye munukandike.

Dielulula 8:10

Nenudie nukute. Nenuele Maweja-Nangila Mvidi Mukulu wenu tuasakidila, bua padiye munufikishe mu ditunga edi dimpe.

Dielulula 32:18

“Eyowa, bena Izrayele, nudi balengulula Maweja-Nangila, mulami wenu uvua munupeteshe muoyi. Yeye ke udi munufikishe ku bantu.”

Balombodi 2:12

Kubengabu Maweja-Nangila Mvidi Mukulu wa bankambua babu, uvua mubapatule mu Ejipitu. Kutendelelabu mvidie ya bantu ba bisamba bikuabu bavua basomba munkatshi muabu. Kudielabu panshi kumpala kua mvidie ayi. Ke muvuabu bafikishe Maweja-Nangila munda.

2 Bakalenga 17:36

Nuntendelele anu meme Maweja-Nangila nkayanyi. Meme ke uvua munupatule mu Ejipitu ku bukole buanyi, budibu kabayi mua kutuila nkanana. Nanku, nuntuile anu meme mpala panshi, kabidi nundambule milambu.

Yobe 8:13

Ke bidi bienzekela bantu badi bapua Mvidi Mukulu muoyi. Bantu badi bamutombokela kabena mua kutekemena tshintu.

Misambu 44:17

Bualu ndi ngunwua mudi bena lukuna batubunda, batuluisha batupenda.

Nsumuinu 30:9

Bualu meme ne bintu bipite bungi, ndi mua kukuvila ne: ‘Tshidi Mvidi Mukulu wenza ntshinyi?’ Kadi meme mupele menemene, ndi mufuane kuiba, bua kupepeja nanku Mvidi Mukulu wanyi.”

Yeshaya 17:10

Bena Izrayele nukadi bapue Mvidi Mukulu muoyi. Yeye ke uvua munusungidile! Kanuena nuvuluka Mupandishi wenu, udi bu lubuebue luenu, muaba unudi mua kusokomena. Nukadi nukuna mitshi, bua kutendelela nayi mvidie ya bantu benyi. Nudi numiamina ntete, bua kunemeka nayi mvidie ya mu matunga a bende.

Yirmeya 34:13

— Maweja-Nangila Mvidi Mukulu wa Izrayele udi unuambila ne: “Meme kabidi mvua mutue ndondu ne bankambua benu pavuabu mu Ejipitu. Meme kubapatulamu.

Osheya 2:13

Nemmukandike masanka ende onsu: a ngendu ya kuya mu nzubu wa Mvidi Mukulu ku tshidimu tshionsu, a bibilu bia ngondu mupiamupia, a matuku ende a Dikisha, ne a matuku a bibilu bikuabu bia kutendelela.

Kolose 2:8

Dimukayi bua muntu kanushimi ne malongesha a patupu a mu meji a bantu. Ke meji adi mafume ku malu adi bantu balongeshangana, ne kudi makole a mulu. Kadi kaena mafume kudi Kristu to.