Dielulula 32:36 - MUKANDA WA MYIDI MUKULU

³⁶ Padi bena Izrayele kabatshiyi ne bukole, kabayi ne muntu udi mua kubambuluisha. Maweja-Nangila neabafuile luse. Neabambuluishe, akosa nsambu yabu pa yoyi.

Mukanda wa Nzambi Dihungila Dikulukulu ne Dihungila Dihia-dihia 2003

³⁶ Bualu bua Yehowa nealumbuluile bantu bandi bilumbu biabo, neakudimune mutshima wandi bualu bua bantu bandi, hatangileye ne bukole buabo buakujimina, ne kakuena muntu udi mushale muhika anyi mudishikaminyi.

Dielulula 32:36 交叉引用

Misambu 135:14

Eyowa, Maweja-Nangila udi wakuila bantu bende, udi utabalela badi bamukukuila.

Misambu 106:45

Kuvulukaye ndondu wende bu mudiye ne luse, kukudimunaye meji ende.

2 Bakalenga 14:26

Bualu Maweja-Nangila uvua mumone dikenga dikole divua nadi bena bukalenga ebu. Bualu kakuvua muntu nansha umue utshivua mua kuambuluisha bena Izrayele to.

1 Bakalenga 14:10

Nanku, nennyoke bena nzubu webe. Nembutule bena diku diebe bonsu: bana ne bantu bakulumpe. Nembutule bena nzubu bebe bonsu, anu bu mudibu bimansha bintu ku dyala ne lukombu.

Balombodi 2:18

Misangu yonsu ivua Maweja-Nangila utumina bena Izrayele mulombodi, Maweja-Nangila nkayende uvua ku luseke lua mulombodi awu. Nanku Maweja-Nangila ke uvua usungidila bena Izrayele mu bianza bia baluishi, matuku onsu avua mulombodi awu ne muoyi. Maweja-Nangila uvua ufuila bena Izrayele luse, pavua-bu badila, banyingalala bua mushindu uvuabu babakengesha kudi baluishi babu.

Ebrewu 10:30

Bualu tudi bamanye uvua muambe ne: “Meme ke wasombola, meme ke wafuta,” kabidi ne: “Maweja-Nangila nealumbuluishe bantu bende.”

Amosa 7:6

Ke Maweja-Nangila kubafuila luse, wamba ne: “Mbimpe, biudi mumone kabiakuenzeka nansha!”

Amosa 7:3

Ke Maweja-Nangila kubafuila luse, wamba ne: “Mbimpe, biudi mumone kabiakuenzeka nansha!”

Yowele 2:14

Misangu mikuabu udi mua kushintulula meji adiye nawu, kunusankisha pa mutu pa kunukengesha. Diba adi, nudi mua kumutuadila milambu, ya ntete, ne ya maluvu.

Yirmeya 31:20

Maweja-Nangila udi wamba ne: Efrayime ke muananyi musuibue, ke muana undi mupite kunanga. Misangu yonsu indi ntela dina diende, ndi mmuvuluka tshiyi mua kumupua muoyi. Ndi mumunange bikole, tshiena ne mushindu wa kubenga kumufuila luse.

Misambu 96:13

kumpala kua Maweja-Nangila, bualu udi ufika, udi ufika bua kulumbuluisha bantu ba pa buloba. Udi mukoshi mulelela wa bilumbu bia bantu.

Misambu 90:13

Maweja-Nangila neutulondakaje musangu bule munyi? Tangila kutudi, utufuile luse, tuetu bena mudimu bebe.

Misambu 50:4

Mvidi Mukulu udi ubikila diulu ne buloba, bua bijadike mudiye ulumbuluisha bantu bende.

Misambu 7:8

Sangisha bisamba bionsu pabuipi nebe. Zangama ku mutu kuabi mu nkuasa webe wa butumbi.

2 Bakalenga 9:8

Bulelela, bena nzubu wa Akabe bonsu nebafue. Nembutule bena diku dia Akabe bonsu: bantu bakole ne bana batekete.

1 Bakalenga 21:21

Maweja-Nangila udi wamba ne: “Nenkutumine makenga makole. Nenkubutule wewe ne bantu bonsu ba mu diku diebe, bakulumpe ne bana batekete.

Lewitiki 26:43

Kadi bena Izrayele bamane kumuangala mu ditunga, miaba ivuabu badime ayi neyipete dikisha. Mu tshikondu tshidi maloba awu mu dikisha, bena Izrayele nebapete dinyoka, bualu mbabenge meyi anyi ne mikenji yanyi.

Yirmeya 20:11

Kadi Maweja-Nangila wewe udi ne bukole! Wewe udi unduila meme mvita. Badi bankengesha, badishinde. Nebapange tshia kuenza. Bu mudibu kabayi bapeta tshintu, nebafue bundu. Kakuena muntu wapua bualu ebu muoyi.

Ekesode 32:14

Maweja-Nangila kufuila bena Izrayele luse, kena mubenzele bionsu bivuaye mubakanyine to.

Yirmeya 42:10

“Panuikala bapingana mu ditunga, nengasulule tshisamba tshienu. Tshiakutshibutula to. Nentshishindike tshiasa miji. Tshiakutshitula to. Nanku, nennyingalale bua dikenga dimvua munutumine.

Danyele 12:7

Muntu uvua muvuale bilamba bia buanda bua ndanda kuela bianza bibidi mulu. Meme kumvua wamba ne: ‘Ndi nditshipa mu dina dia Mvidi Mukulu udi ne muoyi wa tshiendelele ne: malu aa neajike papita bidimu bisatu ne tshitupa. Neajike patekeshabu bukole buonsu bua tshisamba tshia Mvidi Mukulu.’

Yowele 2:18

Maweja-Nangila mmunange ditunga diende, mmufuile bantu bende luse.