Dielulula 32:27 - MUKANDA WA MYIDI MUKULU

²⁷ Kadi bena lukuna babu bavua mua kunseka, kuela meji ne: tuetu ke bavua bababutule, Maweja-Nangila kena ne tshidiye wenza.

Mukanda wa Nzambi Dihungila Dikulukulu ne Dihungila Dihia-dihia 2003

²⁷ bu meme tshiyi nutshine ne bantu badi nʼabo lukuna nebanfikishe munda, ne bobo nebabange kujingulula bimpe, neba diambe ne, Bianza bietu bidi bibandishibua, ne Yehowa kena wenza malu â onso.

Dielulula 32:27 交叉引用

Misambu 140:8

Maweja-Nangila Mvidi Mukulu, wewe ke bukole buanyi budi bundama, wewe ke udi ulama mutu wanyi diba dia mvita.

1 Samuele 12:22

Maweja-Nangila kakunulekela to. Bualu yeye nkayende ke uvua munusungule bua nuikale tshisamba tshia bantu bende. Maweja-Nangila neavuluke lumu luende lunene.

Yoshua 7:9

Bena Kenaane ne bantu bakuabu ba mu ditunga nebumvue lumu elu. Nebadisange bua kutuluisha. Nebatubutule. Kadi mudibu mua kujadika mpindiewu muudi ne bukole mbishi?

Ekesode 32:12

bena Ejipitu mbafuane kuamba ne: Uvua mupatule bena Izrayele mu Ejipitu ne lonji, bua kubashipa, kubabutula pa mikuna. Nanku, ndi nkusengelela bua utuyishe tshiji tshiebe, kubabutudi to.

Muadi 1:9

Bubi buende mbumuenekele too ne ku muntumpu wende. Yerushalayime kavua muele meji ku bivua mua kumuenzekela. Eyi! Kabutu nkamukuate. Kakuena muntu nansha umue udi umusamba. Udi wamba ne: “Maweja-Nangila, tangila dikenga dianyi. Mona mudi muluishi wanyi untshimuna.”

Yirmeya 19:4

Bualu bena Yuda mbambenge. Mbandamune muaba ewu, ukadi wa tshianana. Bavua balambuilapu mvidie ya bantu ba bisamba bikuabu milambu. Ke mvidie buabu kabayi bamanye, nansha bobu nansha bankambua babu, nansha bakalenga ba bena Yuda. Bavua buwuje muaba ewu ne mashi a bantu bavua kabayi ne bualu.

Yeshaya 47:7

Uvua uditangila wewe bu mukalenga mukaji, uvua ne bua kudia bumfumu kashidi mu bantu. Kadi kuvua muele meji bimpe, ku malu avua enzeka diba adi. Kuvua nansha muele meji, ku bivua ne bua kuenzeka to.

Yeshaya 37:35

Nendame Yerushalayime, nemmusungidile, bualu ndi Mvidi Mukulu, kabidi ndi munange muntu wanyi Davide.”

Yeshaya 37:10

mukalenga wa bena Yuda, muntu bua kumuambila ne: “Wewe udi mutambe kutekemena amu kudi Mvidi Mukulu webe. Udi wela meji ne: Mvidi Mukulu neankandike bua meme kukuata tshimenga tshia Yerushalayime anyi? Kadi Mvidi Mukulu kakushimi to.

Dibadika 15:30

“Kadi muena Izrayele nansha muenyi, udi wenza bualu bubi ku bukole, udi upenda Maweja-Nangila. Nebamumushe munkatshi mua bena Izrayele.

Yeshaya 48:11

Pandi muenze nanku, bidi amu bua lumu luanyi, eyowa, amu bua lumu luanyi. Bualu tshiena musue bua bapepeje dina dianyi. Tshiena musue bua bantu bakuabu bangate lumu ludi luanyi meme.

Dielulula 9:28

Bualu bena Ejipitu badi mua kuamba ne: ‘Maweja-Nangila wapangi mua kufikisha bantu bende mu ditunga divuaye mubalaye. Kena mubanange. Uvua mubapatule mu Ejipitu anu bua bafuile mu tshipela!’

1 Bakalenga 20:28

Muambi wa Mvidi Mukulu kuya kabidi kudi Akabe, mukalenga wabena Izrayele, umuambila ne: — Maweja-Nangila udi wamba ne: “Bu mudi bena Siriya bamba ne: meme Maweja-Nangila ndi anu Mvidi Mukulu wa ku mikuna, tshiena wa mu mpata, ndi mfila bena mvita babu bonsu mu bianza biebe, bua wewe kumanya ne: meme ndi Maweja-Nangila.”

Misambu 140:9

Maweja-Nangila, kuanyishi majinga a bantu babi, kulekedi majinga abu akumbane.” Bantu badi banduisha badi ne ditambisha dia bungi; bavua banjingila diakabi, diakabi edi dibapingene bobu meme!

Danyele 4:27

Mukalenga kuela lubila ne: — Ewu mBabilone, tshimenga tshinene tshimvua muibake, bua tshikale muaba wa mukalenga kusomba. Tshimenga etshi tshidi tshileja mudi bukole buanyi, ne mudi lumu lua bukalenga buanyi!