Dielulula 4:28 - MUKANDA WA MYIDI MUKULU

²⁸ Mu matunga awu, nenuikale nutendelela mvidie ya mabue, nansha ya mitshi misonga kudi bantu, idi kayiyi imona, kayiyi yumvua, kayiyi idia, nansha inunkila.

Mukanda wa Nzambi Dihungila Dikulukulu ne Dihungila Dihia-dihia 2003

²⁸ Kuaka nenutendelele nzambi mikuabo yakasongabo ne mitshi ne mabue, kayena mua kutangila anyi mua kunvua anyi mua kudia anyi mua kununkila.

Dielulula 4:28 交叉引用

Dielulula 28:64

Pashishe neanumuangalaje miaba yonsu, munkatshi mua bisamba bia bende bidi pa buloba bujima. Neatendelele mpingu ya mvidie ya mabue, ne ya mitshi misonga, inudi kanuyi banji kumanya ku bankambua benu too ne mpindiewu.

Yirmeya 16:13

Nenku nennuipate mu ditunga edi, bua nuye mu dikuabu, divua baledi benu kabayi bamanye, dinuvua nuenu mene kanuyi bamanye. Kuine aku nenutendelele munya ne butuku mvidie ya bantu ba bisamba bikuabu. Kadi meme tshiakunuenzela kabidi bualu buimpe nansha bumue.”

Yeshaya 46:7

Pashishe badi bambula mvidie wabu pa makaya abu, baya kumuteka pa muaba wende. Mvidie udi ushalapu, kayi unyunga. Nansha bobu bamubikila, kakuandamuna to. Kena usungidila muntu udi mu dikenga. Lupandu kaluena kule to

Dielulula 28:36

Pashishe Maweja-Nangila neanukuatshishe mu bupika ne mukalenga unuikala nende. Neanufikishe mu ditunga divua bankambua benu kabayi bamanye, nansha nuenu kabidi. Mu ditunga adi nentendelele mvidie idi anu mpingu ya mitshi misonga, nansha ya mabue.

Yezekiyele 20:39

Meme Maweja-Nangila Mvidi Mukulu, ndi nnuambila ne: Nuenu bena Izrayele, muntu yonsu wa kunudi, nansha yeye mukukuile mvidie yende mibi indi mubenge, kadi dikuabu dituku nenuikale anu ne tshilumbu tshia kungitaba. Nenulekele kupepeja dina dianyi dia tshijila, nulekele kulambula mvidie milambu.

Yeshaya 45:20

Nuenu bena matunga makuabu, bavuabu kabayi bashipe, semenayi, nudisangishe, nusemene popamue. Bonsu bavua bafike ne mpingu yabu ya mitshi, nansha badi batendelela mvidie udi kayi mua kubasungidila, kabena ne lungenyi to.

Yeshaya 44:9

Bantu bonsu badi benza mpingu, bayitendelela, mbantu tshianana. Bintu biabu bidibu banange, kabiena bibambuluisha nansha kakese. Wewe muebeje batendeledi ba mvidie, bivua mvidie yabu yenza, nebafue bundu. Bualu ki mbanji kumona, ki mbanji kumvua, bualu buvua mvidie wabu muenze.

1 Samuele 26:19

Pikala Maweja-Nangila musue bua wewe kungenzela bibi, nanku Maweja-Nangila itaba mulambu bua kujikija tshiji tshiende. Kadi, pikalabu bakuenzeja bionsu ebi kudi bantu, Maweja-Nangila abatshipe. Bualu lelu badi bangipata, bua tshisombi mu ditunga didi Maweja-Nangila mupeshe bantu bende, bidi bu mudi muntu ungamba ne: “Uye kutendelela mvidie mikuabu.”

Bienzedi 7:42

Ke Mvidi Mukulu kubalengulula, kubalekela banemeke mabulunge a mulu. Ke mudibu bafunde mu mukanda wa bambi ne: “Bena Izrayele, bidimu makumi anayi binuvua mu tshipela, nuvua bandambule meme milambu ya nyama, nansha milambu mikuabu anyi?

Yirmeya 10:9

Mpingu eyi, mbayilamike tshiamu tshitoke tshia mushinga mukole tshia ku Tarshishe, nansha tshiamu tshia mpawungi, tshiaku Ufaze. Muntu ke udi musonge mpingu ayi. Nsenda wa tshiamu tshia mpawungi ke udi muyilengeje. Badi bayivuadika bilamba bimpe, bikunze ne bifikuluke. Mpingu yonsu eyi, idi anu mienza kudi muntu udi mumanye mudimu wende bilenga.

Yirmeya 10:3

Ditendelela dia bantu ba bisamba bikuabu didi anu lupepele, kadiena ne mushinga to. Badi bakosa mutshi mu ditu, muntu usonga nawu lupingu.

Yezekiyele 20:32

Nudi nuela meji ne: nudi mua kuikala bu bantu ba bisamba bikuabu, badi batendelela mitshi ne mabue anyi? Nansha kakese! Kabiakuenzeka to.

Bienzedi 19:26

Kadi nudi bamone, badiumvuile kabidi tshidi muntu ewu Polu wenza. Udi ujadika ne: nwidie idi bantu benza ki mmvidie menemene to. Ukadi muitabijije bantu ba bungi, ki amu munu mu Efeze, kadi ne miaba kana yonsu ya mu Aziya.

Didimanyisha 9:20

Kadi bantu bavua bashala ne muoyi, bonsu bavua bipupu ebi kabiyi bibutula, kabavua badilengeja to. Batshivua batendelela nwidie ivuabu badienzela. Batshivua bakukuila mikishi mibi, kabidi ne nwidie mienza ne mpawungi, ne tshiamu tshitoke tshia mushinga mukole, ne tshiamu tshikunze, ne mabue, kabidi ne mitshi. Ke nwidie idi kayiyi mua kumona, kayiyi yumvua, kayiyi yenda.

Dielulula 29:17

Nanku muntu nansha umue wa kunudi, ne mulume ne mukaji, tshisamba nansha tshimue, diku nansha dimue, kanuena mua kubenga Maweja-Nangila Mvidi Mukulu wetu bua kutendelela mvidie ya bisamba ebi to. Bualu muntu udi wenza nanku, udi bu mutshi wa lulengu munkatshi mua bantu.

Yeshaya 26:14

Bamfumu betu ba kale bakadi bamane kufua, kabena bapeta muoyi kabidi to. Badi amu bu mundidimbi, kabena bajuuka kabidi to. Bushuwa, wewe ke uvua ubanyoka, ubabutula. Muntu nansha umue kena mua kubavuluka kabidi to.

Yeshaya 44:12

Mufudi udi ukosa tshitupa tshia tshiamu. Udi utshiela mu kapia, utshifula ne ngindu. Udi ukuata mudimu muende muonsu. Kadi nzala idi imusuma, udi upanga bukole. Padiye upua muoyi bua kunua mayi, udi upungila bikole.

2 Bakalenga 17:40

Kadi, bantu ba bisamba bikuabu abu, kubenga mua kuitaba bionsu abi. Kutungunukabu amu ne bilele biabu bia kale.

Yeshaya 44:11

Bantu bonsu badi batendelela mvidie, nebafue bundu. Badi basonga mpingu, badi amu bantu. Badisangishe bonsu pamue, badileje bonsu apa: nebakuatshike bowa, nebafue bundu, pa kumona mvidie kayi wenza bualu!

Yirmeya 10:5

Mpingu eyi kayena yakula. Idi anu bu mudi mitshi idibu basa mu madimi, bayivuadika bilamba bia bantu bua kutshinyisha nyunyi. Muntu ke udi uyambula, bualu kayena mua kuenda nkayayi. Kanuyitshinyi to, bualu kayena mua kuenza bualu bubi, bu mudiyi kayiyi mua kuenza bualu buimpe.”