Dielulula 34:9 - MUKANDA WA MYIDI MUKULU

⁹ Yoshuwa, muana wa Nune, uvua muntu wa meji a bungi. Bualu Moshe uvua mumane kumujidila, mumutenteke bianza. Biangatshile diba adi, bena Izrayele bonsu kutuadija kuitaba bionsu bivua Yoshuwa ubambila. Kukumbajabu mikenji yonsu ivua Maweja-Nangila mubatumine kudi Moshe.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Yoshua, muana wa Nuna, wakadi ne lungenyi munda muandi tente bualu bua Mose wakamutentekasha bianza biandi; ne Bena Isalele bakunvua di diandi, bakenza bu muakambila Yehowa Mose.

Dielulula 34:9 交叉引用

Yeshaya 11:2

Mueyelu wa Maweja-Nangila udi nende kashidi. Mueyelu udi umupa meji, umuambuluisha bua asunguluje malu. Neamanye tshia kuenza, neapete bukitu bua kutshikumbaja. Mueyelu neumuludike bua amanye Maweja-Nangila, neumulongeshe bua kumunemeka.

Bienzedi 6:6

Pashishe kubalejabu kudi bapostolu. Abu kutendelela Mvidi Mukulu, kubatenteka bianza.

Yowanane 3:34

Uvua Mvidi Mukulu mutume udi wamba miaku ya Mvidi Mukulu. Bualu Mvidi Mukulu udi mumupeshe Mueyelu wende wa Tshijila kayi upima.

Danyele 6:3

Ku mutu kua balombodi aba lukama ne makumi abidi ba bitupa bia buloba, Daryaveshe kuteka bamfumu basatu, bua kubatangila, bua muntu nansha umue kanyangi bumfumu bua mukalenga wa bakalenga. Daniyele uvua umue wa ku bamfumu aba.

2 Bakalenga 2:15

Bantu ba mu tshisumbu tshia bambi bavua mu tshimenga tshia Yeriko bavua batangila pa bule, bamone bionsu bivua Elisha wenza. Kuambilanganabu ne: “Mueyelu wa muambi udi ulombola Elisha.” Kuyabu kusambakena ne Elisha. Kumutuilabu mpala panshi,

2 Bakalenga 2:9

Bobu bamane kusabuka, Eliya kuambila Elisha ne: — Undombe tshiudi musue, bua meme kukuenzela, bangabanga ne Maweja-Nangila kungambula, bua tuetu kushiyangana nebe. Elisha kuandamuna ne: — Ndi musue kupiana mueyelu webe wa buambi misangu ibidi bukole buawu. Eliya kumuandamuna ne:

1 Bakalenga 3:12

Nanku, bilondeshile tshiudi mulombe, ndi nkupa lungenyi ne meji. Newikale ne lungenyi lua bungi, lupite lua bantu bonsu bavua kumpala kuebe nansha bakulonda panyima.

1 Bakalenga 3:9

Nanku, Maweja-Nangila, anyisha umpeshe lungenyi lukumbane bua meme kulombola bantu bebe, ne bua kumanya malu mimpe andi mua kubenzela, ne mabi andi ne bua kulekela. Kuyi muenze nanku, kakuena muntu udi mua kulombola bantu bebe bungi nunku to.

Kolose 2:3

Yeye ke nsapi idi ikangula, yunzulula bibutshilu bisokome bionsu bia meji ne lungenyi bia kudi Mvidi Mukulu.

Dibadika 11:17

Meme nempueke muaba awu bua kuyukila nebe. Bukole bua Mueyelu wanyi buudi nabu, nembuabanyine kabidi bakulu abu tshitupa. Nanku kuakuikala nkayebe ne mudimu wa kulama bantu. Bakulu abu nebakuambuluishe.

Ekesode 31:3

Mueyelu wanyi udi munda muende, bua ikale muntu wa lungenyi ne meji, mumanye mua kuenza midimu mishilangane.

1 Timote 5:22

Kutenteki muntu bianza lukasalukasa bua kumupesha muanzu mu Tshisumbu tshia bena ditaba. Kubuelakanyi mu mibi idi bantu bakuabu benza. Wewe kabidi kuenji bibi.

1 Timote 4:14

Kulenguludi dipa dia kudi Mvidi Mukulu didi munda muebe, diuvua mupete pavua bambi bakule, bakulu bakutenteke bianza.

Dielulula 34:8

Bena Izrayele kuteka madilu ende matuku makumi asatu mu mpata ya Mowabe.

Ekesode 12:28

Kuyabu kuenza bionsu bivua Maweja-Nangila muambile Moshe ne Arone.

Ekesode 28:3

Bilamba abi, babitele anu kudi bantu bandi meme Maweja-Nangila mupeshe tshipedi tshia butedi. Arone ikale uvuala bilamba abi, padibu bamujidila ne padiye ungenzela mudimu wa butuangaji.

1 Kulondolola 29:23

Shelomu kusomba mu nkuasa wa bukalenga wa Maweja-Nangila, kupingana tatuende Davide mu bukalenga. Bena Izrayele bamone ngikadilu yende milenga, bonsu kumuitaba.