Dielulula 4:36 - MUKANDA WA MYIDI MUKULU

³⁶ Nuenu nuakumvua diyi diende mu diulu, unulongesha bua kumutumikila. Pa buloba, wakanuleja tshimunyi tshia kapia, wakula nenu mu kapia aku.

Mukanda wa Nzambi Dihungila Dikulukulu ne Dihungila Dihia-dihia 2003

³⁶ Yeye wakanunvuisha dî diandi mu diulu bua kunumanyisha malu: wakanuisha kahia kandi kanene hanshi ha buloba; nuenu nuakunyua mei andi munkatshi mua kahia.

Dielulula 4:36 交叉引用

Ekesode 19:19

Miadi ya mpungi kuumvuika bikole ku mukuna. Moshe uvua uyukila ne Mvidi Mukulu, Mvidi Mukulu umuandamuna ne diyi bu dia dikubakuba dia mvula.

Ekesode 19:9

Maweja-Nangila kuambila Moshe ne: — Ndi mpueka musokome mu divuba bua kuyukila nebe, bua, padi bantu bumvue mutudi tuyukila nebe, bakuitabe. Moshe kufikisha bivua bantu bandamune kudi Maweja-Nangila.

Nehemya 9:13

Wewe kupueka mu diulu, kubambila malu ku mukuna wa Sinayi. Wewe kubamanyisha mikenji milenga, kubalongesha malu malelela, kubelela meyi ne mikandu bidi bilengelela bantu.

Dielulula 4:33

Ku bisamba bikuabu bionsu, kudi tshisamba tshidi ne mvidie, wakula natshi munkatshi mua kapia, bu mudi Maweja-Nangila wakula nenu, nuenu kushala ne muoyi anyi?

Ebrewu 12:25

Nanku nudimuke! Kanubengi kuteleja udi wakula nenu. Bantu bavua babenga kuteleja muntu uvua ubabela pa buloba mu dina dia Mvidi Mukulu, batata bapete dinyoka. Nanku tuetu nangananga nebatunyoke patudi tubenga udi utuambila diyi didi difume mulu.

Ebrewu 12:18

Nuenu kanuena basemena bu bena Izrayele pabuipi ne mukuna udibu mua kulenga. Kanuena bamone kapia kakole, bufike ne miidima, tshipepele tshikole.

Ekesode 24:16

Butumbi bua Maweja-Nangila buvua ku mukuna wa Sinayi. Kumuenekabu ku mesu a bena Izrayele bu kapia kakole ku lusongu lua mukuna. Divuba kushala dibuikila mukuna awu matuku asambombu. Dituku dia muanda mutekete, Maweja-Nangila kubikila Moshe mu divuba.

Dielulula 8:5

Numanye ne: Maweja-Nangila Mvidi Mukulu wenu, mmusue kunulongesha, bu mudi tatu ulongesha muanende.

Ekesode 19:18

Mukuna wa Sinayi uvua mufikisha kudi muinshi, bualu Maweja-Nangila uvua mupueke pa mukuna munkatshi mua muinshi wa kapia. Muinshi uvua ubanda bu tshikutu tshia kapia. Mukuna mujima kunyunga bikole.

Dielulula 4:12

Nuenu kumvua diyi dia Maweja-Nangila, wakula nenu munkatshi mua kapia, kadi kanuyi numumona to.

Dielulula 4:15

Kadi, nutambe kuvuluka bualu ebu: Dituku divua Maweja-Nangila wakula nenu ku mukuna wa Sinayi, munkatshi mua kapia, kanuvua bamumone to.