Dielulula 32:24 - MUKANDA WA MYIDI MUKULU

²⁴ Nzala mimane kutekesha bena Izrayele, mubidi luya ne disama dia tshiambu bimane kubakuata, nembatumine nyama ya lonji, kabidi ne nyoka ya lulengu.

Mukanda wa Nzambi Dihungila Dikulukulu ne Dihungila Dihia-dihia 2003

²⁴ nzala neyibanyange, makala a kahia ne makenga makole neabashihe, nentume nyama ya menu makole munkatshi muabo, ne lulengu lua nyoka idi idikoka hanshi.

Dielulula 32:24 交叉引用

Lewitiki 26:22

Nentume nyama ya tshisuku, ishipe bana benu, ibutule bimuna bienu. Nenubutuke, mu njila yenu mushale anu mutupu.

Yezekiyele 5:17

Nennutumine tshiyole tshia nzala ne nyama ya lonji, bua bibutule bana benu. Disama dia tshiambu, tshinyangu, ne mvita, neanubutule. Meme Maweja-Nangila ndi nnujadikila bualu ebu.”

Abakuke 3:5

Udi utuma bipupu kumpala kuende, lufu lulonda panyima.

Amosa 9:3

Nansha baye kusokoma pa mukuna wa Karmele, nembasanganemu, mbakuata. Nansha baye kubutama muinshi mua mayi manene bua tshiyi mbamona kabidi, nembatumine nyoka munene wa mu mayi, aye kubasuma muine amu.

Yezekiyele 14:21

Pashishe, Maweja-Nangila kungambila ne: — Ndi mutumine Yerushalayime bipupu binene binayi! Ke mvita, tshiyole tshia nzala, nyama ya lonji, ne disama dia tshiambu tshikole, bua kubutula bantu ne nyama.

Yezekiyele 14:15

Misangu mikuabu, ndi mua kutumina bantomboji abu nyama ya lonji. Nanku ditunga diabu nedishale tshipela, bualu nyama ayi neyishipe bena ditunga bonsu. Bantu bakuabu kabakuendamu to, bualu nebatshine nyama.

Muadi 5:10

Bua nzala mikole idi itusuma, dikoba dietu didi dituosha bu dia bantu badi mu tshikutu tshia kapia.

Yirmeya 16:4

bonsu nebafue lulu lubi. Kabakumona udi mua kubadila nanshakubajika to. Bitalu biabu nebifukishe buloba. Nebafile mu mvita, nansha ku tshiyole tshia nzala. Bitalu biabi nebabizokole kudi nyunyi ya mikanku, babidie kudi nyama ya mibuabua.

Yirmeya 15:3

Maweja-Nangila udi wamba ne: nembakengeshe mishindu inayi: muele wa mvita neubashipe, mbua neyikoke bitalu iye nabi kule, nyunyi ya mikanku neizokole bitalu, nyama ya mibuabua neidie bionsu bidi bishale.

Yirmeya 14:18

Pandi nya ku budimi, ndi mmona amu bitalu bia bantu bavua bafue mu mvita. Pandi mpingana mu tshimenga, ndi mmona anu bitalu, bia bantu bavua bafue ku tshiyole tshia nzala. Bambi ne batuangaji badi batambakana mu ditunga, kabayi bamanye tshia kuenza.

Yeshaya 65:25

Nyama wa mubuabua ne kana ka mukoku nebidiile pamue. Nyama wa ntambue neadie bisosa bu ngombe. Nyoka bua kudiaye, neadie amu lupuishi. Maweja-Nangila udi wamba ne: Bantu kabakuenza kabidi bibi, nansha kukengesha muntu nabu pa mukuna wanyi wa tshijila to.

Misambu 120:4

Neanukengeshe ne mikete mitue ya mvita, misakisha mu kapia ka makala.

Misambu 91:6

nansha tshipupu tshidi tshiendakana mu midima, nansha disama dia tshiambu didi dikuata bantu munda munya.

Dielulula 28:53

Matuku adibu banutshintshimika awu, nebanukengeshe bikole. Nenudie munyinyi wa bana ba balume ne ba bakaji banudi balele, bikale Maweja-Nangila Mvidi Mukulu wenu munupe.

Dielulula 28:22

Nenunyane, nupeta mubidi luya ne biuja. Biakudia bienu nebiume ne munanga; nansha nebibole. Neanukengeshe nenku too ne panuabutuka bonsu.

Genese 49:15

Isakare mmumone ne: muaba undi ndala mmuimpe, ditunga dindi nsomba ndilenga. Udi wambula majitu pa makaya, wenza mudimu bu mupika.

Genese 3:14

Maweja-Nangila Mvidi Mukulu umvua nanku, kuambilaye nyoka ne: — Wewe newenji nenku, ndi nkutshipa. Ku nyama yonsu anu wewe newikale ukoka difu panshi, kabidi neudie buloba matuku onsu audi ne muoyi.

Dielulula 28:48

Maweja-Nangila neanutumine baluishi, banukuate ku bupika. Nenukenge ne nzala ne nyota, nupanga ne tshilamba tshia kuvuala. Maweja-Nangila neanuambuishe mukoolu wa tshiamu tshia bujitu pa makaya, too ne panuabutuka bonsu.

Yobe 20:16

Bivuaye mulake, bivua lulengu lua nyoka. Bidi bishipangana bu lulengu lua nyoka wa ntoka, musuma muntu.

Yirmeya 8:17

Maweja-Nangila udi wamba ne: Ndi musue kunutumina nyoka ya lulengu. Kakuena mushindu wa nuenu kuibidilangana nayi, kuyitekesha. Neyinusume.

Mika 7:17

Nebadie lupuishi, bu mudi nyoka ne bilandadi bionsu. Nebipatuke mu mena abi, nebiye ne luzakalu kumpala kua Maweja-Nangila, Mvidi Mukulu wetu. Nebatshine bukole buende.