Dielulula 32:43 - MUKANDA WA MYIDI MUKULU

⁴³ Bisamba bionsu bitumbishe bantu ba Maweja-Nangila. Maweja-Nangila neasombuele bua lufu lua bantu bende. Neanyoke baluishi ba bena Izrayele bonsu. Neafuile ditunga dia bena Izrayele luse, neasambe benadi.

Mukanda wa Nzambi Dihungila Dikulukulu ne Dihungila Dihia-dihia 2003

⁴³ Nuenu ba bisamba bionso, sankai ne bantu bandi, bualu bua yeye nealombe mashi a bantu bandi, neasombuele badi nʼandi lukuna, udi umusha dihila dia buloba ne dia bantu bandi.

Dielulula 32:43 交叉引用

Didimanyisha 19:2

Udi ukosa nsambu amu mudiyi! Bualu mmunyoke muena buendenda munene, uvua munyange buloba ne malu ende a bundu. Uvua mumusombuele, bualu uvua mushipe bantu bende.”

Rome 12:19

Balunda banyi, kanudisombuedi. Kadi nuanyishe amu bua Mvidi Mukulu aleje bantu tshiji tshiende. Bualu Mukanda wa tshijila udi wamba ne: “Meme Maweja-Nangila, nensombuele. Nembapingajile bubi buvuabu benze.”

Didimanyisha 6:10

Kuelabu diyi dikole ne: “Mfumu wa Tshijila, udi ukumbaja biudi mulaye, nealumbuluishe ba pa buloba diba kaayi? Utshidi amu windila, kuyi unyoka bavua batushipe anyi?”

Misambu 85:1

Musambu wa mu mukanda wa mulombodi wa bena misambu. Wa mu mukanda wa misambu wa bena Kora.

Yobe 13:24

Udi ungela nyima, ungangata bu muluishi webe bua tshinyi?

2 Bakalenga 9:7

Wewe neushipe ndelanganyi ya Akabe, mfumuebe wa kale. Ndi ngenza nanku bua kusombuela bua bena mudimu banyi bonsu, bambi ne bantu bakuabu, bavua Yezabele mushipeshe.

Dielulula 32:35

Dituku dia kabutu, nembasombuele, bua bapete difutu dia buenzayi buabu. Dituku dia kubutula baluishi ba bena Izrayele, dikadi pabuipi, bukole buabu nebujimine.”

Didimanyisha 18:20

Wewe diulu, sanka, bua padi tshimenga etshi tshibutuke. Nuenu bantu ba Mvidi Mukulu, nuenu bapostolu ne bambi, tuayi tshianga! Bualu Mvidi Mukulu mmutshifundile tshibawu tshia bubi buvuatshi tshinuenzele!

Didimanyisha 18:2

Uvua wela diyi dikole, wamba ne: “Eyi, tshimenga ntshibutuke! Tshimenga tshinene tshia Babilone ntshibutuke! Tshikadi mpindiewu muaba udi diabolu ne mikishi mibi ya mishindu yonsu bisombela. Nyunyi mibi ya mikiya ya mishindu yonsu kabidi idi isombamu.

Didimanyisha 15:4

Maweja-Nangila, wabenga kukutshina nnganyi? Wabenga kukunemeka udiku anyi? Bualu Wewe nkayebe udi wa tshijila. Bisamba bionsu nebikukukuile, bualu bantu bonsu badi bamona patoke malu mimpe audi wenza.”

Didimanyisha 15:2

Pashishe meme kumona tshintu bu mayi manene menza bu lumuenu, engelela bu kapia. Meme kumona kabidi bavua batshimune nyama, tshimfuanyi tshiende, ne kampanda uvua ne dina didi bungi budileja. Bavua bimane pa mayi manene awu, bakuate mu tshianza nzenze ivua Mvidi Mukulu mubapeshe.

Luke 19:27

Kadi bena lukuna banyi bavua kabayi basue bua meme kuikala mukalenga wabu, fikayi nabu apa. Nubashipe, meme mutangile.”

Luke 2:32

Ke butoke budi bumanyisha bisamba bionsu muudi, bupetesha bena Izrayele, bantu bebe, lumu.

Muadi 2:5

Maweja-Nangila mmudienze muluishi wetu. Kupulaye nzubu mimpe yonsu ya mu Izrayele. Kushimbulaye bimenga bivuabu bakoleshe ne bimana. Kutampakajaye dibungama ne mikemu miaba yonsu mu tshisamba tshia bena Yuda.

Yirmeya 13:14

Nembatutakaje mitu, baledi ne bana, bu mudibu batutakaja mulondu ne mukuabu. Tshiakufuila muntu nansha umue luse to. Nembabutule bonsu tshiyi nansha ne luse kashidi kanyi!”

Yeshaya 19:25

Maweja-Nangila muena bukole buonsu neele bantu lupemba ne miaku ya ne: “Ndi ngeela lupemba, bena Ejipitu, bantu banyi, bena Ashure bandi musonge ne bianza bianyi, ne bena Izrayele bandi musungule.”

Yeshaya 19:23

Dituku adi, njila neumuke ku ditunga dia Ejipitu, uya ku ditunga dia bena Ashure. Bena Ashure nebaye mu Ejipitu; bena Ejipitu nebaye mu Ashure. Bonsu pamue nebatendelele Maweja-Nangila.

Yeshaya 11:10

Muana wa ku ndelanganyi ya Ishayi neikale mulombodi wa bukua bisamba. Bukua bisamba nebuye kumulomba meji. Muaba wikalaye musombe, neukenke ne butumbi bua Mvidi Mukulu.

Misambu 65:3

Bualu udi uteleja bantu badi bakutendelela. Ke padibu bonsu bafika kuudi,

Misambu 22:27

Ndi mbikila bapela, badie buukute! Bantu badi batendelela Mvidi Mukulu, nebamutumbishe, balale panu, baboboke!

1 Bakalenga 8:43

wewe Maweja-Nangila, mu diulu muudi usomba, wikale muteleje. Umupeshe tshintu tshidiye ukulomba. Nanku, bantu ba bisamba bionsu bia pa buloba nebakumanye, nebalonge mua kukunemeka, bu mudi bantu bebe bena Izrayele bakunemeka. Kabidi nebajadike ne: nzubu ewu undi muibake, nguebe wewe bulelela.

Genese 12:3

Bonsu badi bakuela lupemba, nembele. Kadi bonsu badi bakutshipa, nembatshipe. Nengele bisamba bionsu bia pa buloba lupemba bualu buebe.

Misambu 58:10

Nebabakose bu ntambua dishinda, kabidi nansha mutshikale mubishi nansha mosha mvunde neabatangalaje.

Misambu 79:9

Mvidi Mukulu musungidi wetu, luaku utuambuluishe, bualu lumu luebe mbalunyange, utupandishe, utufuile luse, bualu butumbi buebe ke budibu bapepeja.

Yeshaya 1:24

Ke padi mfumu munene, Maweja-Nangila muena bukole buonsu, Mvidi Mukulu wa bukole wa Izrayele, wamba ne: “Eyi! Nentekeshe baluishi banyi, nensombuele bena lukuna banyi.

Yeshaya 1:25

Wewe Yerushalayime, newikale nanyi tshilumbu. Nenkuele mu kapia bua kulengulula, kumusha bikanganya biebe, kumusha manyanu onsu adi munda muebe.

Yeshaya 66:10

Nuenu badi bananga Yerushalayime, sankayi nende pamue, sangulukayi bualu buende. Nuenu bonsu bavua mu madilu, bua pavuaye mu dikenga, sankayi nende mpindiewu.

Misambu 79:10

Bantu benyi badi batukonka ne: “Mvidi Mukulu wabu udi wenza tshinyi?” Kadi bamanye ne: tudi basue kumona muudi usombuela, bua lufu lua bena mudimu bebe.

Misambu 85:3

Udi mukupule tshilema tshia bantu bebe, mubabuikidile malu mabi abu.

Yeshaya 44:22

Nkadi mukupule buntomboji buebe, ne bilema biebe, bu mudi divuba dipite lubilu, dijimine. Ndi mukupandishi webe. Pingana kundi.”

Yeshaya 60:6

Ditunga diebe nediuwule ne nyama ya tumelu tente. Bangenda mushinga ba mu Madiyane ne ba mu Efa nebafume ku Saba, bisumbu ne bisumbu, ne tumelu tuabu. Nebakutuadile tshiamu tshia mpawungi ne musenga wa kamonya. Nebende batumbisha Maweja-Nangila.

Yirmeya 51:36

Maweja-Nangila udi wambila bena Yerushalayime ne: “Tshilumbu tshiebe ndi ntshiangata ne manza abidi. Ndi nkunsombuela, ngumishe musulu wa Perate, nenkamishe mpokolu ya Babilone.

Yezekiyele 16:63

Nanku, neuvuluke malu a kale. Bundu nebukukuate. Kuakuakula kabidi to. Kadi meme, nenkufuile luse ku bubi buonsu buuvua muenze. Meme Maweja-Nangila, ndi njadika bualu ebu.”

Yezekiyele 25:14

Bantu banyi bena Izrayele nebasombuele bena Edome mu dina dianyi. Bena Izrayele nebabanyoke bikole, mushindu udi tshiji tshianyi tshilomba. Bena Edome nebalonge mudibu ne bua kuntshina. Meme Maweja-Nangila Mvidi Mukulu, ndi njadika bualu abu.”