Dielulula 3:1 - MUKANDA WA MYIDI MUKULU

¹ Pashishe tuetu kubenda bua kupitshila mu ditunga dia Bashane. Kadi Oge, mukalenga wa Bashane, ne tshiluilu tshiende tshionsu, kutubunda pabuipi ne tshimenga tshia Edreyi.

Mukanda wa Nzambi Dihungila Dikulukulu ne Dihungila Dihia-dihia 2003

¹ Tuakanyunguluka, tuakaya mu nshila wa ku Bashana: ne Oga, mukelenge wa Bashana, wakalua ne bantu bandi bonso bua kuluangana nʼetu ku Edelei.

Dielulula 3:1 交叉引用

Dielulula 29:7

kubanyenga matunga abu. Tuetu kuabanyina bena Rubene, bena Ngade, ne tshitupa tshia tshisamba tshia Menashe.

Dielulula 1:4

Malu aa avua menzeke, Moshe mumane kutshimuna Sihone, mukalenga wa bena Amore, uvua muase ku Eshebone. Uvua mumane kutshimuna kabidi mu tshimenga tshia Edreyi, Oge, mukalenga wa Bashane, uvua muase ku Ashetarote.

Misambu 136:20

ne Oge, mukalenga wa Bashane, bualu dinanga diende ndia kashidi.

Nehemya 9:22

Wewe, udi mubape bumfumu, bua matunga ne bua makalenga. Kuangatabu matunga avua mutumba nabu, ditunga dia Oge, mukalenga wa Bashane, ne ditunga dia Sihone, mukalenga wa Eshebone.

1 Bakalenga 4:19

Ngebere, muana wa Uri, uvua ulombola ditunga dia Ngilaade, ditunga dia Sihone, mukalenga wa bena Amone, ne dia Oje, mukalenga wa Bashane. Ku bamfumu balombodi ba mu bukalenga aba dikumi ne babidi, bavua basakidilaku kabidi mfumu mukuabu, bua kulombolaye ditunga dia bena Yuda.

Yoshua 13:30

kuinshi mu ditunga kuvua Makanayime. Mu buloba ebu muvua ditunga dijima dia Bashane, ditunga dijima dia Oge, mukalenga wa Bashane, ne misoku makumi asambombu ya Yayire ivua mu ditunga dia Bashane.

Yoshua 12:4

Mukalenga mukuabu uvua Oge. Udi umue wa ku bantu ba ndekelu ba bena Refayime. Uvua ulombola bantu bavua mu Bashane. Uvua usombela mu Ashetarote nansha mu Edreyi.

Yoshua 9:10

Kabidi tudi bamanye muvuaye mukengeshe bakalenga babidi ba bena Amore bavua dishiya dia musulu wa Yardene. Bakalenga aba ke: Sihone, mukalenga wa Eshebone, ne Oge, mukalenga wa Bashane, uvua musombe mu Ashetarote.

Dielulula 31:4

Maweja-Nangila neabutule bena ditunga adi, bu muvuaye mubutule Sihone ne Oge, bakalenga ba bena Amore, ne matunga abu.

Dielulula 4:47

Bena Izrayele bavua bakuate ditunga dia mukalenga awu, bakuate kabidi ditunga dia mukalenga Oge wa mu Bashane. (Bakalenga aba babidi ba bena Amore, ke bavua ne bumfumu luseke ludi diba dipatukila lua musulu wa Yardene.)

Dielulula 3:2

Ke Maweja-Nangila kungambila meme Moshe ne: “Kutshinyi mukalenga uvuavua awu to! Nkadi mumane kumufila mu bianza biebe, yeye ne bantu bende bonsu, kabidi ne ditunga diende dijima. Neumuenze muuvua muenze Sihone, mukalenga wa bena Amore, uvua muase mu Eshebone.”

Dielulula 2:32

Nanku Sihone ne tshikulu tshiende, kutubunda pabuipi ne tshimenga tshia Yahase.

Yoshua 12:1

Bena Izrayele bavua bamane kutshimuna bakalenga babidi bavua luseke ludi diba dipatukila lua musulu wa Yardene. Bobu kukuata matunga a bakalenga abu, awa malabale, biangatshile ku musulu wa Amone too ne ku mukuna wa Ermone. Matunga aa awa mu tshitupa tshia luseke ludi diba dipatukila lua musulu wa Yardene.