Dielulula 3:28 - MUKANDA WA MYIDI MUKULU

²⁸ Ulongeshe Yoshuwa malu onsu. Umukoleshe ku muoyi, ashindike muoyi wa munda. Bualu yeye nealombole bena Izrayele, bua kusabukabu musulu wa Yardene, too ne muafikabu mu ditunga diudi umona edi.”

Mukanda wa Nzambi Dihungila Dikulukulu ne Dihungila Dihia-dihia 2003

²⁸ Kadi Wambile Yoshua dî, ushindike mutshima wandi, umukoleshe; bualu bua yeye neasabuke ku mpala kua bantu aba, neabahianyishe buloba budi utangila.

Dielulula 3:28 交叉引用

Dielulula 31:3

Maweja-Nangila Mvidi Mukulu wenu nkayende, neende kumpala kuenu. Neabutule bonsu badi base dishiya dia Yardene, bua nukuate ditunga adi. Yoshuwa neikale mfumuenu, bu muvua Maweja-Nangila mumane kuamba.

Dielulula 31:23

Pashishe Maweja-Nangila kukolesha Yoshuwa, muana wa Nune, ku muoyi, umuambila ne: “Kutshinyi, kuzakadi. Wewe neufikishe bena Izrayele mu ditunga dia Kenaane dimvua mubalaye. Meme nengikale nebe.”

Dielulula 31:7

Pashishe Moshe kubikila Yoshuwa, kumuambila, bena Izrayele bonsu bateleja, ne: — Kankamana! Kolesha muoyi. Wewe neufikishe bena Izrayele bonsu mu ditunga divua Maweja-Nangila mulaye bankambua babu. Wewe neubabanyine miaba ya kuasa.

Dielulula 1:38

Anu Yoshuwa, muana wa Nune, muena mudimu webe, ke wafikamu. Umukankamike, bualu yeye ke wafikisha bena Izrayele mu ditunga edi.”

Bienzedi 7:45

Bankambua betu bakuabu bavua bapiane ntente ewu. Bavua bamuambula diba divua Yoshuwa, mulombodi wabu, mukuate nabu ditunga divua dia bisamba bia bende. Bisamba abi, Mvidi Mukulu uvua ubipata, pavua bena Izrayele benda babuela mu ditunga. Nanku ndelanganyi yonsu ya bena Izrayele kushala ne ntente awu, too ne ku tshikondu tshia Davide.

Ebrewu 4:8

Bualu, bu Yoshuwa mupeteshe bantu muaba wa kuikisha ewu, Mvidi Mukulu kavua mua kutela kunyima kua bidimu dituku dikuabu.

Yowanane 1:17

Mvidi Mukulu uvua mutuelele mikenji idi Moshe mutumanyishe. Kadi dinanga ne bulelela mbifika kudi Yezu Kristu.

1 Kulondolola 28:20

Pashishe Davide kuamba kabidi ne: — Muananyi, kolesha muoyi, utantamane. Tuadija mudimu ewu. Kutshinyi, kuzakadi! Maweja-Nangila Mvidi Mukulu wanyi kena ukulekela to. Udi nebe, ubambuluisha too ne muwajikija mudimu ewu wa nzubu wende.

1 Kulondolola 22:6

Davide kubikidisha muanende Shelomu, kumuambila bua kuibakaye nzubu wa Maweja-Nangila Mvidi Mukulu wa bena Izrayele.

Yoshua 1:2

— Moshe, muntu wanyi, mmumane kufua. Mpindiewu, wewe udi ne bua kusabuka musulu wa Yardene, pamue ne bena Izrayele bonsu, bua ubafikishe mu ditunga dindi mubapeshe.

Dielulula 1:37

Bua bubi buenu ebu, Maweja-Nangila mmumfikile kabidi ne meme munda, unkandika ne: “Nansha wewe mene Moshe kuena ufika mu ditunga dia Kenaane to.