Dielulula 30:16 - MUKANDA WA MYIDI MUKULU

¹⁶ Nudimuke, nukumbaje mikenji indi nnuambila lelu eyi: nunange Maweja-Nangila Mvidi Mukulu wenu, nulonde njila idiye unuleja, nutumikile meyi ende ne mikenji yende. Nanku nenushale ne muoyi; nenuvulangane. Maweja-Nangila neanuenzele bimpe mu ditunga dinuakuata.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ mukenji unakunuelela lelu bua kunanga Yehowa, Nzambi wenu, ne bua kuenda mu nshila yandi ne bua kutumikila mikenji yandi ne mei andi ne mikandu yandi: nunku nenuikale ne muoyo, nenukumbane ba bungi, ne Yehowa, Nzambi wenu, neanuvudishile disanka mu buloba bunuyaya kubuhiana.

Dielulula 30:16 交叉引用

Dielulula 30:6

Maweja-Nangila Mvidi Mukulu wenu nkayende nealengeje mioyi yenu, ne ya ndelanganyi yenu, bua numunange ne muoyi mujima, ne bukole buenu buonsu, bua nuenu kushala ne muoyi.

Yowanane 14:21

Muntu udi ulama mikenji yanyi, uyitumikila, ke udi munnange. Muntu udi munnange, Tatu wanyi neamunange. Meme kabidi nemmunange, nendileje kudiye.

Dielulula 6:5

Nunange Maweja-Nangila Mvidi Mukulu wenu, ne muoyi wenu mujima, ne mutshima wenu onsu, ne bukole buenu buonsu.

1 Korente 7:19

Nansha bakuteke panshi, nansha kabayi bakuteke panshi, ki mbualu to. Tshidi ne bualu nkutumikila mikenji ya Mvidi Mukulu.

Dielulula 4:1

Moshe kuambila kabidi bena Izrayele ne: Nuenu bitabe meyi ne mikenji bindi munulongeshe, nenuikale ne muoyi. Kabidi nenukuate ditunga dia Kenaane, didibu banupesha kudi Maweja-Nangila Mvidi Mukulu wa bankambua benu.

Dielulula 30:17

Kadi panuabenga kutumikila Maweja-Nangila, panuikala basue kutendelela mvidie, kuyenzela mudimu,

Dielulula 30:19

Nanku ndi nnujadikila lelu kumpala kua diulu ne buloba ne: nusungule tshinudi basue: ndi nteka muoyi ne diakalenga luseke, lufu ne diakabi lukuabu. Mbimpe nusungule muoyi, bua nushale bena diakalenga, nuenu ne ndelanganyi yenu.

1 Bakalenga 3:3

Shelomu kuleja nuwuaye munange Maweja-Nangila, kukumbajaye bionsu bivua tatuende Davide mumuambile. Nansha Shelomu mene, uvua ulambuila milambu ya nyama, ne ya manananshi, miaba ya tshijila mikuabu ayi.

Nsumuinu 3:1

Muananyi, kupu dilongesha dianyi muoyi. Kadi uvuluke mibelu yanyi.

Yeshaya 1:19

Eyowa, panuikala bakumbaje mikenji yanyi, panuikala banteleje, nenudie bintu bimpe bia mu ditunga dienu.

Dielulula 5:33

Nuitabe bionsu bidi Maweja-Nangila wenu munuambile, bua nuikale bena diakalenga, nushale ne muoyi matuku a bungi mu ditunga didiye unupesha.

Dielulula 32:47

Mikenji eyi kayena anu meyi patupu, kadi idi inupetesha muoyi. Nuenu bayikumbaje, nenushale ne muoyi matuku a bungi mu ditunga dinuyaya kubuela dishiya dia Yardene.

Yoshua 23:11

Nanku nudimuke, nunange amu Maweja-Nangila Mvidi Mukulu wenu.