Dielulula 4:33 - MUKANDA WA MYIDI MUKULU

³³ Ku bisamba bikuabu bionsu, kudi tshisamba tshidi ne mvidie, wakula natshi munkatshi mua kapia, bu mudi Maweja-Nangila wakula nenu, nuenu kushala ne muoyi anyi?

Mukanda wa Nzambi Dihungila Dikulukulu ne Dihungila Dihia-dihia 2003

³³ Bantu kai bakumpa dî dia Nzambi diakalua kudibo munkatshi mua kahia, bu munuakadiunvua, ne bakikala ne muoyo?

Dielulula 4:33 交叉引用

Balombodi 6:22

Ngideyone kujadika ne: muntu awu uvua mutumibue wa Maweja-Nangila. Nanku kuelaye diyi ne: — Maweja-Nangila Mvidi Mukulu, ndi muena diakabi! Bualu ndi mumone mutumibue webe mpala ne mpala!

Dielulula 5:24

bamba ne: “Maweja-Nangila Mvidi Mukulu wetu, mmumane kutuleja butumbi ne bukole buende. Lelu tuakumumvua wakula munkatshi mua kapia. Nanku tuetu tudi bajadike ne: Mvidi Mukulu udi mua kuakula ne bantu, kabayi bafua to.

Ekesode 33:20

Maweja-Nangila kumujadikila ne: — Kuena mua kumona mpala wanyi to, bualu muntu kena mua kumona mpala wanyi, kushala kabidi ne muoyi to.

Dielulula 5:26

Kakuena muntu ukadi mumvue Mvidi Mukulu wa muoyi wakula munkatshi mua kapia, bu mutudi tuetu bena Izrayele bumvue, kushalaye ne muoyi.

Ekesode 24:11

Bakulu ba bena Izrayele bamane kumona Mvidi Mukulu nanku, kudiabu, kunuabu pamue. Kadi Mvidi Mukulu kena muenzele bakulu ba bena Izrayele abu bibi to.

Dielulula 9:10

Mvidi Mukulu Maweja-Nangila kumpesha mabue abidi, avuaye mufunde nkayende mikenji yonsu. Ke mikenji iwaye munumanyishe munkatshi mua kapia, panuvua kuinshi kua mukuna.

Ekesode 20:22

Nanku, Maweja-Nangila kutuma Moshe kabidi bua kuambila bena Izrayele ne: — Nuadimuenyi nkayenu mundi nyukila nenu, meme muikale mulu.

Dielulula 4:36

Nuenu nuakumvua diyi diende mu diulu, unulongesha bua kumutumikila. Pa buloba, wakanuleja tshimunyi tshia kapia, wakula nenu mu kapia aku.

Dielulula 5:4

Nanku Maweja-Nangila uvua wakula, mutangilangane nenu, ku mukuna, munkatshi mua kapia.

Dielulula 5:22

Mikenji eyi, ke ivua Maweja-Nangila muakule ne diyi dikole, wambila bena Izrayele ku mukuna wa Sinayi. Uvua ubamanyishayi munkatshi mua kapia ne divuba dia muinshi. Uvua muyifunde pa mabue abidi, avuaye mumpeshe meme Moshe, kayi musakidileku mikenji mikuabu to.