Dielulula 33:12 - MUKANDA WA MYIDI MUKULU

¹² Moshe kuela ndelanganyi ya Binyamine lupemba, wamba ne: “Binyamine ntshisamba tshidi Maweja-Nangila mupite kunanga. Badi basomba talala pabuipi ne Mvidi Mukulu wabu. Maweja-Nangila udi ubalama matuku onsu, usomba munkatshi muabu.”

Mukanda wa Nzambi Dihungila Dikulukulu ne Dihungila Dihia-dihia 2003

¹² Bua Benyamina yeye wakamba ne, Munangi wa Yehowa neashikame nʼandi talalâ, utu wamubuikila matuku onso, udi ushikama hankatshi ha makaya andi.

Dielulula 33:12 交叉引用

2 Kulondolola 15:2

Kuyaye kumonangana ne Asa bua kumuambila ne: — Mukalenga Asa ne nuenu bonsu bena Yuda, ne bena Binyamine, nunteleje! Maweja-Nangila neikale nenu anu panuikala bamuitabe. Nuenu bamukebe, nenumupete. Nuenu bamubenge, yeye kabidi neanubenge.

Matayi 23:37

— Yerushalayime, Yerushalayime, wewe udi ushipa bambi, wasa badi Mvidi Mukulu ukutumina mabue, ubashipa! Misangu bungi munyi imvua mujinge kusangisha bantu bebe pandi, bu mudi nzolu usangisha tuana tuende mu mapuapua. Kadi kanuvua basue to!

Misambu 91:4

Neakulame, neusangane tshisokomenu kudiye, bu muana wa nzolu, usokoma mu mapuapua a mamuende. Bulelela buende budi bu ngabu udi ukulama.

Yeshaya 51:16

Ndi mbalula tshiakabidi diulu, ndi nshindika kabidi buloba. Nengambile bena mu Yerushalayime ne: “Nuenu nudi bantu banyi. Ndi nnupesha mikenji yanyi. Nennusokoke mu tshianza tshianyi.”

Yeshaya 37:35

Nendame Yerushalayime, nemmusungidile, bualu ndi Mvidi Mukulu, kabidi ndi munange muntu wanyi Davide.”

Yeshaya 37:22

Teleja malu andi muandamune Senakeribe: Tshimenga tshia Siyone tshidi tshikudiwula, tshikupepeja. Tshimenga tshimpe tshia Yerushalayime, tshidi tshikuseka, tshikupa mutu.

2 Kulondolola 11:1

Robowame mumane kufika mu Yerushalayime, kusangishaye bena mvita binunu lukama ne makumi muanda mukulu, bavua bamanye mvita bikole, ba mu tshisamba tshia bena Yuda ne tshia bena Binyamine, bua kuya kuluisha bena Izrayele bavua ku mutu mu ditunga, bua yeye kushala mukalenga wabu.

1 Bakalenga 12:21

Anu Robowame upingana mu Yerushalayime, kusangishaye bena mvita binunu lukama ne makumi muanda mukulu bavua bamanye mvita bikole, ba mu tshisamba tshia bena Yuda ne tshia bena Binyamine. Uvua musue kuya kuluisha bena Izrayele bavua ku mutu mu ditunga, bua yeye muana wa Shelomu, ashale mukalenga wabu ku bukole.

Dielulula 12:10

Kadi nenusabuke musulu wa Yardene, bua kusomba mu ditunga adi ne ditalala. Yeye neanulame bimpe. Baluishi benu bonsu, bena mutumba, kabakunuenzela bualu.

Misambu 132:14

Kuambaye ne: “Ewu ke muaba wanyi wa kuikishila, ke muaba undi musue kusomba matuku onsu.

Balombodi 1:21

Ndelanganyi ya Binyamine kupangila mua kuipata bena Yebusa bavua basomba mu tshimenga tshia Yerushalayime. Nanku bena Yebusa ne bena Binyamine badi basomba pamue mu Yerushalayime too ne ku mpindiewu.

Ekesode 28:12

Mabue abidi awu, wateka pa mampinda abidi adi pa tshilamba tshia efode tshia mutuangaji munene. Ikale tshimanyinu tshia mena a bisamba dikumi ne bibidi bia bena Izrayele. Nanku, padi Arone wimane kumpala kua Maweja-Nangila, mena awu ikale amueneka pa makaya ende, bua meme Maweja-Nangila ngikale nnuvuluka amu kunuvuluka.

Dibadika 34:21

Elidade, muana wa Kislone, wa mu tshisamba tshia bena Binyamine;

Dielulula 4:37

Maweja-Nangila uvua wenza bionsu ebi, bualu uvua unanga bankambua benu. Kabidi uvua munusungule nuenu ndelanganyi yabu. Kunupatulaye mu Ejipitu ku bukole buende.

Dielulula 32:11

Maweja-Nangila udi ukuba bena Izrayele, mudi nyunyi wa tshiminyi upapala pa mutu pa disua diende, wibidija bana bende bua kubuka mulu, nansha wolola mapuapua muinshi mua bana bua kabamatshi panshi.

Dielulula 33:11

Maweja-Nangila, upeshe bena Levi bukole, ubele lupemba mu midimu yabu yonsu. Babutule baluishi babu bonsu nkong, bapanga bukole kashidi.”

Misambu 60:5

Uvua mumueneshe tshisamba tshiebe mabika ne mala, mutunuishe dikopu dia tshiji, tuenda tutetuka.

1 Samuele 10:20

Samuwele kubikidisha bena Izrayele ku tshisamba ku tshisamba bua kutshinka, bua bapete mukalenga. Maweja-Nangila kuleja tshisamba tshia Binyamine.

2 Samuele 12:24

Davide kuya kusamba mukajende Batsheba, kumubuelela mu nzubu. Batsheba kulela muana wa balume, kumuinyika ne: Shelomu. Maweja-Nangila kunanga muana awu.

2 Samuele 12:25

Maweja-Nangila kuambila muambi Natane bua amanyishe Davide bualu ebu. Bu muvua Maweja-Nangila munange muana ewu, muambi Natane kumuinyika dina dikuabu ne: Yedidiya, mmumue ne: “Muana udi Maweja-Nangila munange.”

Yirmeya 12:7

Ndi nshiya nzubu wa tshijila, uvua nzubu wanyi meme. Ndi mbenga bantu bavua banyi. Ndi mfila mu bianza bia baluishi babu, bantu bamvue munange ne muoyi wanyi mujima.