Dielulula 32:47 - MUKANDA WA MYIDI MUKULU

⁴⁷ Mikenji eyi kayena anu meyi patupu, kadi idi inupetesha muoyi. Nuenu bayikumbaje, nenushale ne muoyi matuku a bungi mu ditunga dinuyaya kubuela dishiya dia Yardene.

Mukanda wa Nzambi Dihungila Dikulukulu ne Dihungila Dihia-dihia 2003

⁴⁷ Ebu kambualu bua hatuhu kunudi; kadi budi muoyo wenu, budi buvudisha matuku enu mu buloba bunuyaya kuhiana dishiya dia Yadene.

Dielulula 32:47 交叉引用

Nsumuinu 4:22

Idi ipesha bonsu badi bayilame muoyi ne bukole bua mubidi.

Lewitiki 18:5

“Nulame mikenji yanyi ne meyi anyi. Muntu udi ubikumbaja, nebimupeteshe muoyi. Bualu ndi Maweja-Nangila.

2 Petro 1:16

Patuvua banumanyishe ne: Mfumu wetu Yezu Kristu neafike ne bukole buende, katuvua banulondele nsumuinu ifuma ku budimu bua bantu. Kadi tuvua badimuene butumbi buende ne etu abidi.

Nsumuinu 3:22

Nebikusombeshe panu mu disanka; nebikupeteshe muoyi wa bushuwa.

2 Petro 1:3

Mvidi Mukulu ku bukole buende mmutupe bionsu bitudi tukengela, bua tumone mua kukumbaja bidiye musue. Bualu bavua batumanyishe mudiye mutubikile, bua tudisange nende mu butumbi, ne mu buimpe buende.

Nsumuinu 3:18

Meji adi mpokolu wa muoyi ne wa diakalenga, kudi bantu badi benza mudiwu abalongesha.

Matayi 6:33

Nuenu bangabanga nuditatshishe bua Bukalenga bua Mvidi Mukulu; nukumbaje tshidi Mvidi Mukulu musue. Nanku Yeye neanusakidile bikuabu bionsu abi.

Yeshaya 45:19

Meme tshiena muakule mu musokoku. Muaku wanyi kawena ufuma mu miidima. Tshiena mutumine ndelanganyi ya Yakobe diyi, bua inkebele muaba udi mutupu. Meme Maweja-Nangila ndi ngamba malu amu patoke. Malu onsu andi mmanyisha mmalelela. Ndi ngakumbaja.”

Didimanyisha 22:14

Bantu badi basukula mintumpu yabu, mbena diakalenga. Nanku nebabanyishe bua badie tshimuma tshia mutshi wa muoyi, babuele mu tshimenga, bapitshile ku tshiibi.

1 Timote 4:8

Manaya a kuibidija mubidi adi mimpe, alengelela bantu, kadi amu kakese. Kadi kutumikila Mvidi Mukulu kudi kubambuluisha mu bionsu, bualu kudi kutulaya muoyi bua mpindiewu, ne bua matuku atshidi kumpala.

Bienzedi 7:38

Moshe ke uvua pamue ne bena Izrayele mu tshipela: uvua pankatshi pa bankambua betu ne mutumibue wa Mvidi Mukulu, uvua wakula nende pa mukuna wa Sinayi. Mvidi Mukulu kumumanyisha miaku idi mua kumpetesha muoyi. Moshe kuyifikisha kutudi.

Dielulula 4:6

Nuenu bakumbaje mikenji eyi bimpe, bantu ba bisamba bikuabu pamanyabu mikenji eyi, nebajadike ne: nuenu nudi bantu ba lungenyi ne meji. Nebakeme, bamba ne: “Bena tshisamba tshinene etshi badi ne bantu ba lungenyi ne meji.”

Dielulula 4:40

Nuenu ne ndelanganyi yenu, nukumbaje meyi ne mikenji bia Maweja-Nangila Mvidi Mukulu wenu, bindi munumanyishe lelu. Nanku nenuikale bena diakalenga. Nenushale ne muoyi matuku mavule mu ditunga didiye munupe kashidi.

Dielulula 8:3

Yeye mumane kunukengesha ne nzala, kumupeshaye mana, biakudia binuvua kanuyi banji kumanya, nansha nuenu nansha bankambua benu. Bionsu ebi, anu bua kunulongesha ne: muntu kena ne muoyi anu bua biakudia nkayabi to, kadi bua meyi onsu adi apatuka mukana mua Mvidi Mukulu.

Dielulula 33:25

Tshiibi tshia mu tshimenga tshia bena Ashere, nebatshikange ne milonda ya tshiamu tshikunze. Bena Ashere badi basombamu bimpe, ne bukolematuku onsu atshidibu ne muoyi panu.”

Amosa 5:4

Telejayi tshidi Maweja-Nangila wambila bena Izrayele ne: “Panudi basue kushala ne muoyi, nupingane amu kundi, nungebeje malu.

Dielulula 30:16

Nudimuke, nukumbaje mikenji indi nnuambila lelu eyi: nunange Maweja-Nangila Mvidi Mukulu wenu, nulonde njila idiye unuleja, nutumikile meyi ende ne mikenji yende. Nanku nenushale ne muoyi; nenuvulangane. Maweja-Nangila neanuenzele bimpe mu ditunga dinuakuata.

Dielulula 31:13

Nanku bana bonsu badi kabayi banji kumanya mikenji eyi, nebayumvue, nebamanye mua kunemeka Maweja-Nangila, matuku onsu anuikala dishiya dia Yardene, mu ditunga dinuakuata.

Nsumuinu 4:13

Kuvidi bivuabu bakulongeshe. Ubivuluke: ke bidi bikupetesha muoyi.