Dielulula 4:37 - MUKANDA WA MYIDI MUKULU

³⁷ Maweja-Nangila uvua wenza bionsu ebi, bualu uvua unanga bankambua benu. Kabidi uvua munusungule nuenu ndelanganyi yabu. Kunupatulaye mu Ejipitu ku bukole buende.

Mukanda wa Nzambi Dihungila Dikulukulu ne Dihungila Dihia-dihia 2003

³⁷ Bualu bua yeye wakasua batatu benu, nunku yeye wakasungula bana babo bakabalonda ku nyima, yeye nkayandi wakanuhatula mu Ejipitu ne bukole buandi bunene;

Dielulula 4:37 交叉引用

Dielulula 10:15

Kale Maweja-Nangila uvua umvuangana amu ne bankambua benu, mubanange anu bobu. Kadi mpindiewu, mmunusungule nuenu, ndelanganyi yabu, munkatshi mua bisamba bionsu, munudi bamone emu.

Yeshaya 63:9

Mu makenga abu onsu, kena mutume muntu mukuabu bua kubambuluisha. Kadi uvua mubasungidile amu yeye mene. Yeye uvua muangate bualu buabu ne manza abidi, bualu uvua mubanange, ubumvuila luse. Yeye ke uvua mudiangatshile malu abu, mubambule mu maboku ende, ku tshikondu ne ku tshikondu.

Ekesode 33:14

Maweja-Nangila kuandamuna Moshe ne: — Meme nkayanyi nenkulombole; neutshimune.

Ekesode 13:14

Dituku dikuabu pikala bana benu banukonka tshinudi nuenzela nanku, nubambile ne: “Tudi tuvuluka bukole bua Maweja-Nangila, uvua mutupatule ku bupika mu Ejipitu.

Ekesode 13:9

Tshibilu etshi netshikale bu tshimanyinu ku diboku nansha pa mpala yenu, bua kunuvuluija dipatuka dienu mu Ejipitu. Nanku, netshinuvuluije munudi ne bua kumanyisha bantu mikenji ya Maweja-Nangila, uvua munupatule mu ditunga dia Ejipitu.

Ekesode 13:3

Moshe kuambila bena Izrayele ne: — Nuvuluke dituku edi. Kanudi mampa adibu bela buanga to. Bualu ke dituku divua Maweja-Nangila muleje bukole buende, munupatule ku bupika mu Ejipitu.

Rome 9:5

Badi ba ku ndelanganyi ya bankambua. Kristu mu buntu buende udi wa ku tshisamba tshiabu. Yeye Mvidi Mukulu, udi ku mutu kua bionsu, atumbe kashidi. Amene.

Malaki 1:2

Maweja-Nangila udi wambila bantu bende ne: — Ndi mununange. Kadi bobu badi bamukonka ne: — Tshidi tshijadika ne: udi mutunange ntshinyi? Maweja-Nangila udi wandamuna ne: — Esawu kavua muanabu ne Yakobe anyi? Kadi mvua munange Yakobe,

Yirmeya 31:1

Maweja-Nangila udi wamba ne: “Pakumbana tshikondu, nengikale Mvidi Mukulu wa meku onsu a bena Izrayele. Bobu nebikale bantu banyi.”

Misambu 34:15

epuke bubi, enze bimpe, asuminyine ne dikeba bupole mu bantu.

Misambu 32:8

Maweja-Nangila udi wamba ne: — Nenkulongeshe, nkuleja njila wa kulonda. Nenutangile miaba yonsu iudi uya, nkubela ne:

2 Kulondolola 16:9

Nanku, Maweja-Nangila udi utangila pa buloba, musue kuambuluisha badi bamunanga ne muoyi wabu mujima. Mpindiewu, udi muenze malu bu muntu mutomboke. Biangatshile ku lelu, mvita neyikukuate.

Dielulula 9:5

Nanku Maweja-Nangila kena unupa ditunga edi bua buakane buenu to. Neipate bantu aba, bualu mbena buenzayi. Udi musue kabidi kukumbaja bionsu bivuaye mulaye bankambua benu, Abrahame, Izake ne Yakobe.

Dielulula 4:34

Kudi mvidie ukadi mupatule tshisamba tshia bantu bende mu bupika, muleje bumfumu buende, ne bukole buende, bu munuvua nuenu badimuene anyi? Kudi mvidie uvua mukengeshe bantu, mutshimune mvita, muenze bishima ne malu a kukema, muenze kabidi ne malu adi akuatshisha bantu bowa, bu muvua Maweja-Nangila Mvidi Mukulu wenu munuenzele mu Ejipitu anyi?

Dielulula 23:5

Bualu panupatukila mu Ejipitu, bantu aba bavua banupale biakudia ne mayi a kunua mu luendu luenu. Kabidi bavua bafuta Balaame bua kunutshipaye. Balaame ewu, ke muana wa Beyore, uvua mu musoku wa Petore, mu Mezopotamiya.

Dielulula 33:3

Maweja-Nangila mmunange bisamba bia bena Izrayele. Udi ukuba bonsu badi bamuitaba, bimane ku makasa ende bua kumvua mibelu yende.

Dielulula 33:12

Moshe kuela ndelanganyi ya Binyamine lupemba, wamba ne: “Binyamine ntshisamba tshidi Maweja-Nangila mupite kunanga. Badi basomba talala pabuipi ne Mvidi Mukulu wabu. Maweja-Nangila udi ubalama matuku onsu, usomba munkatshi muabu.”

Misambu 44:3

Uvua mumuangeshe bantu ba bisamba bikuabu, bua kupa bantu bebe muaba wa kuasa. Uvua mukengeshe bisamba abi, bua bantu bebe bavulangane, basombe bimpe.

Yirmeya 31:3

Bantu banyi bavua bamba ne: “Maweja-Nangila mmutumuenekele mufume kule!” Ke meme kubambila ne: “Ndi mununange tshiendelele. Ke pandi nnulamata kashidi.

Ekesode 12:41

Bidimu abi nkama inayi ne makumi asatu bikumbana, dituku dia tshivulukilu, bisamba bionsu bia bena Izrayele kupatuka mu Ejipitu balondangane bimpe mu milongu.

Ekesode 12:51

Anu dituku adi. Maweja-Nangila kupatula bena Izrayele mu Ejipitu, balondangane mu bisamba biabu.

Dibadika 20:16

Pashishe tuetu kutendelela Maweja-Nangila. Kututelejaye, kututuminaye mutumibue wende bua kutupatula mu Ejipitu. Mpindiewu tudi mu Kadeshe, tshimenga tshidi ku mikalu ya ditunga diebe.

Dielulula 7:6

Nuenu bena Izrayele nudi tshisamba tshijidila Maweja-Nangila Mvidi Mukulu wenu. Nuenu ke badi Maweja-Nangila musungule, bua nuikale tshisamba tshiende tshisunguluke munkatshi mua bisamba bikuabu bionsu bia pa buloba.

Yeshaya 43:4

Bualu udi ne mushinga ku mesu anyi. Kakuena mukuabu, amu wewe! Meme ndi mukunange. Nenku, ndi mfila bantu bakuabu pa mutu pebe. Bisamba bikuabu nembishintakaje nebe.