Dielulula 33:2 - MUKANDA WA MYIDI MUKULU

² Maweja-Nangila mmufume ku mukuna wa Sinayi, mmujuke mu ditunga dia Seyire, bu diba, mmubande pa mukuna wa Parane, bua kuleja bantu butumbi buende. Batumibue binunu badi benda nende. Mmufike kudi bena diende, mukuate ku bianza mikenji idi ikenka bu kapia.

Mukanda wa Nzambi Dihungila Dikulukulu ne Dihungila Dihia-dihia 2003

² Yeye wakamba ne, Yehowa wakahueka ha mukuna wa Sinai, wakabika munkatshi muabo ku Sei, wakatemena ku mukuna wa Palana, wakamueneka munkatshi mua binunu makumi bia bantu bandi ba tshijila, wakalua kudibo ne mikenji mitema kahia mu tshianza tshiandi tshia bukole.

Dielulula 33:2 交叉引用

Didimanyisha 5:11

Meme kutangila tshiakabidi, kumvua meyi a batumibue bavule, binunu ne bitotu. Bavua banyungulukile nkuasa wa butumbi, Bia muoyi ne bakulu.

Abakuke 3:3

Mvidi Mukulu udi utumina ku Temane, Mvidi Mukulu wa tshijila udi upueka ku mikuna ya Parane. Diulu ndiwule tente ne buneme buende, buloba tente ne lumu luende.

Yuda 1:14

Enoke, muntu wa muanda mutekete wa ku ndelanganyi ya Adame, ukavua muambe kale mu dina dia Mvidi Mukulu bualu buabu ne: “Maweja-Nangila neafike ne batumibue bende ba tshijila binunu makumi ne makumi,

Bienzedi 7:53

Mvidi Mukulu kunutumina mikenji yende kudi batumibue bende. Kadi kanuena bayikumbaje to!

Misambu 68:17

Kadi wewe mukuna udi ne nsongu mivule, udi ubaba mukuna udi Mvidi Mukulu musue kusomba, mukuna udi Maweja-Nangila muase, bua tshinyi?

Ebrewu 2:2

Mikenji ivua batumibue ba Mvidi Mukulu bafike nayi kutudi, ivua ne mushinga munene. Muntu yonsu uvua kayi muyilonde, mubenge kuyitumikila, mmupete dinyoka di-vuaye ne bua kupeta.

Ebrewu 12:20

Bualu batua batshina bikole mukenji wa ne: “Muntu yonsu walenga mukuna, nansha nyama mene, nebamuase mabue, bamushipe.”

2 Tesalonike 1:7

Nuenu badi bakenga mpindiewu, Mvidi Mukulu neanupe bupole pamue netu. Ebi nebienzeke, patuluka Yezu mu diulu ne batumibue bende ba bukole, bantu bamumona.

Ngalate 3:19

Kadi mbele mikenji bua tshinyi? Bavua bayisakidile ku dilaya bua kuleja patoke malu adi Mvidi Mukulu kayi musue. Ivua ne bua kunenga too ne pafika muntu wa ku ndelanganyi ya Abrahame, uvuabu batela mu dilaya adi. Batumibue bavua bafikisha mikenji eyi kudi muntu, bua ayileje bantu bakuabu.

Ngalate 3:10

Kadi badi bela meji ne: Mvidi Mukulu neatubingishe, bualu tudi tukumbaja mikenji, mbena tshibawu. Bualu mikanda ya tshijila idi yamba ne: “Udi kayi ukumbaja bimpe diba dionsu bionsu bidibu bafunde mu mukanda wa mikenji, mmuena tshibawu.”

2 Korente 3:9

Bulongolodi buvua butupisha bukavua ne lumu. Nenku bulongolodi budi butubingisha kumpala kua Mvidi Mukulu nebuikale ne lumu lupite!

2 Korente 3:7

Bayua bafunde mikenji pa mabue ku dileta ku dileta. Diba adi butumbi bua Mvidi Mukulu buvua bukenka. Mpala wa Moshe uvua ubalakana bikole bipite, bena Izrayele kabayi mua kumutangila nansha. Kadi bukenke buvua pa mpala wa Moshe abu buvua amu ne bua kujimina. Pavua mikenji, ivua ne bua kutufikisha ku lufu, imueneka pamue ne butumbi bunene nanku,

Dielulula 5:22

Mikenji eyi, ke ivua Maweja-Nangila muakule ne diyi dikole, wambila bena Izrayele ku mukuna wa Sinayi. Uvua ubamanyishayi munkatshi mua kapia ne divuba dia muinshi. Uvua muyifunde pa mabue abidi, avuaye mumpeshe meme Moshe, kayi musakidileku mikenji mikuabu to.

Ngalate 4:24

Munda mua bualu ebu mudi dilongesha dinene: bamamu babidi aba badi baleja ndondu ibidi: ndondu wa kumpala udi Agare uleja, ke wa pa mukuna wa Sinayi, wa bana bapika.

Ekesode 23:20

“Mutumibue wanyi neafike kunudi bua kunulama mu njila ne kunufikisha ku muaba undi munulongoluela.

Dibadika 10:12

Bena Izrayele kubanga luendu, kumuka ku tshipela tshia Sinayi. Divuba kuimana, kutuluka mu tshipela tshia Parane.

Misambu 50:2

Mvidi Mukulu udi umueneka, bamunyungulule kudi bukenke, mu Siyone, tshimenga tshipite buimpe.

Danyele 4:13

Bumbushe lungenyi luatshi lua muntu, batshipingajile lungenyi lua nyama. Tshishale nanku bidimu muanda mutekete!

1 Bakalenga 11:18

Kumukabu mu buloba bua bena Madiyane, kupitshilabu mu tshipela tshia Parane. Kuangatabu bantu bavua mu tshipela tshia Parane, kuya nabu mu Ejipitu kudi mukalenga wa ditunga. Mukalenga wa bena Ejipitu, kupesha Adade nzubu ne maloba. Kumulayaye bua kumudisha.

Misambu 68:18

Mvidi Mukulu udi ne matempu a mvita binunu ne binunu. Maweja-Nangila mmufume nawu ku mukuna wa Sinayi, uya ku muaba wende wa tshijila.